| e-texts navigator |
| Wylie |
107a1 བར་གྱུར་བ་དང་། །སྒྲིབ་པ་དག་པར་བྱ་བའི་ཕྱིར། །རྣལ་འབྱོར་སྦྱོར་བའི་ཕྱག་རྒྱ་སྟེ། །རྡོ་རྗེ་རྣལ་འབྱོར་མཆོག་གི་ལྷ། །འགྲོ་དྲུག་འདྲེན་པའི་དཔལ་མཛད་པ། །རྡོ་རྗེ་ཅན་ལ་ཕྱག་འཚལ་ལོ། །བྱམས་མགོན་ཁྱོད་ལ་སྐྱབས་སུ་མཆིའོ། །
107a2 དེ་སྐད་གསོལ་བ་བཏབ་པ་དང་། །རྣལ་འབྱོར་ཆེན་པོའི་ཞབས་ཉིད་ལ། །འཇུག་པ་དེ་ཡི་སྤྱི་བོས་གཏུགས། །སངས་རྒྱས་བདེ་མཆོག་ཐམས་ཅད་ཀྱི། །རྡོ་རྗེ་གསུང་མཆོག་གསུམ་ལས་བྱུང་། །སྲིད་པ་གསུམ་གྱིས་ཕྱག་བྱས་པ། །དབང་བསྐུར་གནང་བ
107a3 ཆེན་པོ་སྦྱིན། ། ཏི་ཧོ་སྟ་ཧྲྀ་ད་ཁ~ཾ། །དེ་ནས་སྣོད་དུ་གྱུར་པ་དང་། །གསང་བའི་མིག་ནི་དབྱེ་བར་བྱ། །མེ་ཏོག་ཕོག་པའི་ལྷ་ཡང་སྦྱིན། །དེ་ནས་དམ་ཚིག་ཆེན་པོ་བསྒྲགས། །རྒྱལ་བ་ཀུན་དང་མཉམ་སྦྱོར་བའི། །དམ་ཚིག་འདི་ལས་གང་འདས་པ། །རྒྱལ
107a4 བ་ཐམས་ཅད་བསླུས་པ་ཡིན། །ཁྲག་འཐུང་ཁ་འབར་མ་ཡི་ཚོགས། །ཁྲོས་ནས་སྙིང་ཁྲག་ཐོགས་པས་འཐུང་། །བཛྲ་ས་མ་ཡ་ཨི་ད་ན་ཐེ་ན་ར་ཀན། །བ་ར་ཧྲྀ་ད་ཡ་ན་མ་བ་སྟི་ནཱ་ན། །ས་མ་ཡ་རཀྵ་སིདྡྷི་བདྱི་བཛྲ་ཨ་མྲྀ་ཏོ་ད་ཀ~ཾ། །རྡོ་རྗེ་ཐ་ཚིག་ཆུ་བླུད
107a5 ནས། །རྡོ་རྗེ་གལ་ཆེན་མནའ་དོར་རོ། །རྡོ་རྗེ་དམ་ཚིག་སྡོམ་པ་རྣམས། །ཐམས་ཅད་ཐམས་ཅད་དབོག་པར་བྱ། །སློབ་པའི་གཉེར་ཡང་དབོག་པར་བྱ། །ཀྱེ་རིག་འཛིན་རྡོ་རྗེ་བུ་མཆོག་ཁྱེད། །རྣལ་འབྱོར་རྒྱལ་བའི་སྲས་ཀྱིས་ཡིན། །གཞན
107a6 ཡང་གསང་བ་མ་སྨྲ་ཤིག་། གལ་ཏེ་སྨྲས་ན་དམྱལ་བར་འཚིག་།ཁྱོད་ནི་རྡོ་རྗེ་ཆེ་གེ་མོ། །རྒྱལ་བའི་སྲས་པོ་གདུང་རྒྱུད་འཛིན། །གསང་བ་མཆོག་གི་མིང་སྦྱིན་གྱིས། །ཞིང་ཁམས་ཀུན་དུ་བདེ་བར་སྤྱོད། །དེས་ནི་སངས་རྒྱས་ཞིང་དུ
107a7 སྐྱེ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་རྣལ་འབྱོར་འཇུག་པའི་ལེའུ་ཞེས་བྱ་སྟེ་སུམ་ཅུ་རྩ་གཅིག་པའོ།། །།དེ་ནས་ཡང་སེམས་དཔའི་རྡོ་རྗེས་ཡོངས་སུ་རྫོགས་པ
iiif viewer powered by OpenSeadragon
