| e-texts navigator |
| Wylie |
105b1 བར་གྱུར་པ་དང་། །ཤེལ་གྱི་བུང་བ་མང་པོ་དག་།ཁྱུང་ཆེན་ལྡིང་བའི་བོང་ཚོད་ཙམ། །ཕར་ལྡིང་བཅུད་ཕྱུང་ཚུར་གསིབས་པས། །ཡིག་འབྲུ་ཡེ་ཤེས་མེ་འབར་བས། །བག་ཆགས་བུད་ཤིང་ཕུང་པོ་བསྲེགས། །ཕར་སྤྲོས་ཐུགས་རྗེས་ས་ལ་བསྐུལ། །ཇི་ལྟར་ཉི་ཟེར་ཚ་ཚ
105b2 ལྟར། །རྒྱུན་མི་འཆད་པར་རྩེ་གཅིག་འབར། །བར་དུ་བྱི་རུའི་ཁ་དོག་ལ། །གོང་མ་བཞིན་དུ་བཀོད་གསལ་ལ། །བྱི་རུ་བུང་བ་མང་པོ་དང་། །གོང་མ་བཞིན་དུ་འཕུར་ལྡིང་བས། །བཅུད་ཕྱུང་བསྟིམ་ཞིང་སླར་ལ་འཕྲོ། །ཇི་ལྟར་མེ་མགལ་འཁོར་ཚུལ་དུ། །དཔལ་བེའུ་སྨུག
105b3 པོའི་ཀློང་དུ་བསྟིམ། །ཀུན་གྱི་ཐ་མར་བསྡུ་བ་ནི། །བཀོད་པའི་གོང་མ་ཐམས་ཅད་ཀུན། །མཐིང་ནག་འབར་བ་བསྒྱུར་ནས་ནི། །ཁྱུང་ཆེན་གཟན་ལ་འཇུམས་ཚོད་ཙམ། །ཧཱུཾ་སྒྲ་འབྱིན་ཅིང་ཕན་ཚུན་ལྡིང་། །རུ་ལུ་བཅུད་འབྱིན་དངོས་གྲུབ་རློབ། །དྲན་པའི་དཀྱིལ་ནས་ཛ་ཕྱུང་སྟེ། །
105b4 ལྕགས་ཀྱུ་འབར་བ་གའུར་བཅས། །དཔལ་བེའུའི་དཀྱིལ་ན་སྤུངས་པ་ཡིས། །རུ་ལུ་རིན་ཆེན་ཕུང་པོ་དག་།བསྡུས་ཤིང་དྲངས་ཏེ་གནས་སུ་བསྟིམ། །འབབ་པའི་ཤུགས་སམ་བྱིན་བརླབས་ནི། །མཚོ་ལ་སེར་ཆེན་འདྲིལ་ལྟར་རོ། །འདི་ལྟར་ཡི་གེར་སྦྱར་བའི་ཚེ། །
105b5 རྣལ་འབྱོར་ཉག་གཅིག་མ་ཡིན་གྱི། །ལྷ་མཆོག་དབྱིངས་ན་བཞུགས་པ་ཡང་། །ཆོས་ཉིད་དང་དུ་མི་དམིགས་ཀྱང་། །རྣལ་འབྱོར་མཆོག་གི་བསྐུལ་བའི་ཚེ། །ཐུགས་རྗེ་ཆགས་པའི་མདངས་ཕྱུང་ནས། །སྲོག་རྩོལ་དྲན་རིག་གསུང་གསུང་ལྟར། །མགུར་ཆུ་ཡན་ལག
105b6 འགུལ་འགུལ་ལྟར། །རྡོ་རྗེ་ཡི་གེར་འབྲུ་འབར་ལྟར། །གུག་སྐྱེད་ཀླད་ཀོར་ཚེག་པར་ཕྱིན། །ར་རི་ཁལ་ཁོལ་སྒྲིབ་མེད་པ། །ཡེ་ཤེས་དོན་ལ་མཁྱེན་རིག་རྒྱས། །དེ་ལྟ་མོད་ཀྱང་འདུལ་དབང་གིས། །རྒྱལ་བ་སྐུལ་བའི་ས་ལ་གཞེས། །རྣལ་འབྱོར་གསོ་བའི
105b7 ཆོ་ག་བྱེད། །ལྷ་དང་གཅིག་ཏུ་བྱ་བའི་ཕྱིར། །བཟླས་བརྗོད་གྲངས་དང་བསྙེན་པ་དང་། །སྦྱོར་བས་དོན་ལ་ཉེ་བར་འགྱུར། །འདི་ལྟར་སྟོར་བའི་དུས་དག་ན། །བྱིན་བརླབས་ཕེབས་སམ་ཉེ་བ་ཡི། །རྟགས་སམ་དྲོད་དམ་མཚན་མ་ནི། །རྣལ་འབྱོར་ཉིད་དང་བསྒྲུབ་རྫས
iiif viewer powered by OpenSeadragon
