| e-texts navigator |
| Wylie |
11a1 འདས། །གཉིས་སུ་སྣང་བ་མ་ཡིན་ཏེ། །སེམས་ཀྱི་རང་བཞིན་བཟང་ངན་ལས། །གཉིས་ཀྱི་འདུ་ཤེས་ཕྱེ་སྟེ་བསྟན། །སེམས་ལས་ཡང་དག་ཡེ་ཤེས་འབྱུང་། །དེ་བཞིན་བདེ་དང་སྡུག་བསྔལ་འབྱུང་། །ཆོས་དང་སངས་རྒྱས་ཡེ་ཤེས་འབྱུང་། །དགེ
11a2 འདུན་ཡང་ནི་དེ་བཞིན་ནོ། །འདི་ལས་ཕ་རོལ་ཕྱིན་ཚོགས་དང་། །བྱང་ཆུབ་དང་ནི་པདྨོ་འབྱུང་། །འདི་ལས་རྡོ་རྗེ་སེམས་དཔའ་དང་། །དྲི་མེད་རིན་ཆེན་དཔའ་སྦྱིན་འབྱུང་། །དེ་བཞིན་རྡོ་རྗེ་དཔག་མེད་དང་། །སྣ་ཚོགས་རྒྱལ་བ་འདི་ལས་འབྱུང་། །འདི་ལས་ཕྱག
11a3 རྒྱ་སྣ་ཚོགས་དང་། །རིག་པའི་སྙིང་པོ་ཐམས་ཅད་འབྱུང་། །འདི་ལས་འདོད་ཆགས་ཞེ་སྡང་དང་། །སྡུག་བསྔལ་ང་རྒྱལ་ཕྲག་དོག་འབྱུང་། །གཏི་མུག་དག་ཀྱང་དེ་བཞིན་ཏེ། །འདི་ལས་ཁམས་གསུམ་ཐམས་ཅད་དང་། །སྐྱེས་པ་བུད་མེད་མ་ནིང་འབྱུང་། །འདི
11a4 ལས་འདོད་དང་འདོད་གཟིར་དང་། །ཉོན་མོངས་གདུང་འདོད་ཆགས་པ་འབྱུང་། །རི་དང་སྐྱེ་བོ་དེ་བཞིན་དུ། །ནམ་མཁའ་དང་ནི་རླུང་དག་དང་། །སྲེག་པའི་མེ་ནི་རབ་ཏུ་འབྱུང་། །འདི་ལས་ས་དང་ཆུ་དང་ནི། །རྡོ་དང་ས་བོན་མྱུ་གུ་འབྱུང་། །དེ་བཞིན་གློག་དང་སྐར་མ
11a5 དང་། །ཉི་མ་ཟླ་བ་སྤྲིན་རྣམས་འབྱུང་། །དེ་བཞིན་སྤྱོད་དང་མི་སྤྱོད་ཀུན། །ཐམས་ཅད་ཐམས་ཅད་འབྱུང་བར་འགྱུར། །དཔེར་ན་ནམ་མཁའི་རང་བཞིན་ལས། །སྤྲིན་དང་ན་བུན་ཁུག་རླངས་དང་། །ཟླ་བ་ཉི་མ་སྐར་ཚོགས་དག་།སྣང་ཡང་ནམ་མཁའ་བཞིན་དུ
11a6 གནས། །དེ་བཞིན་སེམས་ཀྱི་ནམ་མཁའ་ལས། །མཚན་མའི་ཆོ་འཕྲུལ་ཅི་བྱུང་ཡང་། །ཆོས་ཉིད་ནམ་མཁའ་བཞིན་གནས་པར། །རྣལ་འབྱོར་ཅན་གྱིས་བལྟ་བར་བྱ། །དེ་ལྟ་བུ་ཡི་སེམས་ཉིད་ནི། །རྟོགས་དང་མ་རྟོགས་རང་བཞིན་ལ། །ལྟ་བའི་ཁྱད་པར
11a7 སོ་སོར་བལྟ། །རྟོག་པ་ཅན་གྱི་ངོ་ག་ལ། །རྟོག་པ་འཁྲུལ་པའི་ངོ་བོར་སྣང་། །ཀུན་དུ་ཉེར་འཇོག་ལམ་ཚོར་ལ། །ཀུན་དུ་རྡུལ་གྱི་ཕུང་པོར་སྣང་། །ཚོགས་སྤྱོད་སྙིང་རྗེ་ཉེར་འཇོག་ལ། །ཐམས་ཅད་སྒྱུ་མའི་རང་བཞིན་ལྟར། །དེ་ཉིད་མཉམ་པར་ཤེས་གནས་ན། །
iiif viewer powered by OpenSeadragon
