| e-texts navigator |
| Wylie |
109b1 པ་དང་། །ཉེ་བའི་ལོངས་སྤྱོད་རྒྱན་རྣམས་ཀུན། །ཐམས་ཅད་ཐམས་ཅད་སྦྱིན་པར་བྱ། །སྒྲུབ་པའི་རྒྱལ་པོ་དེ་ལ་ནི། །སྒྲུབ་པའི་ལས་ལ་དབང་ཐོབ་ཕྱིར། །རྡོ་རྗེ་སེམས་དཔའ་ལ་སོགས་པ། །རྒྱལ་བ་ཐམས་ཅད་བསྒྲུབ་པ་དང་། །རྡོ་རྗེ་ཚེ་དང་སྨན་ལ་སོགས། །
109b2 སྒྲུབ་པ་མ་ལུས་སྒྲུབས་ཤིག་ཅེས། །བསྒྲུབ་རྫས་ཐམས་ཅད་སྦྱིན་པར་བྱ། །རྒྱལ་བ་སངས་རྒྱས་ཐམས་ཅད་དང་། །དབང་ཐོབ་དེ་གཉིས་གཅིག་པའི་ཕྱིར། །རིག་འཛིན་རྡོ་རྗེ་རྩལ་གྱི་དབང་། །རྡོ་རྗེ་མིང་ནི་སྦྱིན་པར་བྱ། །བསྒྲུབ་པའི་དབང་དང་རྫས་མཆོག
109b3 དང་། །གསང་བའི་བདག་པོ་ཡིན་པས་ན། །གསང་བའི་དབང་མཆོག་སྦྱིན་པར་བྱ། །དགའ་བ་བྱང་ཆུབ་སེམས་ཆེན་པོ། །ཀུན་དུ་ཚིམ་པར་བྱེད་པ་ཡི། །དཀར་དམར་ལྷག་པའི་བྱང་ཆུབ་སེམས། །དབང་ཐོབ་དེ་ཡི་ལྕེ་ལ་གཞག་།བཙལ་མེད་བྱང
109b4 ཆུབ་སེམས་ཆེན་པོ། །ཤེས་རབ་ཆེན་པོའི་རྩལ་གྱིས་ནི། །ཆོས་སྐུ་སྒྱུ་མར་དབང་སྒྱུར་ནས། །རྩལ་ཆེན་རྫོགས་པའི་དབང་ཡིན་པས། །རྫས་དང་ཚིག་དང་གང་ཟག་དང་། །ཀུན་རྫོབ་དབང་དེ་མ་ཐོབ་ཀྱང་། །ཆོས་ལ་སེམས་ཀྱི་དབང་ཐོབ་ན། །རྒྱལ་བའི
109b5 རིག་འཛིན་ཐམས་ཅད་དང་། །སྲིད་གསུམ་དབང་ཅན་ཐམས་ཅད་ཀུན། །དེ་ལ་དབང་ཐོབ་བསྐུར་བར་འགྱུར། །དབང་གི་ཚད་ནི་འདི་ལྟ་སྟེ། །དད་ལྡན་སྲི་ཞུར་ལྡན་པ་ལ། །གསང་བ་ཉན་པའི་དབང་ཆེན་བསྐུར། །རྣམ་བཞི་ལས་ཀྱི་དོན་ཚང
109b6 ན། །ལས་རྣམས་བྱེད་པའི་དབང་ཐོབ་བོ། །ལྟ་བའི་དམིགས་བུས་ཆོས་མཐོང་ན། །རྒྱལ་ཐེབ་འཆད་པའི་དབང་ཐོབ་བོ། །རྐྱེན་ཐུབ་ཚད་མ་གསུམ་ལྡན་ན། །བླ་མ་རྡོ་རྗེ་སློབ་དཔོན་དབང་། །དམ་པ་མཛོད་གསུམ་ཐམས་ཅད་ལ། །ཕྱོགས
109b7 མེད་པར་ནི་འཆད་ཤེས་ནས། །རབ་འབྱམ་རྒྱལ་པོའི་དབང་འཐོབ་བོ། །དད་མེད་བློ་ཞན་རྫོབ་པ་ཆེ། །ཚུལ་འཆོས་མཁན་ལ་རས་གཅོད་བྱེད། །དེ་ནི་དབང་གིས་འཚིག་པར་བཤད། །གསང་མེད་བརྗེད་ངས་དབང་མི་འཆགས། །དད་མེད་གཡེལ་རྨུགས
iiif viewer powered by OpenSeadragon
