| e-texts navigator |
| Wylie |
110a1 དབང་མི་འགོས། །སྣོད་མེད་བཅུད་བྲལ་ཀུན་སྟོངས་པ། །དེས་ནི་དབང་ཐོབ་མ་ཡིན་ནོ། །སྣོད་ལྡན་བཅུད་རྫོགས་དབང་ཐོབ་ན། །དབང་མཆོག་ཐོབ་པའི་རྒྱུ་ཞེས་བཤད། །ཅེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ
110a2 ཀུན་འདུས་རིག་པའི་མདོ་ལས་རྡོ་རྗེ་དབང་གི་ལེའུ་ཞེས་བྱ་སྟེ་སུམ་ཅུ་རྩ་གཉིས་པའོ། ། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དང་། སེམས་དཔའི་རྡོ་རྗེ་དམ་པ་རྒྱུད་ཀྱི་རྒྱལ་པོ་ཆེན་པོ་ཀུན་འདུས་རིག་པའི་མདོ་དང་བཅས་པ་ཆོས་ཐམས
110a3 ཅད་ཀྱི་མེ་ལོང་ཡིན་པར་རིག་ནས། འདུས་པ་ཕལ་མོ་ཆེའི་འཁོར་རྣམས་ཀྱིས་ཤིན་ཏུ་ངམ་ཞིང་ངོ་མཚར་སྐྱེས་ནས། བསྟོད་པ་ཤིན་ཏུ་དགའ་བ་ཆེན་པོའི་གླུ་འདི་གསུངས་སོ། །ེ་མ་ཧོཿ། ཉེས་བཅོམ་ལེགས་ལྡན་མཚན་ཞི་མཐའ་ལས་འདས། །དཔག་མེད
110a4 བྱམས་སྙོམས་དོན་གྱིས་བདག་གཞན་དཔལ། །དོན་དམ་གསང་སྦས་ནམ་མཁའི་དཀྱིལ་དུ་འཁྱིལ། །རྡོ་རྗེ་ཆེ་མཆོག་དབང་ཕྱུག་ཀུན་གྱི་བདག་།འཛིན་པ་མི་རྟོག་ཤ་རུས་ཁྲག་ལ་རོལ། །ཐུགས་ཀྱི་གདུང་ཐག་འཁོར་བའི་མཐའ་ལ་རྗེ། །ཡུལ་མེད་མ་སྐྱེས་མཚན
110a5 མའི་གཡུལ་ལས་རྒྱལ། །བདེ་མཆོག་རྒྱལ་པོ་ཁྱོད་ལ་ཕྱག་འཚལ་བསྟོད། །ཤེས་རབ་ཆེན་པོ་ནམ་མཁའི་ཉི་མར་གསལ། །བྱང་ཆུབ་སེམས་ཀྱི་འོད་ཟེར་དབྱིངས་སུ་འཆར། །དཔའ་བརྟུལ་མྱུར་བའི་ཤུགས་ཀྱིས་འགྲོ་དྲུག་སྒྲོལ། །རྟོག་འཇོམས་ཡེ་ཤེས་རྡོ་རྗེ་ཆོ་འཕྲུལ་འཕྲོ། །དམ་པའི
110a6 དོན་གསུངས་གཉིས་མེད་སྟོན་པའི་སྐུ། །སྨྲ་བའི་སེང་གེ་ཁྱོད་ལ་ཕྱག་འཚལ་ལོ། །རིན་ཆེན་གཏེར་ལྡན་འདོད་དགུར་ཀུན་སྐོང་ཞིང་། །ལུང་དང་རིགས་པ་གཏན་ཚིགས་ཀུན་གྱི་མཛོད། །བརྡ་ཅན་ཡང་དག་ལེན་པའི་མེ་ལོང་གསལ། །རྡོ་རྗེ་ཀུན་འདུས་འཇིགས་བྱེད་རྒྱལ་པོའི་རྒྱུད། །
110a7 ཆོས་ཀྱི་མེ་ལོང་འདི་ལ་བདག་ཅག་འདུད། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ངོ་མཚར་བསྟོད་པའི་ལེའུ་སྟེ་སུམ་ཅུ་རྩ་གསུམ་པའོ།། །།རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་རྫོགས་།། །།
iiif viewer powered by OpenSeadragon
