| e-texts navigator |
| Wylie |
12a1 བཅུག་པས་ནོར། །བྱ་བ་མེད་པའི་ཆོས་ཉིད་ལ། །ཉོན་མོངས་བྱ་མེད་སྤྱད་པས་འཁྲུལ། །རང་བྱུང་ལྷུན་གྲུབ་གནས་བཞིན་དུ། །བྱིས་པའི་སྤྱོད་པས་ཅི་བཙལ་དགོས། །གང་ཞིག་འདོད་དེ་ཅི་ཞིག་སྒྲུབ། །ཅི་སྤྱད་ཅི་བསྒྲུབས་ཅི་བཙལ
12a2 ཡང་། །སྡུག་བསྔལ་ཉིད་དེ་བྱང་ཆུབ་མེད། །དམྱལ་བ་སངས་རྒྱས་ཆེན་པོ་ལ། །སྡུག་བསྔལ་བྱང་ཆུབ་ལམ་ཉིད་དེ། །ཉན་ཐོས་རང་རྒྱལ་ས་གཉིས་དང་། །ཐེག་པའི་ཁྱད་པར་ཅི་བསྟན་པ། །བྱེད་རྩོལ་བཅས་པ་ཐམས་ཅད་འཁྲུལ། །བླ་མེད་བྱང་ཆུབ་གེགས
12a3 སུ་ཆེ། །གང་ཞིག་བཙལ་མེད་བདེ་ཆེན་དོན། །སེམས་ཀྱི་ཀློང་འདིས་མ་མཐོང་ན། །སྒྲུབ་དང་རྩོལ་བ་ཅི་སྤྱད་ཀྱང་། །བྱིས་པ་དོན་མེད་གྱི་ན་འཁྱམ། །བཙལ་དུ་མེད་པའི་རང་བཞིན་ལ། །རྩོལ་བའི་སྤྱོད་པས་ཅི་ཞིག་བྱ། །འཛིན་པ་མེད་པའི་ཆོས་ཉིད་ལ། །ཚིག
12a4 འཛིན་ནོར་བའི་རྩོལ་བྱར་མེད། །བགྲོད་དུ་མེད་པའི་ཆོས་ཉིད་ལ། །བགྲོད་པའི་དཀྱིལ་འཁོར་མིང་དང་བྲལ། །བསམ་དུ་མེད་པའི་ཆོས་ཉིད་ལ། །རྟོག་སེམས་བསམ་པའི་དམིགས་དང་བྲལ། །བཙལ་མེད་པ་ཡི་ཆོས་ཉིད་ལ། །བཙལ་མེད་ཡེ་ནས་ལྷུན་གྱིས
12a5 གྲུབ། །མཐའ་དབུས་མེད་པས་བདལ་བ་ཆེ། །ཕྱི་ནང་མེད་པས་ཡེ་གསལ་ཁྱབ། །སྐྱོན་ཡོན་མེད་པར་ལྷུན་གྱིས་རྫོགས། །བསྒྲུབ་དུ་མེད་པས་བཙལ་སེམས་བྲལ། །གཟུང་དུ་མེད་པས་དམིགས་དང་བྲལ། །ཐམས་ཅད་མཁྱེན་པས་བྱིན་བརླབས་ཆེ། །གདོད
12a6 ནས་བྱང་ཆུབ་སྙིང་པོར་གནས། །སྤྱོད་པའི་ཁྱད་པར་འདི་ལྟ་བུ། །དེས་ན་གཅིག་ལས་མེད་བཞིན་དུ། །སྤྱོད་མཐུན་རྩོལ་བའི་རང་བཞིན་ལ། །རྣམ་རྟོག་སྤྱོད་པ་སོ་སོར་སྣང་། །འཁྲུལ་བ་ཐམས་ཅད་འཁོར་བར་སྤྱོད། །རྒྱུ་འབྲས་མི་སླུ་བདེན་དོན་སྤྱོད། །
12a7 མི་དམིགས་པ་ལ་ནམ་མཁར་སྤྱོད། །དེ་ལྟར་སྤྱོད་པ་ཀུན་སྤྱོད་ཀྱང་། །དམ་པའི་དོན་དེ་སྤྱོད་མཆོག་ཉིད། །དམ་པར་གྱུར་པ་ཐམས་ཅད་ལ། །དམ་པའི་སྤྱོད་པ་དེ་ལས་མེད། །སྐྱེས་བུ་མཆོག་གིས་དེ་སྐད་བཤད། །ཐེ་ཚོམ་མེད་པར་ཤེས་པར་གྱིས། །མ་བཅོས
iiif viewer powered by OpenSeadragon
