| e-texts navigator |
| Wylie |
106b1 འཁོར་དམ་པ་འདིར། །གང་དག་འཇུག་པར་བྱེད་པ་ཡི། །རྣལ་འབྱོར་རིགས་ཀྱི་བུ་རྣམས་ཀུན། །སྣོད་དུ་གྱུར་པ་ཀུན་བསྡུས་ནས། །བྱང་ཆུབ་མཆོག་གི་སེམས་བསྐྱེད་དེ། །ཚིག་འདི་བརྗོད་དེ་གནས་པར་བྱ། །ེ་མ་བདེ་མཆོག་དགའ་ཚལ་འདིར། །
106b2 བདག་ཅག་ཀུན་དུ་འཇུག་པར་འཚལ། །དགའ་བ་བྱང་ཆུབ་སེམས་བསྐྱེད་ནས། །གསང་བའི་དོན་འདི་སྤྱད་པར་བགྱི། །དེ་སྐད་གསོལ་ཏེ་ཞུས་པ་དང་། །གསང་བ་མཆོག་གི་བདག་པོ་ཡིས། །རྒྱུད་སྦྱང་རྒྱུད་དྲུག་ལས་སྒོ་གཅད། །རིག་པ་འཛིན་པའི
106b3 རྣལ་འབྱོར་ཀུན། །དཀྱིལ་འཁོར་ཆེན་པོ་གསལ་བཏོན་ཏེ། །ཕྱག་རྒྱ་དབང་དང་བཅས་པ་ཡི། །འཁོར་བའི་རྒྱུད་རྣམས་སྦྱང་བར་བྱ། །འཇུག་པ་དེ་ཡི་གནས་ལྔ་རུ། །རྒྱུད་དྲུག་ས་བོན་བསྐྱེད་ནས་ཀྱང་། །ཧཱུ~ཾ་ལྔ་དག་གིས་གནན་པར་བྱ། །བཅུག་པ་དེ
106b4 ཡི་སྤྱི་བོར་ནི། །བ་ཡི་ཡེ་ཤེས་ལ་བསྐྲུན་པ། །པདྨ་ཁ་བཞི་ལྟེ་བ་ལ། །མི་དང་ལྷ་ཡི་ས་བོན་དགོད། །ཤར་ལྷོ་ནུབ་དང་བྱང་དག་ཏུ། །ལྷ་མིན་དུད་འགྲོ་དང་། །དམྱལ་བ་རྣམས་ཀྱི་ས་བོན་གདབ། །ཧཱུ~ཾ་གི་ལམ་སྒོ་གཅད་པར་བྱ། །ལག་གཉིས་མཐེའུ
106b5 ཆུང་མཐེ་བོས་མནན། །སོར་མོ་གསུམ་སྦྱར་དཔྲལ་པར་བསྣོལ། །ལྷ་དང་ལྷ་མིན་གནས་དག་ཏུ། །མི་གཏོང་བཟློག་པའི་ཕྱག་རྒྱ་ཡིན། །ལག་གཉིས་བསྣོལ་ནས་མཆན་ཁུང་བསྡམ། །མི་ཡི་ཁམས་ནས་བཟློག་པའི་རྒྱ། །ཁུ་ཚུར་བཅངས་ཏེ་འབྲུ་བསྒྲེང་ནས། །
106b6 གཡོན་གྱི་སྟེང་དུ་མནན་པ་འདི། །བྱོལ་སོང་གནས་ནས་བཟློག་པའི་རྒྱ། །ཐལ་མོ་མཉམ་སྦྱར་གུང་རྩེ་སྤྲད། །གུང་མོ་རྒྱབ་ཏུ་སྲིན་ལག་བསྣོལ། །མགུལ་ནས་མཛུབ་མོས་འཁྱུད་པ་ནི། །ཁམས་ལས་བཟློག་པའི་རྒྱ། །གཡོན་ཐོག་གཡས་ཀྱི
106b7 རྒྱབ་སྦྱར་ཏེ། །སྲིན་ལག་གུང་མཛུབ་གཅིག་ནས་གཅིག་།འཁྱུད་པ་དམྱལ་བའི་སྒོ་གཅོད་རྒྱ། །ལག་གི་ཕྱག་རྒྱ་བཅས་ནས་ནི། །ངག་གི་རྡོ་རྗེ་རྒྱ་བརྗོད་པ། །ཀྱེ་མ་རུ་དྲ་ཀྲོ་དྷ་ཀྱི་ཧཱུ~ཾ། །ཧྲི་ས་མ་པ་ཙ་ཧཱུ~ཾ། །ཧྲིས་པ་ཛ་ཧཱུ~ཾ། །འདི་ལྟར་གསལ
iiif viewer powered by OpenSeadragon
