| e-texts navigator |
| Wylie |
100b1 ཆུབ་ཡེ་ཤེས་མེས། །མཚན་མའི་བག་ཆགས་བསྲེགས་སྦྱངས་ཐིམ། །རྣམ་དག་བྷ་གའི་ཧོམ་ཁུང་དུ། །ཆགས་པའི་ཡམ་ཤིང་སྤུངས་པ་ལ། །བདེ་ཆེན་བྱང་ཆུབ་མེ་སྦར་ཏེ། །འཁོར་བའི་དངོས་པོ་བསྲེགས་སྦྱངས་ཐིམ། །དཔལ་ཆེན་ཞལ་གྱི་ཧོམ་ཁུང་དུ། །ཉོན་མོངས་ལྔ་ཡི
100b2 ཡམ་ཤིང་ལ། །ཡེ་ཤེས་ལྔ་ཡི་མེ་སྦར་ཏེ། །གཟུང་འཛིན་རྫས་རྣམས་བསྲེགས་སྦྱངས་ཐིམ། །སྣང་སྲིད་ནམ་མཁའི་ཧོམ་ཁུང་དུ། །འབྱུང་བ་བཞི་ཡི་ཡམ་ཤིང་ལ། །ཕྱག་རྒྱའི་ཚོགས་ཀྱི་མེ་སྦར་ཏེ། །སྣང་སྲིད་དངོས་པོ་བསྲེགས་སྦྱངས་ཐིམ། །ལས་བཞི་སོ་སོའི
100b3 ཁྱད་པར་གྱིས། །ཕྱོགས་དང་ཁ་དོག་དབྱིབས་དང་རྫས། །ཇི་ལྟར་ཡིན་པ་དེ་ལྟར་སྦྱར། །ཤར་ལྷོ་ནུབ་བྱང་དཀར་སེར་དམར། །མཐིང་ག་ནག་པོ་ཐལ་མདོག་སྦྱར། །ཟླུམ་པོ་པདྨ་ལེའུ་ཙེ་ཞི། །འཁོར་ལོ་གྲུ་བཞི་ཟུར་བརྒྱད་རྒྱས། །ཟླ་གམ་གྲུ་ཆད་གཞུ་དབྱིབས་དབང་། །
100b4 གྲུ་གསུམ་བྷ་ག་ཁ་མངོན་སྦྱོར། །སུམ་བརྩེགས་མདངས་དང་རི་མོར་མཛེས། །ལས་ཀྱི་ཡམ་ཤིང་རྫས་ཀྱིས་རྒྱས། །ཡེ་ཤེས་རྡོ་རྗེའི་ལས་རྒྱུད་ལྡན། །བླ་མ་གསུམ་གྱིས་ཐབས་མཆོག་སྦྱར། །དག་པའི་མཐའ་འཛིན་ཉེས་མཆོག་འཛིན། །རྡོ་རྗེ་གསང་བའི་གླུ་བྲོ
100b5 གར། །མཆོད་པ་གསང་བ་དུས་ཚིགས་སྦྱོར། །རྡོ་རྗེ་ལམ་གྱི་སྨོན་ལམ་སྦྱར། །གསང་བ་ལས་ཀྱི་རྒྱུད་ལྡན་པས། །བཤར་གདབ་ཞི་བའི་ལྷ་རྒྱུད་དང་། །རྒྱས་དང་དབང་བཤར་རྒྱུད་བཤར་བས། །ལྷ་དང་སྔགས་དང་ཕྱག་རྒྱ་དང་། །དེ་བཞིན་རྒྱུད་དང་འབྱོར་པར་བྱ། །
100b6 རིགས་ཀྱི་ལྷ་རྒྱུད་ལྔ་རྣམས་ནི། །སོ་སོའི་རིགས་སུ་བཤར་བཏབ་སྟེ། །ཀློང་ཡངས་འཁྱིལ་བའི་ཧོམ་ཁུང་དུ། །དམ་རྫས་བདུད་རྩི་འབར་བ་ཡིས། །སྦྱང་དང་ཐོབ་ཕྱིར་བསྲེག་བྱར་འོས། །བསྲེག་རྫས་སྐྱེ་བའི་ཆོས་ཡིན་ཏེ། །སྐྱེ་བར་སྣང་བའི་ཆོས་ཐམས་ཅད། །
100b7 འདིར་ནི་དངོས་པོ་བཞིན་སྣང་སྟེ། །ཆོས་ཅན་རྐྱེན་དང་འབྱུང་ནས་དང་། །རང་བཞིན་ཉིད་ལས་ཆོ་འཕྲུལ་ནི། །སྐྱེ་བ་ཉིད་དུ་འདོད་པ་ཡིན། །འདི་ནི་སྐྱེ་བའི་ཆོས་ཅན་ཏེ། །རང་བྱུང་སྲེག་རྫས་རང་ཞིར་ཐིམ། །ཉོན་མོངས་ལྔ་ཡི་དམ་རྫས་དག་།ཡེ་ཤེས་ལྔ་ཡི་ཀློང་དུ
iiif viewer powered by OpenSeadragon
