| e-texts navigator |
| Wylie |
101a1 དབུལ། །ལུང་བོ་ལྔ་ཡི་དམ་རྫས་རྣམས། །ཐབས་མཆོག་ཡབ་ལྔའི་སྐུ་ལ་བསྟིམ། །འབྱུང་ལྔས་བསྡུས་པའི་བསྲེག་རྫས་རྣམས། །ཤེས་རབ་ཡུམ་ལྔའི་ཀློང་དུ་བསྟབས། །རྣམ་ཤེས་བརྒྱད་ཀྱི་བསྲེག་རྫས་རྣམས། །ཡེ་ཤེས་གནས་ཀྱི་མ་བརྒྱད་དོ། །
101a2 ཡུལ་གྱི་གཡེང་བ་རྣམ་པ་བརྒྱད། །དམིགས་མེད་དབྱིངས་ཀྱི་བྱེ་བྲག་བརྒྱད། །སྐྱེ་བཞི་ལས་ཀྱི་བསྲེག་རྫས་རྣམས། །རྣམ་ཐར་སྒོ་བཞིའི་ཀློང་དུ་ཐིམ། །ཐབས་མཆོག་ལ་སོགས་རྒྱ་མཚོའི་ཚོགས། །སོ་སོའི་ཡོན་ཏན་ཐམས་ཅད་དག་།རྡོ་རྗེ་གླུ་ཡིས་བརྗོད་ནས་ཀྱང་། །དེ
101a3 དག་མཉེས་པའི་མཆོད་པ་བརྩམ། །མཆོད་པ་ཐམས་ཅད་རྫོགས་པ་དང་། །སྒྲིབ་བྱང་མ་བྱང་དོན་ཆེན་རྣམས། །གྲུབ་དང་མ་གྲུབ་དོན་རྣམས་ནི། །མེ་ལ་མཁས་པས་བརྟག་པར་བྱ། །མེ་སྒྲ་གཉིས་དང་ཁ་དོག་གཉིས། །འབར་ཚུལ་གཉིས་དང་དབྱིབས་རྣམ་དྲུག་།དེ་དག་ཡོངས
101a4 སུ་ཤེས་པར་བྱ། །གལ་ཏེ་མཚན་མ་མི་སྡུག་ན། །བཀྲ་མི་ཤིས་པའི་རྟགས་ཡིན་པས། །བསྲེག་སྦྱང་ཆེན་པོ་རྒྱས་པར་བྱ། །དེ་ནས་འདོད་པའི་རྟགས་བྱུང་ན། །མེ་ལ་འདོད་པའི་དངོས་གྲུབ་རྣམས། །རྣམ་གསུམ་གང་ལྟར་གྲུབ་པ་བླང་། །རོ་ཡི་རྫས་རྣམས་བསྲེག་སྦྱངས་ནས། །རོ
101a5 ལ་སྔགས་ཀྱིས་བཏབ་ནས་ཀྱང་། །ཤིན་ཏུ་དྲི་ཞིམ་སྣ་ཚོགས་ཀྱིས། །རོ་ལ་བྱུག་ཅིང་བཀྲུ་བར་བྱ། །བདུད་རྩི་ཞུན་ཆེན་ཁུ་བ་ཡིས། །རས་ལ་བྱུགས་པས་རོ་དཀྲིས་ཏེ། །རོ་ཡི་གནས་རྣམས་གང་ཡིན་པར། །སྔགས་ཀྱི་སྦྱོར་བ་ཀུན་བཀོད་ནས། །ཕྱག་རྒྱའི་མཚན་མས་གདབ
101a6 པར་བྱ། །རྒྱལ་བའི་དཀྱིལ་འཁོར་གང་དག་ནི། །གཞུང་ཡིན་པ་ཡི་ཕྱག་རྒྱ་རྣམས། །དུ་འབྱུང་བ་དང་མཉམ་པ་ཡི། །སྡོང་བུའི་གྲངས་ཀྱང་དེ་ལྟར་བྱ། །སྡོང་བུ་རེ་ལ་ལྷ་རྣམས་ཀྱི། །མ་ནོར་རྩ་བའི་སྙིང་པོ་དག་།རས་ཆེན་དག་ལ་བྲིས་ཏེ་གདགས། །རོ་ཡི་སྦྱོར་བ
101a7 རྫོགས་པ་དང་། །རོ་ཡི་ཕྱི་ཤུན་ཐམས་ཅད་ལ། །འཁོར་བའི་བག་ཆགས་ཀུན་བཀོད་དེ། །རས་སམ་ཤིང་ཤུན་ཤོག་ཤོག་ལ། །འཁོར་བའི་ས་བོན་ཐམས་ཅད་དགོད། །ཉོན་མོངས་ལྔ་དང་དུག་གསུམ་བཅས། །སྐྱེ་བའི་ལམ་ལ་རྒྱུད་དྲུག་རྣམས། །མིང་ངམ
iiif viewer powered by OpenSeadragon
