| e-texts navigator |
| Wylie |
19a1 བྲོ་བའི་ཆོས་དང་། རེག་པའི་ཆོས་དང་། རེག་བྱའི་ཆོས་དང་། ངེས་པའི་ཆོས་དང་། ཤེས་པའི་ཆོས་དང་། ཆོས་ཀྱི་ཆོས་དང་། རྟོགས་པའི་ཆོས་ཉིད་འཛིན་པའི་ཕྱིར་ཆོས་ཉིད་ཅེས་བྱའོ། །མཚན་མར་སྤྱོད་པའི་ཕྱིར་འདུ་ཤེས་སྒྱུར་བའི་སྤྱོད་པ
19a2 དང་། དབང་དུ་སྤྱོད་པའི་སྤྱོད་པ་དང་། རྣམ་པར་གཡོ་བའི་སྤྱོད་པ་དང་། སྒྲོས་སུ་འདོགས་པའི་སྤྱོད་པ་དང་། ཟླ་ལས་གལ་བའི་སྤྱོད་པ་དང་། ཀུན་དུ་འཚིག་པའི་སྤྱོད་པ་དང་། བླ་བཀྱལ་འཚལ་བའི་སྤྱོད་པ་དང་། ཆགས་པ་འཛིན་པའི་སྤྱོད་པ་དང་། ཀུན་དུ
19a3 བདུད་ཀྱི་སྤྱོད་པ་དང་། ཕྱིན་ཅི་ལོག་པའི་སྤྱོད་པ་དང་། གཉིས་ལ་རྟེན་པར་སྤྱོད་པའི་ཕྱིར་སྤྱོད་པ་ཞེས་བྱའོ། །འབྲས་བུར་སྨིན་པའི་ཕྱིར་རྫོགས་པར་སྨིན་པ་དང་། རིམ་པར་སྨིན་པ་དང་། གློ་བུར་དུ་སྨིན་པ་དང་། བསྒྱུར་ཏེ་སྨིན་པའི་ཕྱིར་སྨིན་པ་ཞེས་བྱའོ། །བགྲོད
19a4 པར་བྱེད་པའི་ཕྱིར་གདུང་བའི་ལམ་དང་། འགོག་པའི་ལམ་དང་། མུན་པའི་ལམ་དང་། འདམ་གྱི་ལམ་དང་། ཡང་བའི་ཕྱིར་ལམ་ཞེས་བྱའོ། །བརྟེན་པར་བྱེད་པའི་ཕྱིར་བཟོད་ལྡན་གྱི་གནས་དང་། ཡིད་ལྡན་གྱི་གནས་དང་། མཉམ་ལྡན་གྱི་གནས་དང་། འདོད
19a5 ལྡན་གྱི་གནས་དང་། རྩོད་ལྡན་གྱི་གནས་དང་། དགའ་ལྡན་ལ་གནས་པའི་ཕྱིར་གནས་ཞེས་བྱའོ། །བདེ་བའི་མུ་ལ་བཟུང་བའི་ཕྱིར་ངོ་བོ་ཉིད་ཀྱི་མུ་དང་། བྱེད་པ་དང་དབང་ཕྱུག་གི་མུ་བཟུང་བའི་ཕྱིར་མུ་ཞེས་བྱའོ། །འདུས་པ་ཆེན་པོའི་ཚོགས་རྐྱེན་གྱི་རྣལ་འབྱོར
19a6 ནི་འདི་ལྟ་སྟེ། ཤེས་པ་གཅིག་ཤེས་ཏེ་ཆུབ་པར་འདོད་པས་ཀྱང་། ལམ་འདི་ཤེས་པར་བྱའོ། །དེ་བཞིན་དུ་དོན་གཉིས་དང་། ཚུལ་གསུམ་དང་། ཐབས་བཞི་དང་། ཆོས་ལྔ་དང་། རིགས་དྲུག་དང་། མཛད་པ་ཆེན་པོ་བཅུ་གཉིས་དང་། ཆོ་འཕྲུལ་ཆེན་པོ
19a7 བཅུ་གཉིས་དང་། ཡེ་ཤེས་བརྒྱད་དང་། སའི་ཁྱད་པར་བཅུ་གཅིག་དང་། སྐུ་བཞི་དང་། ལམ་ལྔ་དང་། འབྲས་བུ་ཆེན་པོ་དྲུག་དང་། བྱང་ཆུབ་ཆེན་པོ་གཅིག་ཤེས་ཏེ་ཆུབ་པར་འདོད་པས་ཀྱང་ལམ་འདི་ཉིད་ཤེས་པར་བྱའོ། །དེ་ཅིའི་ཕྱིར་ཞེ་ན། རང་རྐྱེན
iiif viewer powered by OpenSeadragon
