| e-texts navigator |
| Wylie |
109a1 ཡིས་བརྒྱན་ཏེ་སྦྱིན་པར་བྱ། །དོན་རྣམས་གྲུབ་པའི་བུ་མཆོག་དེ། །རྡོ་རྗེ་དབང་མཆོག་ཐོབ་པ་ན། །ཞིང་ཁམས་ཀུན་དུ་གྲགས་པ་ཡི། །རྩལ་གྱི་ཐིག་ལེ་རྡོ་རྗེ་སྦྱིན། །ནང་དུ་འཇུག་པའི་དབང་ཐོབ་ནས། །དེ་དག་ཀུན་ལ་སྤྱོད་སྒྲུབ
109a2 པའི། །དབང་མཆོག་དམ་པ་སྦྱིན་པར་བྱ། །སྐྱེ་མེད་ཆོས་ཀྱི་དབྱིངས་ཉིད་ལ། །སེམས་ཀྱིས་དབང་བསྐུར་ཐོབ་པ་ཡི། །ཤེས་རབ་ཆེན་པོ་རིག་པའི་དབང་། །སེམས་ལོན་དོན་གྱི་གཏན་ཚིགས་སྦྱིན། །བྱ་བའི་མཚན་མ་ཀུན་བྲལ་ཞིང་། །བཙལ
109a3 མེད་གནས་པའི་བྱང་ཆུབ་སེམས། །སྙིང་རྗེ་ཆེན་པོ་བདེ་མཆོག་གིས། །ཁམས་གསུམ་ཀུན་ལ་དབང་སྒྱུར་སྦྱིན། །སྲིད་གསུམ་འགྲོ་བའི་དོན་རྣམས་ཀུན། །ཐམས་ཅད་རྫོགས་པར་ནུས་པ་ཡི། །རྟགས་ཀྱི་དབང་མཆོག་དམ་པ་ནི། །ཐོང་གཤོལ
109a4 འབར་བ་སྦྱིན་པར་བྱེད། །དུག་གསུམ་གཏིང་ནས་སྤྲུགས་པ་ཡི། །རྟགས་ཆེན་གའུ་རྣམ་པ་གསུམ། །དམར་ཆེན་དག་གིས་བཀང་ནས་ཀྱང་། །དབང་ཆེན་ཐོབ་དེའི་ལག་ཏུ་སྦྱིན། །སྲིད་གསུམ་སྒྲོལ་བར་བྱ་བ་ཡི། །དབང་མཆོག་ཆེན་པོ་སྦྱིན་པའི་ཕྱིར། །ཀ
109a5 ཏར་ལ་སོགས་མཚོན་ཆ་རྣམས། །དབང་ཐོབ་དེ་ཡི་ལག་ཏུ་སྦྱིན། །འཁོར་བའི་ཆོས་ལ་ཅིར་སྤྱད་ཀྱང་། །སྐྱོན་གྱིས་གོས་པར་མི་འགྱུར་བའི། །རྟགས་ཀྱི་ཕྱག་རྒྱ་ཆེན་པོ་ནི། །རྣམ་དག་རྫས་ཀྱི་པདྨ་སྦྱིན། །ལས་རྣམས་རྫོགས་པར་གྱུར་པ་ཡི། །དབང
109a6 མཆོག་ཐོབ་པའི་རྟགས་ཆེན་ནི། །སྟི་རའི་དབྱུག་པ་ཆེན་པོ་དག་།དབང་ཐོབ་དེ་ཡི་ལག་ཏུ་སྦྱིན། །ཡུམ་དང་གཉིས་མེད་འཁྲིལ་བ་ཡི། །ཆོས་ཉིད་དོན་དང་གཉིས་མེད་རྟགས། །སྦྲུལ་ནག་འཁྲིལ་བའི་ཆུན་པོ་འདི། །དབང་ཐོབ་དེ་ཡི་ལག་ཏུ་སྦྱིན། །གསང
109a7 བ་སྦྱོར་བའི་ཤེས་རབ་མ། །དྲི་མེད་རྣམ་དག་ལྟ་མོ་ཞིག་།མཚན་ལྡན་ཤིན་ཏུ་བརྒྱན་བྱས་ལ། །དབང་ཐོབ་དེ་ལ་སྦྱིན་པར་བྱ། །དབང་ཐོབ་རྒྱལ་པོ་ཆེན་པོ་དེ། །ཀུན་གྱི་བདག་པོ་ཡིན་པས་ན། །རོལ་མོ་དྲི་དང་ཞལ་ཟས་དང་། །འདོད་ཡོན་ལྔ་ལ་སོགས
iiif viewer powered by OpenSeadragon
