| e-texts navigator |
| Wylie |
101b1 གཟུགས་སུ་བྱས་ནས་ནི། །གནས་གནས་དག་ཏུ་དགོད་པར་བྱ། །ཁམས་དང་སྐྱེ་མཆེད་ཕུང་པོ་ལྔ། །གཟུང་འཛིན་མིང་དུ་བཅས་པ་རྣམས། །བརྡ་ཡི་ཚུལ་དུ་བྲིས་ནས་ནི། །རོ་རྣམས་ཁྱད་པར་དགོད་པར་བྱ། །དེ་ནས་རོ་ཡི་ཕུང་པོ་དེ། །རྟེན་ནམ་གླེགས་སམ་སྟེགས་བུ་ཡི། །
101b2 སྟེང་དུ་མཁས་པས་གཞག་པར་བྱ། །ཐབ་ཀྱི་ཆོ་ག་བརྩམ་པ་ནི། །མཎྜལ་འཁོར་ཁྱུད་ཙམ་ཞིག་ལ། །དཀྱིལ་འཁོར་གང་དང་གང་ཡིན་པའི། །ཕྱག་རྒྱ་བཞུགས་པའི་ཕོ་བྲང་དག་།ཐིག་གིས་ཡུལ་གཅད་སོ་སོར་བྱ། །དེ་ཡི་སྟེང་དུ་ཤིང་བརྩིགས་པ། །དབྱིབས
101b3 ནི་གྲུ་བཞི་གཏམས་པ་ལ། །ཟུར་བཞི་ཀ་བ་བཞིས་བརྟན་བྱ། །སུམ་བརྩེགས་ཡང་ཐོག་བར་ཁང་བཅས། །མཐའ་མ་ཤིང་གིས་བརྫང་བར་བྱ། །བར་ཁང་དག་གི་གླེགས་མ་ལ། །རོ་ཡི་བཞིན་ཕྱོགས་ཤར་དུ་བསྟན། །རོ་ཡི་སྟེང་གི་ཁང་པ་ལ། །རས་སམ་ཤོག
101b4 ཤོག་ལ་བྲིས་པའི། །ཕྱག་རྒྱའི་དཀྱིལ་འཁོར་གསལ་བར་དགོད། །རོ་ཁང་གློ་སྐར་བཞི་ཕྱེ་ལ། །ཐུགས་རྗེ་གཟུངས་ཐག་བཞིས་བཏགས་ནས། །ཕྱོགས་བཞི་བླ་མ་བཞི་ལ་དབུལ། །ཤིང་གི་ཆོ་ག་རྫོགས་པ་དང་། །ཤིང་གི་ཕྱི་མཐའ་སྟེགས་བུ་ལ། །ཕྱག
101b5 རྒྱའི་ལྷ་རྣམས་རིམ་པར་དགོད། །སྟེགས་བུ་རྫོགས་པར་གྱུར་པ་དང་། །རྡོ་རྗེ་ལས་ཀྱི་སྐོས་གདབ་པ། །རྡོ་རྗེ་རྒྱལ་པོ་བླ་མ་ལ། །འཁོར་བ་བསྲེག་པའི་མངའ་གསོལ་ཏེ། །ཏིང་འཛིན་ཡེ་ཤེས་རྩེ་གཅིག་པས། །མེ་ཡི་འདུ་འཕྲོ་རྒྱུན་དུ་བྱ། །རྡོ་རྗེ་ལས་ཀྱི་ཀརྨ་ལ། །
101b6 ལས་རྣམས་རྫོགས་པའི་མངའ་གསོལ་ཏེ། །ལས་ཀྱི་ཕྲེང་བ་རྫོགས་པར་བྱ། །རྡོ་རྗེ་ཆེན་པོའི་བླ་མ་ཞིག་།རོ་ཡི་ཉེས་པའི་མཐའ་བཟུང་ནས། །ལས་ཀྱི་བསགས་པ་བགྲང་ཞིང་བཤགས། །རྡོ་རྗེ་སྐབས་སྦྱོར་བླ་མ་ཡིས། །བདུད་རྩི་སྐབས་ཀྱི་མཆོད་པ་སྦྲེང་། །རྡོ་རྗེ
101b7 བྲོ་གར་གླུ་ཚིག་གིས། །སྐབས་ཀྱི་གླུ་གར་མཆོད་པ་དག་།རོལ་མོས་དྲངས་ཏེ་དབུལ་བར་བྱ། །རྡོ་རྗེ་གནས་ཀྱི་སྨོན་ལམ་ནི། །སྐབས་དང་ལས་ཀྱི་མཇུག་ཏུ་གདབ། །རྡོ་རྗེ་ལས་ཀྱི་ལྟང་འཛིན་པས། །རྩ་བརྒྱད་ལས་ཀྱིས་གྲངས་བཟུང་སྟེ། །དཀར་བྱང་བླ་མའི་ཕྱག
iiif viewer powered by OpenSeadragon
