| e-texts navigator |
| Wylie |
355a1 ངེས་སོ། །དེ་ཡང་ཇི་ལྟར་ཡོངས་སུ་ཤེས་པར་འགྱུར་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། དགེ་སློང་ཞི་གནས་པ་ཞེས་བྱ་བའི་ཚོམ་བུ་ལྔ་བརྒྱ་དང་བཅས་པ། དོན་དང་མི་ལྡན་པ་ཞིག་ཤིན་ཏུ་གསང
355a2 བའི་སྔགས་པ་སྤྱོད་དོ་ཞེས་ཟེར་ནས། དགོན་པའི་གནས་བཟུང་སྟེ་ཡུལ་ཁམས་ཆེན་པོ་དེ་ན་གནས་པའི་མི་རྣམས་ཀུན་འདུལ་བའི་དབང་དུ་སྤྱོད་དོ། །དེའི་ཚེ་དེའི་དུས་སུ་གཞན་གྱི་སྡེ་པར་གྱུར་པའི་དགེ་སློང་གྲོལ་བའི་བློ་གྲོས་ཞེས་བྱ་བའི་དོན་དང
355a3 ལྡན་པ་ཞིག་ཡུལ་ཁམས་དེ་ཡང་དག་པའི་དོན་ལ་གཟུད་པའི་ཆེད་དུ་འོངས་ནས། གསང་བའི་ཐེག་པའི་དོན་རྒྱ་ཆེར་བསྟན་པར་བསམས་པ་ལས། ཞི་གནས་པ་ཞེས་བྱ་བའི་དགེ་སློང་དེས་ཉོན་མོངས་པའི་བསྒོ་བ་དྲག་པོ་བྱས་ཏེ། འཁོར
355a4 འདི་དག་ནི་བདག་གི་ཞིང་ཁམས་ཡིན་པས་ན། ཁྱོད་འདི་ལ་མ་རྟོག་ཤིག་ཅེས་བསྒོ་རིས་སོ་སོར་བཅད་པས་དེའི་ཚེ་དགེ་སློང་ཞི་གནས་པའི་ཚོམ་བུ་ལྔ་བརྒྱའི་འཁོར་དང་བཅས་པ་ཉོན་མོངས་པ་འཁོར་བའི་ལམ་དུ་ལྷུང་སྟེ། ཤོ་གམ
355a5 གཅན་ཆེན་གྱི་རིགས་སུ་གྱུར་ཏོ། །དེ་བས་ན་དེ་བཞིན་དུ་ཤེས་པར་བྱའོ། །དེ་ནས་ཡང་སྨྲ་བའི་སེང་གེས་གསོལ་བ། གང་ཟག་ལ་ལ་དག་རྣལ་འབྱོར་པ་ཚོགས་ཀྱི་ཡོ་བྱད་ཀྱི་ཚོགས་སུ་བསྔོས་པ་ལ་སེར་སྣས་གསོག་འཇོག་བགྱིད་པ
355a6 དག་མཆིས་ན། དེའི་རྣམ་པར་སྨིན་པ་ཇི་ལྟ་བུར་འགྱུར་བ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་བའི་ཚོགས་ཆེན་པོར་བསྔོས་པའི་ཡོ་བྱད་ལ་སེར་སྣས་གསོག་འཇོག་བྱེད་ཅིང་། གཅིག་གི་ཡིད
355a7 གཅིག་གིས་འབྱིན་པར་བྱེད་པའི་གང་ཟག་དེ་ནི། ནམ་ཞར་ལོངས་སྤྱོད་ཐམས་ཅད་དང་བྲལ་ཏེ་ཁྱིའི་ལུས་སུ་སྐྱེའོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་རྣལ་འབྱོར་བདེ་ལྡན་ཞེས་བྱ་བ
iiif viewer powered by OpenSeadragon
