| e-texts navigator |
| Wylie |
100a1 འགྲོ། །མེ་ཡི་ཕུང་པོ་འཇིལ་འདོད་ན། །སྡིགས་པའི་མཛུབ་མོ་ཕྱར་ནས་ཀྱང་། །བདེན་པའི་བསྒོ་བ་བྱས་པས་འགྲུབ། །དེ་ལ་སོགས་པ་ཐམས་ཅད་ནུས། །རྟགས་ཐོབ་ཕན་ཆད་སངས་རྒྱས་ཡིན། །ཞེས་གསུངས་སོ། །གསང་ཆེན་ཐུགས་ཀྱི་སྒྲུབ་པ
100a2 བཤད་པའོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་རྒྱུད་ལས་བཀའ་གསང་འཁོར་ལོའི་བསྒྲུབ་པའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་བཅོམ་ལྡན་འདས་སེམས་དཔའི་རྡོ་རྗེ་དེ་རྡོ་རྗེ་མེ་ཀློང་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས
100a3 སོ། །དེ་ནས་འདུས་པའི་ཚོགས་ཐམས་ཅད་ཀྱིས་ཆོས་ཐམས་ཅད་མེའི་རང་བཞིན་དུ་སྣང་བར་མཐོང་ངོ་། །དེ་ནས་འཁོར་རྣམས་ཀྱིས་ཤིན་ཏུ་བསྟོད་པ། །ེ་མའོ་སེམས་དཔའ་ཆེ་བ་ཆེ། །ཏིང་འཛིན་ཆེན་པོ་སྣང་བ་ཆེ། །ཆོ་འཕྲུལ་ཆེན་པོ་སྣ་ཚོགས་ཆེ། །ཐབས་མཆོག་ཁྱོད
100a4 ལ་ཕྱག་འཚལ་ལོ། །ཆོས་ཀུན་མེ་ཀློང་བཞིན་དུ་སྣང་། །མེ་ཉིད་ཡེ་ཤེས་གསལ་བའི་ཀློང་། །འབར་འཕྲོ་གསལ་བར་གྱུར་པས་ནི། །མུན་བསལ་དངོས་པོ་ཐམས་ཅད་བསྲེགས། །བདེ་ཆེན་དབྱིངས་སུ་ཀུན་རྫོགས་པར། །དཔའ་བོ་ཁྱོད་ཀྱིས་མཛད་པ་ལགས། །
100a5 ཐུགས་རྗེ་ཆེན་པོ་ཨ་ལ་ལ། །དོན་གྲུབ་ཆེན་པོ་ཨ་ལ་ལ། །སྒེག་པ་ཆེན་པོ་ཨ་ལ་ལ། །འཇིགས་བྱེད་ཆེན་པོ་ཨ་ལ་ལ། །དགྱེས་པ་ཆེན་པོ་ཨ་ལ་ལ། །དྲེགས་པ་ཆེན་པོ་ཨ་ལ་ལ། །དཔའ་བོ་ཁྱོད་ཀྱི་བྱིན་བརླབས་ཀྱིས། །བདག་ཅག་རྣམས་ལ་བཤད
100a6 པ་ཤོད། །མེ་ཡི་རང་བཞིན་ཆེན་པོ་དག་།བདག་ཅག་རྣམས་ལ་བཤད་པར་གསོལ། །ཞེས་གསོལ་བ་བཏབ་པ་ལས། །སེམས་དཔའི་རྡོ་རྗེས་དགྱེས་ཏེ་འདི་སྐད་ཅེས་བཀའ་སྩལ་ཏོ། །འདུས་པ་ཆེན་པོའི་རྣལ་འབྱོར་པ། །རྡོ་རྗེ་མེ་ཡི་རང་བཞིན་དག་།བཤད་ཀྱིས
100a7 ཁྱེད་རྣམས་གུས་པར་ཉོན། །རྡོ་རྗེ་མེ་ཡི་ལས་མཆོག་འདིས། །རྣལ་འབྱོར་ཐབས་སུ་བདེ་སྦྱར་བས། །རྒྱལ་བ་ཀུན་མཉེས་ཀུན་བསྲེག་སྐོངས། །དོན་གྲུབ་ལས་ཀྱི་མཆོག་ཏུ་བཤད། །སྐྱེ་མེད་རྣམ་དག་ཧོམ་ཁུང་དུ། །ཆོས་ཅན་སྐྱེ་བའི་ཡམ་ཤིང་ལ། །སྤྲོས་མེད་བྱང
iiif viewer powered by OpenSeadragon
