| e-texts navigator |
| Wylie |
103b1 ལ་བཞེངས་ནས་ནི། །ཕྱོགས་མཚམས་ཀུན་དུ་བལྟས་བྱས་ནས། །ཤིན་ཏུ་འགྱིང་ཞིང་བརྗིད་པར་བྱེད། ། དང་མ་ཡི་འབྲུ་རྣམས་ནི། །སོ་སོར་བརྡབས་ནས་དཀུར་བརྟེན་བྱ། །འགྱིང་བའི་ཚུལ་གྱིས་སྤྱད་བྱས་ནས། །སྟག་གི་སྟབས་ཀྱིས་ཀུན་དུ་བསྐོར། །དེ་ནས་རྨུན་བྱ་སྟབས་ཀྱིས
103b2 ནི། །གོང་མ་བཞིན་དུ་བསྐོར་བར་བྱ། །དེ་བཞིན་རུས་སྦལ་གཟིག་དང་སྟག་།སྤྱང་ཀི་སེང་གེ་དོམ་སྟབས་དང་། །ཕག་ཆེན་དྲེད་ཀྱི་སྟབས་ཀྱིས་ནི། །ཐམས་ཅད་ཐམས་ཅད་བསྐོར་བར་བྱ། །དེ་བཞིན་འདབ་ཆགས་ཐམས་ཅད་ཀྱིས། །འཇོ་ཚུལ་སྟབས་རྣམས་རྫོགས་བྱས་ནས། །
103b3 དཀྱིལ་འཁོར་ཐམས་ཅད་རྫོགས་པར་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྒྱུར་བ་ཕྱག་རྒྱའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་སེམས་དཔའི་རྡོ་རྗེ་དེས་མཆོད་པ་དམ་པ་གསང་བའི་ལེའུ་འདི་གསུངས་སོ། །ཧཱུ~ཾ
103b4 འབྱུང་བ་ཆེན་པོ་ནམ་མཁའ་ནི། །འབྱུང་བ་ཆེན་པོ་ལྔ་ཡི་མཛོད། །ནམ་མཁའ་ལས་ནི་འདོད་པ་འབྱུང་། །འདོད་པའི་མཆོད་པ་འབྱུང་གྱུར་ཅིག་།ཟླ་རྒྱས་ལ་སོགས་སྙིང་པོ་མཆོག་།མཾ་ས་ལ་སོགས་རྣམ་ལྔའི་རྫས། །མེ་ཏོག་ལ་སོགས་ཙནྡན་ཕྲེང་། །སྣ་ཚོགས་མཆོད་པ་འབྱུང་གྱུར
103b5 ཅིག་། མི་མོ་རྣམས་ཀྱི་རེག་བྱ་མཆོག་།འཁྲིལ་འཁྱུད་སྒྱུར་བའི་གཟུངས་ཆེན་མ། །དབང་པོ་སྦྱོར་བའི་དགྱེས་མཆོད་དེ། །བདེ་བའི་མཆོད་པས་ཚིམ་གྱུར་ཅིག་།རྡོ་རྗེ་རོལ་པས་ཚོགས་མཆོག་འདི། །མཆོད་སྤྲིན་ཀུན་དུ་རྒྱས་གྱུར་ཅིག་།དུག་གསུམ་བརྩིགས་པའི་རི་བོ་འདི། །སྐུ
103b6 གསུང་ཐུགས་ཀྱི་ཀློང་དུ་བསྟབས། །དུག་ལྔ་རོལ་པའི་ཚོགས་མཆོག་འདི། །ཡེ་ཤེས་ལྔ་ཡི་ནང་དུ་ཐིམ། །གཟུང་འཛིན་རྟོག་པའི་མཚན་མ་འདི། །དབྱིངས་དང་ཡེ་ཤེས་ཀློང་དུ་ཐིམ། །འཁོར་བ་མཚན་མའི་ཆོས་ཅན་འདི། །ཆོས་ཉིད་དབྱིངས་ཀྱི་ངང་དུ་ཐིམ། །ཕུང་པོ་ཚོགས་ཀྱི་ཡན
103b7 ལག་འདི། །རྣམ་གྲོལ་ཕུང་པོ་ལྔ་རུ་ཐིམ། །འབྱུང་ཆེན་རྒྱུ་ཡི་མཚན་མ་འདི། །མཁའ་ཀློང་འབར་བ་ལྔ་རུ་ཐིམ། །རོལ་པ་ཆེན་པོ་མཆོད་སྦྱིན་ལ། །རྒྱལ་བ་རྒྱ་མཚོའི་ཚོགས་རྣམས་རོལ། །བླ་མེད་སྟན་འགན་མཆོད་པ་འདི། །སྔོན་ཆད་རྒྱལ་བས་བགྲོད་པའི་ལམ། །དུག་གསུམ་གཏིང
iiif viewer powered by OpenSeadragon
