| e-texts navigator |
| Wylie |
204b1 འཁོར་འབྱིན་པའི་དམ། །འདའ་བར་མི་མཛད་དབང་མེད་རྒྱུ་རྐྱེན་ཚོགས་པའི་མཐུ་ཆེན་ཡིན། ། ཧོ། །རྡོ་རྗེ་གསང་བའི་ཚིག་ཏུའོ་ཞེས་བརྗོད་པས་དེ་བཞིན་གཤེགས་པ་ཐམས་ཅད་ཡི་གེ་འཁོར་ལོར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས
204b2 ཡི་གེ་ཕྲེང་བ་འཁོར་ལོ་བཀོད་པའི་ལེའུ་སྟེ་དྲུག་པའོ། ། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཤིན་ཏུ་གསང་བའི་ཕྱིར་གསང་སྔགས་ཀྱི་རྒྱུད་དེའི་ཕྱི་པ་དང་། ནང་པ་ཐབས་ཀྱི་རྒྱུད་གཞན་ལ་ཁམས་བརྒྱད་དུ་བསྟན།
204b3 གཙུག་ལག་ཐམས་ཅད་ལ་ཡང་ཁམས་བརྒྱད་དུ་བསྟན་པ་ཡིན། ལུང་གི་སྤྱི་འདི་ནི་ཤིན་ཏུ་ཟབ་པའི་ཕྱིར་ཁམས་ཉི་ཤུ་རྩ་གཅིག་ཏུ་བསྟན་ཏེ། ལུང་གི་སྤྱི་ཡང་རྒྱུད་དང་གསུང་རབ་ཐམས་ཅད་འབྱུང་བའི་གནས་ཡིན། །གསང་བའི་དབང་པོ་དང་གསང་བའི་ཡུལ
204b4 གཉིས་ཀ་ཡང་། སྐྱེ་མཆེད་དང་ཁམས་ཐམས་ཅད་འབྱུང་བའི་གཞི་ཡིན་པའི་ཕྱིར་ཤིན་ཏུ་གསང་བར་གསུངས་སོ། །དཀྱིལ་འཁོར་དེ་དག་ཤིན་ཏུ་གསལ་བར་བསྟན་པའི་ཕྱིར་ཉིད་ལ་ཉིད་ཆེད་དུ་བརྗོད་པ་འདི་བརྗོད་དོ། །ེ་མའོ་ཡེ་ནས་གསང་བའི་ཆོས། །ཐམས
204b5 ཅད་ཀུན་ལ་རང་བཞིན་གནས། །ངང་གིས་དག་མཉམ་མ་རྟོགས་པས། །ཀུན་ལ་ཡོད་ཅིང་རང་བཞིན་གསང་། །གཞན་དུ་མིན་ལ་ཤིན་ཏུ་གསང་། །དོན་ཉིད་ཀྱིས་ནི་གསང་བའི་རྒྱུ། །མཉམ་པའི་རྡོ་རྗེ་ཅན་གྱིས་གསུང་། །འདི་ནི་བྱང་ཆུབ་སྙིང་པོ་མཆོག་། ཧོ། །
204b6 རྡོ་རྗེ་གསང་བའི་ཚིག་ཏུའོ། །དབང་པོ་ཡུལ་དུ་སྣང་བའི་རྣམས། །བྱང་ཆུབ་སེམས་དཔའི་དཀྱིལ་འཁོར་ཉིད། །ཕུང་པོ་ལྔ་དང་འབྱུང་བ་ལྔ། །རིགས་ལྔ་ཡབ་ཡུམ་བཅུ་རུ་འབྱོར། །སྐྱེ་མཆེད་ཁམས་རྣམས་བརྒྱད་པོ། །སེམས་དཔའ་སེམས་མའི་དཀྱིལ
204b7 འཁོར་ཉིད། །ཐམས་ཅད་བྱང་ཆུབ་སེམས་མ་ཡི། །རྡོ་རྗེ་གསང་བའི་དབང་པོར་འདུས། །རྡོ་རྗེ་དབང་པོ་གསང་བའི་ཐབས། །དབང་པོ་ཡུལ་ཉིད་ཤེས་རབ་དབྱིངས། །དབང་པོའི་ཐུགས་ནི་རྡོ་རྗེ་སེམས། །ཐམས་ཅད་འབྱུང་བའི་གཏེར་ཉིད་དང་། །ཐམས་ཅད་འགྲོ
iiif viewer powered by OpenSeadragon
