| e-texts navigator |
| Wylie |
11b1 ནམ་མཁའི་རང་བཞིན་མཐོང་བར་གནས། །ཡེ་ཤེས་རང་སྣང་ནམ་མཁའ་ལ། །ནམ་མཁའ་ཉིད་དུ་སྣང་བར་ཟད། །བརྗོད་བྲལ་མཐོང་མེད་དམིགས་དང་བྲལ། །མཐོང་བ་མེད་པའི་དོན་འདི་ནི། །སྔོན་གྱི་རྒྱལ་བ་རྣམས་ཀྱིས་བཤད། །བདེ་གཤེགས
11b2 སྙིང་པོ་བྱང་ཆུབ་ལ། །དགོངས་པ་འདི་ལས་གང་མི་མངའ། །ལྟ་བ་དེ་དང་ལྡན་བཞིན་དུ། །དམ་ཚིག་ནམ་མཁའ་ལྟ་བུ་ལ། །བསྲུང་དང་མི་བསྲུང་ཕྱོགས་དང་བྲལ། །འདིའོ་ཞེས་ནི་བསྲུང་དུ་མེད། །བསྲུང་བའི་རྣམ་གྲངས་ཇི་སྙེད་ཅིག་།དུས་གསུམ
11b3 རྒྱལ་བས་གསུངས་མོད་ཀྱང་། །བསྲུང་བའི་མདོ་ནི་གཅིག་ཏུ་འདུས། །ནམ་མཁའ་ལྟ་བུའི་རྣལ་འབྱོར་བས། །ནམ་མཁའ་འདྲ་བའི་དམ་ཚིག་བསྲུང་། །དེ་ཡང་བསྲུང་དུ་མེད་ན་བདེ། །གཞན་པ་ཐེག་པ་ཆུང་བ་རྣམས། །བསྲུང་བའི་མཚམས་དག་བསྲུངས
11b4 ནས་ནི། །སྐྱོན་ཡོན་ཆོས་ལ་བླང་དོར་བྱེད། །བསྲུང་དང་བྲལ་བའི་ཆོས་རྣམས་ནི། །བསྲུང་དུ་མེད་པས་དེ་བཞིན་གཞག་།དེ་བཞིན་པ་ཡི་དམ་ཚིག་ལ། །ཇི་བཞིན་པ་ཡི་བློ་གཞག་སྟེ། །བརྗེད་པ་མེད་པའི་སེམས་ཉིད་ཀྱིས། །བསྲུང་བ་མེད་པའི་ངང་དུ་བསྡམ། །
11b5 བསྲུང་མེད་ནམ་མཁའི་དམ་ཚིག་འདི། །ཇི་ལྟར་གྲགས་པའི་རང་བཞིན་ལ། །སྡོམ་དང་ཚུལ་ཁྲིམས་སོ་སོར་སྣང་། །བྱིས་པ་རྣམས་ནི་ཐ་ཚིག་སྡོམ། །བདེན་གཉིས་རྒྱུ་ལ་སྟོན་པར་གྲགས། །བླ་མེད་མཆོག་ལ་དམ་ཚིག་སྤྱོད། །གཅིག་གི་དོན་ལས་མ་གཡོས
11b6 ཀྱང་། །འདུལ་དབང་ངོ་ལ་སོ་སོར་གྲགས། །ཁོ་ན་ཉིད་ལྡན་དམ་ཚིག་མཆོག་།དེ་དང་གང་ལྡན་དམ་པ་སྟེ། །དེ་ལས་འདས་ན་འཚིག་པར་འགྱུར། །དེ་ཕྱིར་དམ་ཚིག་ཆེན་པོ་ནི། །ནམ་མཁའ་འདྲ་བར་དཔའ་བོས་བཤད། །རྒྱལ་བ་དཔའ་བོ་ཐམས་ཅད་ལ། །
11b7 དམ་ཚིག་འདི་ལས་ཡོང་མི་མངའ། །སྤྱོད་པ་དག་གི་ཁྱད་པར་ཡང་། །ཆོས་ཉིད་བྱ་བཙལ་ཀུན་བྲལ་ལ། །བསྒྲུབ་དང་སྒྲུབ་པའི་དམིགས་པ་མེད། །འཁྲུལ་པ་གཅོད་པའི་སྐྱེ་བོ་དག་།དམིགས་མེད་བྱང་ཆུབ་བདེ་ཆེན་ལ། །སྡུག་བསྔལ་རྩོལ་སེམས
iiif viewer powered by OpenSeadragon
