| e-texts navigator |
| Wylie |
217a1 གནས་ཆོས་ལ་བརྟེན་པར་འཛིན། །ཐམས་ཅད་ཀུན་དུ་ཕྱག་རྒྱ་ཡི། །ཐབས་དང་ཤེས་རབ་རྡོ་རྗེ་འཆང་། །སྐུ་གསུང་ཐུགས་ནི་ཐམས་ཅད་པ། །ཡོན་ཏན་ཕྲིན་ལས་ཀུན་དུ་རྫོགས། །སྒྱུ་འཕྲུལ་དྲ་བས་བྱང་ཆུབ་པའི། །སངས་རྒྱས་རྡོ་རྗེ་འཆང་དུ
217a2 དམིགས། །དེ་ལས་རྡོ་རྗེ་མཆོག་བསྣམས་པ། །དེ་ལས་མི་བསྐྱོད་ཉི་མའི་ལམ། །སྐུ་གསུང་ཐུགས་ཀྱི་ཡོན་ཏན་ལས། །ོ~ཾ་ཧཱུ~ཾ་སྭཱ~ཾ་གྱི་རྩེར་འཛིན་པ། །ཉིད་ལས་ཡང་དག་བསྐྱེད་ཚུལ་དུ། །ཤེས་རབ་ཡུམ་དུ་ཤིན་ཏུ་བརྟགས། །རྡོ་རྗེ་འབར་བས་རབ་བརྟེན་པ། །ཐབས
217a3 ཆེན་ཡིད་ནི་སངས་རྒྱས་ཡབ། །གཅིག་དང་དུམ་ཡོངས་ཀྱིས་མེད། །དེ་ལས་འགྲོ་དོན་ཕྲིན་ལས་འཆར། །ཡིད་དང་ཆོས་སུ་རབ་བརྟགས་པའི། །རྡོ་རྗེ་འཆང་རྒྱལ་ཚུལ་ཆེན་ལས། །རྡོ་རྗེ་དྲག་པོར་ལན་གསུམ་གསོར། །གཏུམ་པའི་སྔགས་བརྗོད་དེ་བསྐྱེད་པས། །བསྙེན
217a4 པའི་དཀྱིལ་འཁོར་རབ་ཏུ་རྫོགས། །ཉེ་བར་གྱུར་པའི་དམ་ཚིག་མཆོག་།དཔག་བསམ་ཤིང་དང་ཡིད་བཞིན་གྱི། །རིན་ཆེན་དབྱིག་དང་འབྱུང་བ་ཀུན། །དེ་དག་རྫས་ཡོད་མ་ཡིན་ཏེ། །རང་སེམས་བསོད་བརྟན་པ་ཡིན། །ངོ་མཚར་ཆོ་འཕྲུལ་རྨད་ཀྱི་ཆོས། །གཞན
217a5 ནས་ཡོད་འོང་མ་ཡིན་ཏེ། །ཐབས་ལ་བརྟེན་པའི་ཤེས་རབ་ཉིད། །དེ་ལྟ་བུ་ཡི་ངང་དུ་འབྱུང་། །ཤེས་རབ་དབྱིངས་ཀྱི་དེ་བཞིན་ཉིད། །ཐབས་ཀྱི་ཕྱག་རྒྱར་གྱུར་པའི་ཕྱིར། །ཡེ་ཤེས་ལ་ནི་ཡེ་ཤེས་རོལ། །ཡེ་ཤེས་རོལ་པ་ཉིད་གང་གསོག་།རྒྱལ་བ་མངོན་བྱུང་སྐྱོབ་པ
217a6 དང་། །བྱིན་བརླབས་སྟོན་པའང་དེ་བཞིན་ཏེ། །བྱ་བྱེད་ནུས་མཐུའི་གཟི་བྱིན་གྱིས། །སྒྱུ་མ་རྡོ་རྗེ་བཙན་པོ་མཆོག་།ཆོ་ག་ལྔ་ནི་རྫོགས་བྱས་ཤིང་། །ཡོ་བྱང་ལྔ་ནི་རྫོགས་པར་ལྡན། །སྔགས་ཀྱི་ཡན་ལག་ལྔ་རྫོགས་པས། །མ་ཉམས་འཇུག་ལ་རབ་བརྩོན་པ། །ཞག་ནི
217a7 སུམ་ཅུ་ཕྲག་དྲུག་གམ། །བཅུ་གཉིས་བཅུ་བཞི་བཅུ་དྲུག་གིས། །དབང་སྒྱུར་རིགས་ཀྱི་དམ་པ་འགྲུབ། །དེ་ཚེ་བཅུ་དྲུག་ཚུན་ཆད་ཀྱིས། །སྐུ་ལྔ་ལྷུན་གྱིས་རྫོགས་པ་ནི། །ཡེ་ཤེས་ཐིག་ལེ་དེ་ཉིད་ལ། །ཡེ་ཤེས་ཐིག་ལེ་ཉིད་སྣང་བ། །བསམ་གྱིས་མི་ཁྱབ་མཐའ་ཡས
iiif viewer powered by OpenSeadragon
