| e-texts navigator |
| Wylie |
13b1 ཤིན་ཏུ་བསྒྲིབས་པར་གྱུར་པ་ན། །སྤྲིན་ཆེན་འདུས་པའི་ཕུང་པོ་ལ། །ཁ་ཡི་དབུགས་ཀྱིས་བུས་བྱས་ན། །སྤྲིན་བསལ་ཉི་འོད་གསལ་འདོད་འདྲ། །དེ་ཕྱིར་རྣལ་འབྱོར་དབང་ཕྱུག་གིས། །སེམས་ཉིད་དོན་ལ་རྣམ་བརྟགས་ཏེ། །ཀུན་གཞི་རྩ་བ་ཤེས་པར་བྱ། །
13b2 སེམས་ཉིད་དེ་ལ་བལྟས་གསལ་བ། །རྩ་བ་དང་ནི་གང་ལྡན་པ། །དུས་དང་ཚིགས་དང་ལོར་གྱུར་ཡང་། །ཡལ་ག་ལོ་འདབ་འབྲས་བུར་བསྐྲུན། །རྩ་བའི་ས་བོན་མེད་མི་འགྱུར། །ཅི་ལྟར་སྦྱོར་བའི་རྣལ་འབྱོར་རྣམས། །ནན་གྱིས་མཚན་པའི་དངོས་གྲུབ་དག་།བྱིས
13b3 པའི་སེམས་ཀྱིས་བླང་འདོད་ན། །དེ་ཡང་མཚན་མས་དེ་རངས་འགྱུར། །དཔེར་ན་མེ་ཡི་རང་བཞིན་དག་།ས་དང་ནགས་ཚལ་སྲེག་བྱེད་པ། །རྒྱུ་རྣམས་ཚོགས་པའི་བདེན་པ་ལས། །མེད་ལས་ཡོད་པའི་བདེན་པར་སྣང་། །དེ་ལྟར་མཚན་མའི་རྣལ་འབྱོར་ཡང་། །མཚན
13b4 མའི་ཆོ་འཕྲུལ་ཐོབ་འདོད་པ། །མཚན་མའི་རྒྱུ་རྣམས་ཚོགས་པ་ལས། །མཚན་མ་རངས་པའི་མཚན་མར་སྣང་། །ཤིན་ཏུ་སྐར་མ་རྒྱལ་རྣམས་ལ། །བྱང་ཆུབ་སྤྱོད་པ་ཆེར་སྤྱོད་པའི། །དམ་པའི་དོན་ལ་ཆེར་དམིགས་པས། །གསང་མཆོག་རིག་པའི་དངོས་གྲུབ
13b5 མྱུར། །མཚན་མར་མི་རྟོག་རང་བཞིན་གྱིས། །ཟབ་མོའི་དོན་ཆེན་གོ་བ་ནི། །ངེས་པའི་དོན་གྱིས་ཐག་གཅད་དེ། །མཉམ་པའི་དོན་ལ་ཡིད་ཆེས་བྱ། །ཇི་ལྟར་མཁའ་ལ་ཚིག་ཙམ་དུ། །ངང་དུ་བརྗོད་པས་རྗོད་བྱེད་ཀྱི། །བརྗོད་པའི་ཐ་སྙད་དང་བྲལ་བས། །ཇི་ལྟར
13b6 འཁྲིགས་ཀྱི་སྨིག་རྒྱུ་དག་། སྣང་བ་ཉིད་ན་མེད་པ་ལྟར། །ཆོས་སོ་ཅོག་གི་རང་བཞིན་གསལ། །གསལ་བ་ཉིད་ན་དེ་མི་དམིགས། །ཐབས་ཆེན་གཏིང་ཟབ་ཤེས་རབ་ལམ། །སྤྲོས་བྲལ་མཚན་མའི་འཕྲང་ལས་འདས། །གཏོས་ཆེས་ཡངས་པས་ལམ་གཉིས
13b7 བྲལ། །དབུས་མཐའ་མི་དམིགས་མཉམ་པའི་ལམ། །གཅིག་ཏུ་མཉམ་པར་ཆུད་ནས་ནི། །ཡུལ་མེད་ཚོལ་བའི་སེམས་བྲལ་དེ། །བླང་དོར་གཉིས་ཀྱི་མཐའ་སྤངས་ནས། །གནས་པ་མེད་པའི་ཚུལ་གྱིས་གནས། །ཆོས་ཉིད་དབྱིངས་སུ་རོ་གཅིག་ཕྱིར། །
iiif viewer powered by OpenSeadragon
