| e-texts navigator |
| Wylie |
108a1 མེ་ཏོག་ཕྲེང་ལ་སོགས། །དབང་མཆོག་བརྗིད་པའི་རྒྱན་གྱིས་བཀླུབས། །དབུ་རྒྱན་དོ་ཤལ་སེ་མོ་དོ། །དཔུང་རྒྱན་རྐང་གདུབ་ལག་གདུབ་རྣམས། །དབང་ཐོབ་རྒྱལ་པོས་དེ་ལ་སྦྱིན། །དབང་ཐོབ་མཛེས་པས་བརྗིད་པའི
108a2 རྒྱལ་པོ་དེ། །དབང་ཕྱུག་ཡིན་པས་དེ་ལ་ཀུན་ཕྱག་འཚལ། །རྡོ་རྗེ་དབང་ཕྱུག་རྒྱལ་པོའོ་ཞེས་པར་ནི། །ཀུན་གྱིས་སྒྲ་ཆེན་བོད་ཅིང་བསྒྲགས་པ་བྱ། །གསེར་གྱི་འཁོར་ལོ་རྩིབས་ཁྱུད་ལྡན་པ་ཞིག་།རྒྱལ་པོ་དེ་ཡི་ལག་ཏུ་བསྐུར་ནས་ནི། །འཇིག
108a3 རྟེན་ཀུན་ལ་ཁ་ལོ་སྒྱུར་བ་ཡི། །དབང་མཆོག་རྒྱལ་པོ་འདི་ཡང་སྦྱིན་པར་བྱ། །ཕྱི་འཁོར་སྐྱོང་བའི་རྒྱལ་པོར་གྱུར་ཕན་ཆད། །བླ་མེད་མཆོག་གི་རྟགས་དང་ལྡན་འགྱུར་བས། །གསང་སྒོ་ཕྱེ་ནས་ནང་དུ་གཞུག་པར་བྱ། །ཤིན་ཏུ
108a4 གསང་བའི་རྫས་དང་ལྡན་གྱུར་ནས། །གསང་སྒོ་གང་ལས་འདོད་པའི་དོན་རྣམས་ཞུ། །གནང་ཆེན་པོ་ཡི་རྟགས་སུ་བྱིན་གྱིས་བརླབས། །གསང་བའི་དོན་ལ་ཉན་ཅིང་སློབ་པའི་དབང་། །དབང་ཐོབ་སྐལ་ཅན་དེ་ལ་སྦྱིན་པར་བྱ། །བདུད་རྩི
108a5 ཆུ་འདིས་རྣ་བའི་གསང་སྒོ་དབྱེ། །སརྦ་ཏ་ཐཱ་ག་ཏ་སྟ་མ་ཏི་ཧོ། །གླེགས་བམ་ཟབ་མོ་ལ་སོགས་ཐམས་ཅད་རྣམས། །རིགས་ཀྱི་བུ་མཆོག་དེ་ལ་སྦྱིན་པར་བྱ། །དེས་ནི་འགྲོ་བའི་དོན་བྱེད་ནུས་པས་ན། །ལས་རྣམས་རྒྱ་མཚོ་ཐམས་ཅད
108a6 སྒྲུབ་པའི་རྟགས། །རྡོ་རྗེ་རྒྱ་གྲམ་ལ་སོགས་རྣམ་བཞིའི་རྫས། །བུ་མཆོག་དེ་ལ་ཐབས་ཀྱིས་སྦྱིན་པར་བྱ། །གཞན་གྱི་རེ་འདོད་སྐོང་བའི་བུ་མཆོག་དེ། །རྒྱལ་པོ་རྒྱལ་རིགས་རྒྱུད་དུ་བྱུང་བ་བཞིན། །རྒྱལ་ཚབ་ཆོས་ཀྱི་རྒྱུད་དུ་བྱུང་བས
108a7 ན། །ཏནྟྲ་ལ་སོགས་དམ་པའི་མཛོད་གསུམ་སྦྱིན། །དེས་ནི་སློབ་མའི་ཚོགས་ཀུན་སྐྱོང་ནུས་ཕྱིར། །བསྟན་པ་སྒྲོགས་པའི་ས་ལ་གནས་བྱའི་ཕྱིར། །རྡོ་རྗེ་རྒྱལ་པོ་དཔལ་གྱི་དབང་མཆོག་འདི། །ཐེག་ཆེན་དགུ་ཡི་རྟགས་དང་ཆས་ཏེ
iiif viewer powered by OpenSeadragon
