| e-texts navigator |
| Wylie |
356a1 ང་དྲན་པ་ཐོག་མའི་ཚེ་རྩ་བའི་དམ་ཚིག་ཉམས་ཤིང་ཡང་དག་པའི་དོན་ལ་རྨུགས་ཤིང་། དྲེགས་པའི་ང་རྒྱལ་གྱིས་སྔགས་ཀྱི་ཚུལ་དུ་སྤྱོད་པའི་དྲང་སྲོང་པེ་ན་ཡ་ཞེས་བྱ་བ་ཞིག་ཚོམ་བུ་བརྒྱ་དང་བཅས་པར་གནས་སོ། །དེའི་ཚེ་རྣམ་པར
356a2 སྨིན་པ་དེས་གཏི་མུག་ཕག་གི་ལུས་སུ་ལྷུང་བ་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་ཚིག་ཏུ་མཉམ་ཟེར་ཡང་། བློ་མཉམ་པ་དང་མི་ཉེ་བར་ཆགས་སྡང་ལ་འཆེལ་བ་དག་མཆིས་ན། དེའི་རྣམ
356a3 པར་སྨིན་པ་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། མཉམ་པ་མ་རྟོགས་པར་ཆགས་སྡང་ལ་འཆེལ་བ་དེ་ནི་རགྴ་སྲིན་པོའི་རིགས་སུ་འགྱུར་ཏེ། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ
356a4 ཐོག་མའི་ཚེ། མཉམ་པ་ཉིད་མ་རྟོགས་པར་ཆགས་སྡང་ལ་འཆེལ་བའི་དགེ་སློང་དེ་སྦྱིན་ཞེས་བྱ་བ་ཚོམ་བུ་སྟོང་དང་བཅས་པ་ཞིག་གིས། གསང་བའི་སྤྱོད་པ་མངོན་དུ་སྤྱོད་པས་ལས་དེའི་རྣམ་པར་སྨིན་པས་རཀྴ་སྲིན་པོའི་གནས་སུ་སྐྱེས་སོ། །དེ
356a5 བས་ན་དེ་ལྟར་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་རྡོ་རྗེ་འཆང་གི་གྲལ་དུ་ཚོགས་པའི་ཚེ་དོན་ལ་དགའ་བའི་རྣལ་འབྱོར་པ་དག་གིས། ཡང་དག་པའི་དོན་ལ་གླེང་བསླང་བ་དེ་ལ་འཇིགས་སྐྲག་ཞུམ་སྟེ།
356a6 མི་དགའ་ཞིང་གུད་དུ་བྱོལ་བའི་རྣམ་པར་སྨིན་པ་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། ཡང་དག་པའི་དོན་གྱིས་འཇིགས་པའི་ཕྲག་དོག་ཅན་དེ་ནི་འཁོར་བའི་གནས་སུ་འཁྱམས་ཏེ། ཡཀྴ་གནོད་སྦྱིན་གྱི་གནས་སུ
356a7 ལྷུང་ངོ་། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྣལ་འབྱོར་ལས་དང་པོའི་སར་སློབ་པའི་དགེ་སློང་ལྷ་སྦྱིན་ཞེས་བྱ་བ་ཞིག་དོན་དང་ལྡན་པའི་རྣལ་འབྱོར་ཕལ་ཆེན་ཚོགས་པར་གྱུར་པ་ལས་རྣལ་འབྱོར་དེ་དག
iiif viewer powered by OpenSeadragon
