| e-texts navigator |
| Wylie |
10a1 ཆོས་ཐམས་ཅད། །མཚན་མེད་ངང་དུ་གཅིག་པས་ན། །རྟོག་པའི་བག་ཆགས་ཅི་འབྱུང་ཡང་། །ཆོས་ཀུན་དབྱིངས་སུ་གཅིག་པའི་ཕྱིར། །རྟོག་འཇུག་སྤྲོས་པའི་མཚན་མ་ཀུན། །མ་བྱུང་མ་སྐྱེས་དབྱིངས་ཉིད་ལ། །གཡོས་པ་མེད་ཅིང
10a2 ཆོ་འཕྲུལ་འབྱུང་། །ཡོན་ཏན་སྣ་ཚོགས་ཆེར་འབྱུང་བའི། །གཏེར་གྱི་དབྱིག་འདི་གང་མཐོང་བ། །སངས་རྒྱས་ཀུན་གྱི་ཡོན་ཏན་ཡང་། །སྐད་ཅིག་གཅིག་ལ་དེ་ལ་འདུས། །དེ་བས་ཡིད་བཞིན་རིན་ཆེན་འདི། །ལྡོག་པ་མེད་པས་དང་དུ་བླང་། །དོན
10a3 དམ་ཡང་དག་གཏེར་གྱི་མཆོག་། རྣལ་འབྱོར་ཀུན་གྱི་ནོར་མཆོག་སྟེ། །གང་རྟོགས་དེ་འཐོབ་གཅིག་པུ་ཉིད། །འབྲེལ་མེད་གཞན་གྱིས་ཐོབ་པར་དཀའ། །བདག་མེད་གཉིས་བྲལ་བདེ་ཆེན་ཀློང་། །སངས་རྒྱས་ཀུན་གྱི་བདེ་བ་ཆེ། །ཡེ་ནས་ལྷུན་གྲུབ
10a4 འདུས་མ་བྱས། །ཐིག་ལེ་ཆོས་ཉིད་ཡེ་འབྱམ་པས། །ཀུན་ཁྱབ་བདལ་བས་སྙིང་པོར་འདུས། །མི་དམིགས་སྤྲོས་བྲལ་བྱང་ཆུབ་སེམས། །ཟབ་མོར་སྣང་བའི་ངེས་དོན་འདི། །མཁའ་ལ་མདུད་འདྲར་གཏིང་དཔག་དཀའ། །རྣལ་འབྱོར་དམིགས་ལྡན
10a5 བློ་ཆུང་ཞིང་། །གང་ཞིག་རྩལ་ཞན་དེ་རྟོག་པ། །གཡོར་མོའི་ཚུལ་དུ་བདག་བརྟག་པ། །བརྟགས་ཀྱང་རྟོགས་པར་མི་འགྱུར་རོ། །དཔེར་ན་ཉི་མའི་སྙིང་པོ་ལ། །མིག་གི་དབང་པོས་རབ་བརྟགས་ན། །དེ་བརྟགས་དོན་དེ་མི་རྟོགས་ཀྱི། །འོད་ཀྱི་ཟེར་གྱིས
10a6 མིག་རྫིར་འགྱུར། །དེ་འདྲར་བྱིས་པའི་རང་བཞིན་གྱིས། །ཟབ་མོའི་དོན་ལ་ཅིར་བརྟགས་ཀྱང་། །ཡང་དག་དོན་དེ་མི་མཐོང་གི། །བློ་ཞན་བྱིས་པ་ག་ཆད་བརྒྱལ། །བརྟག་ཏུ་མེད་པའི་ཆོས་རྣམས་ནི། །རྟོག་པ་ཅན་གྱིས་མི་རྟོགས་ཏེ། །གང་ཞིག
10a7 དེ་དོན་མི་རྟོགས་ཕྱིར། །གཡང་སར་ལྟུང་བ་ཅི་ཆ་ཡོད། །གདོད་ནས་མ་ཐོས་ཤིན་ཏུ་དགེ། །བསམ་དང་བྲལ་བས་དེ་བཞིན་གཞག་།མི་བརྟགས་བཞག་པའི་ཆོས་འདི་གང་། །བྱིས་པ་རྣམས་ལ་ངས་མ་བསྟན། །བསྟན་ཀྱང་གོ་བར་མི་འགྱུར་ཏེ། །བསྟན
iiif viewer powered by OpenSeadragon
