| e-texts navigator |
| Wylie |
14b1 ཉིད་སྨན་དུ་འགྱུར། །འཁོར་བའི་ལས་རྣམས་དེ་ལྟར་སྣང་། །འཁྲུལ་སྣང་དུག་གཟེར་བཟོད་དཀའ་ལྟར། །མ་རིག་འཁོར་བའི་སྡུག་བསྔལ་སྣང་། །རྨི་ལམ་སྒྱུ་འཕྲུལ་མི་ཟད་པས། །ཤིན་ཏུ་ཉམ་ཐག་གདུངས་པའི་ཚེ། །འཆི་བདག་བདུད་ཀྱིས་ཟིན་འདྲ་ལ། །
14b2 མགོན་བཙུན་གཞན་གྱིས་མི་ཕན་ཏེ། །བདུད་སེལ་རྩི་དང་འདྲ་བར་ནི། །ཡང་དག་ལམ་མཆོག་རྟོགས་པར་བྱ། །དུག་ནད་སྨྱོ་སངས་འབྱང་བ་ལ། །སྐད་ཅིག་མ་ལ་མི་བཟོད་ཅིང་། །སྨན་དང་སྨན་པའི་རྩོལ་བསྒྲུབས་པ། །སངས་ནས་དེ་དག་མི་དམིགས་ལྟར། །
14b3 འཁོར་བ་མི་དམིགས་འཁྲུལ་པ་ལ། །རྨི་ལམ་ནད་སེལ་རྩོལ་སྒྲུབ་ལྟར། །སྒྲུབ་དང་ཏིང་འཛིན་རྩོལ་བྱེད་ཀྱང་། །འཁོར་བ་སྟོང་རྟོགས་ཉིད་བྱང་ཆུབ། །སྒྱུ་མ་རྒྱུ་འབྲས་མི་སླུ་བཞིན། །བླུན་རྨོངས་ངོ་ལ་དེ་ལྟར་སྣང་། །མཉམ་ཉིད་རིག་པའི་རྩལ་ཅན་དག་།འཁོར་བ
14b4 འཁྲུལ་པའི་ཚིག་ཙམ་དུ། །མ་ནོར་ལམ་རིག་བློ་ལ་གསལ། །དེ་ལ་རྩོལ་ཐོབ་རློམ་སེམས་མེད། །སེམས་ཉིད་དོན་དང་མ་མཉམ་ན། །ཚིག་གིས་མཉམ་པས་དོན་མི་དཔོགས། །འཁྲུལ་འཁོར་མཉམ་ལས་མ་གཡོས་ཀྱང་། །ལོག་རྟོགས་སྒྱུ་མའི་ཚུལ་ཙམ
14b5 སྣང་། །སེམས་ཉིད་ཡེ་སངས་རྒྱས་རིག་ནས། །རིག་པའི་དོན་ལ་བརྩོན་སྦྱོར་ཞིང་། །རང་འབྱུང་ཡོན་ཏན་རྩལ་སྡུད་པ། །འཁྲུལ་པར་འབྲེལ་བ་ག་ལ་ཡིན། །བྱང་ཆུབ་སེམས་ལྡན་བསམ་རྫོགས་ན། །ཡེ་ཤེས་མཆོག་ལྡན་མཉམ་ཉིད་སྐུ། །ཏིང་འཛིན་མཆོག
14b6 ལྡན་བླ་མའི་དབང་། །དགེ་བསགས་མཆོག་ལྡན་ལུས་སྤྱོད་པའི། །བསོད་ནམས་མཆོག་ལྡན་གཟུགས་ཀྱི་སྐུ། །རྣམ་སྨིན་ཚུལ་གྱིས་འགྲུབ་མི་ལྟ། །བཙལ་ནས་ཐོབ་པར་མི་བྱེད་དེ། །རྒྱུ་ཡི་དུས་ཉིད་འབྲས་བུའི་མཆོག་།དཔྱོད་པའི་སེམས་ཉིད་ཏིང་འཛིན་ནི། །
14b7 སེམས་ཅན་དུས་ན་དོན་ལ་སྤྱོད། །ལྷུན་གྲུབ་ས་ལ་བགྲོད་མི་བྱེད། །འཁོར་བའི་ས་ཤེས་བདེ་ལྡན་གནས། །མི་གནས་འཁོར་བའི་སྡུག་བསྔལ་ཡང་། །བྱང་ཆུབ་འཁོར་བའི་ལམ་དང་འབྲེལ། །སྒྱུ་མའི་མཚན་ཉིད་མ་བཀག་ཚུལ། །རང་བྱུང་རྟོག་བྲལ་གཅིག
iiif viewer powered by OpenSeadragon
