| e-texts navigator |
| Wylie |
353a1 ཀྱི་ཚོགས་འབུམ་གྱི་ཆར་ཡང་མི་ཕོད་དོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ནང་དྲན་པ་ཐོག་མའི་ཚེ་ལས་དག་པའི་བྲམ་ཟེའི་བུ་གསལ་ལྡན་ཞེས་བྱ་བ་ཞིག་གསང་བའི་ཐེག་པ་འདི་ལ་དད་པར་འགྱུར་རོ། །
353a2 བྲམ་ཟེའི་བུ་དགེ་ལྡན་ཞེས་བྱ་བ་ཞིག་ནི་རྒྱུའི་ཐེག་པ་ལ་དད་པར་འགྱུར་རོ། །དེའི་ཚེ་བྲམ་ཟེའི་བུ་དེ་གཉིས་ཐ་ཚིག་བཅས་ཏེ། དགེ་ལྡན་གྱིས་མཆོད་སྦྱིན་བཟང་པོ་རྒྱ་ཆེར་སྤེལ་ལོ། །གསལ་ལྡན་གྱིས་ནི་ཚོགས་མཆོད་རྒྱ་ཆེར་བྱས་སོ། །དེ
353a3 གཉིས་ཀྱི་འབྲས་བུའི་ཁྱད་པར་ནི། སྔགས་སྤྱོད་པའི་བྲམ་ཟེ་གསལ་ལྡན་ནི་ཚེ་དེ་ཉིད་ལ་མངོན་པར་རྫོགས་པར་སངས་རྒྱས་པར་གྱུར་ཏོ། །རྒྱུའི་ཐེག་པ་ལ་སྤྱོད་པའི་དགེ་ལྡན་ནི། བསྐལ་པ་གྲངས་མེད་པ་གསུམ་དུ་དཀའ་བ་བྱས་ནས། འབྲས
353a4 བུ་ཐོབ་པ་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གསང་བའི་ཐེག་པའི་མདོ་འདི་རྟག་ཏུ་འཆང་བའི་གང་ཟག་དེའི་རྣམ་པར་སྨིན་པ་ཇི་ལྟ་བུར་འགྱུར་བ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི
353a5 སེང་གེ་མདོ་འདི་རྟག་ཏུ་འཆང་ཞིང་འཛིན་པ་དེ་ནི། དཔལ་རྡོ་རྗེ་སེམས་དཔའི་ཆེ་བའི་ཡོན་ཏན་གྱི་གཟུངས་དང་བཅས་པ་ཐོབ་བོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། ཁྱིམ་བདག་དད་པ་ཅན་མེས
353a6 སྦྱིན་བྱ་བ་དེ། ཚོམ་བུ་བརྒྱ་དང་བཅས་པས་གསང་བའི་ཐེག་པའི་མདོ་འདི་རྒྱུན་རྟག་པར་བཅངས་པས། དཔལ་རྡོ་རྗེ་སེམས་དཔའི་འཁོར་དང་བཅས་པ་ཅི་འདྲ་བར་ཚེ་འདི་ཉིད་ཀྱིས་ངེས་པར་འཐོབ་ཅིང་མི་བརྗེད་པའི་གཟུངས་ཐོབ་པའོ། །དེ་བཞིན
353a7 དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གསང་བའི་མདོ་འདིའི་དོན་རྟོགས་ནས། གཞན་དག་ལ་སྨྲ་བར་བྱེད་པ་དེའི་ཡོན་ཏན་ཇི་ལྟ་བུ་ལགས། ལུང་བསྟན་དུ་གསོལ། གསང་བ་མཆོག་གི་བདག་པོས་བཀའ་སྩལ
iiif viewer powered by OpenSeadragon
