| e-texts navigator |
| Wylie |
216b1 གནས་བ་དང་། །དབང་ཆེན་དུས་ལ་བརྩོན་བ་ཡིས། །ཐམས་ཅད་ཀུན་ལ་དེ་ལྟར་འདེབས། །འདའ་དཀའ་ཇི་བཞིན་མི་ཤིགས་པས། །རྒྱལ་པོ་ཕྱག་རྒྱ་མཆོག་གི་གནས། །བདག་ཉིད་ཡུམ་ཆེན་མཚན་མའི་གཟུགས། །ཕྱག་རྒྱ་ཞེས་ནི་བསྒྲགས་པ་ཡིན། །ཉིད་ཀྱི་ལུས
216b2 ནི་བརྟན་ཕྱིར་རོ། །མཱུ~ཾ་དྲིལ་བུ་དྲིལ་བུ་གྲགས་སྙན་དང་། །ཡུམ་ཉིད་ཆེ་བའི་བདག་ཉིད་དང་། །འདུལ་བ་ཐབས་ཀྱི་རྒྱལ་མོ་ཡིས། །ཕྱེ་ཞིང་བཤིག་དང་བཅོམ་ལ་སོགས། །དཀྲུགས་ཤིང་ཐལ་བ་རྡུལ་ཕྲན་བཞིན། །བཙན་ཞིང་འབར་བའི་འཕྲོ་འདུ་འདིས། །ཐམས་ཅད་དྲིལ་བུ
216b3 ཉིད་པས་ན། །ནམ་མཁའ་ཁམས་ཀུན་བཀང་བ་ཡིན། །དེ་ལས་ཆོས་སྐུ་གསུང་འབྱུང་བ། །མཱུ~ཾ་གྷ་ཛྭ་ལཱ་ན་ལཱ་རྐ་མཱུ~ཾ་ཞེས་བརྗོད་པས་ཕྱག་རྒྱའི་ཚོགས་སུ་སྣང་བར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་མཚོན་ཆ་དམ་ཚིག་ཕྱག་རྒྱ་གླུའི་ལེའུ་སྟེ་བརྒྱད
216b4 པའོ། ། །།དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་ཐབས་དང་། །ཤེས་རབ་འབྱུང་བ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ། །དེ་ནས་ཡིད་དང་ཆོས་མཐུན་པར། །ཐུགས་ཀྱི་ཕྱག་རྒྱ་རྡོ་རྗེ་འཆང་། །ཤེས་རབ་དྲིལ་བུ་ཆོས་ལ་བརྟན། །ཧཱུ~ཾ་དང་མཱུ~ཾ
216b5 གྱི་སྙིང་པོ་འབར། །དེ་ལས་རྡོ་རྗེ་རྩེ་བཅུར་འབར། །ོཾ་དང་མཱུ~ཾ་གྱི་མཆོག་ཏུ་བརྟག་།ཤེས་རབ་ཉི་ཟེར་ཟླ་རྒྱས་ཐབས། །འབར་བའི་ཕུང་པོས་ཆོས་ལ་བརྟེན། །དེ་ལས་གཟུང་ཐབས་གཉིས་ཀྱིས་ནི། །འབྲུ་ལྔ་ཕྱག་རྒྱ་ཉིད་དུ་སྟེ། །དེ་ལས་རྡོ་རྗེ་ཕྱག་བསྣམས་གསོར། །
216b6 དེ་ལས་འཁོར་ལོ་ཕྱག་བསྣམས་གསོར། །དེ་ལས་ནོར་བུ་ཕྱག་བསྣམས་པ། །དེ་ལས་པདྨ་ཕྱག་བསྣམས་འཛིན། །དེ་ལས་རལ་གྲི་ཕྱག་བསྣམས་གཅོད། །དེ་ཉིད་རྡོ་རྗེ་ཕྱག་བསྣམས་པ། །ཐབས་ཆེན་དྲུག་ཏུ་ཡང་དག་གསོར། །དེ་ལས་རྡོ་རྗེ་གཟུང་ཐབས་གཉིས། །
216b7 ཨོ~ཾ་དང་མཱུ~ཾ་གྱི་མཚོན་བཞིན་དུ། །རྡོ་རྗེ་རྩེ་བཅུ་ཐབས་ཆེན་པོ། །ཐུགས་ཀར་བརྟན་པའི་ཚུལ་དུ་འབར། །སངས་རྒྱས་རྡོ་རྗེ་སེམས་དཔའ་ཡི། །ཕྱག་ན་མི་འཇིགས་ཐུགས་ཀར་འཛིན། །མཱུ~ཾ་ལས་ཕྱག་རྒྱ་ཆེན་པོ་ནི། །དྲིལ་གསིལ་འབར་བས་སངས་རྒྱས་ཡུམ། །མཆོད
iiif viewer powered by OpenSeadragon
