| e-texts navigator |
| Wylie |
352a1 ཏུ་གྱུར་ཏོ་འཚལ་ཐམས་ཅད་ཇི་ལྟར་འདོད་པ་བཞིན་ཐོབ་པར་འགྱུར་རོ། །དེ་ན་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་ལྷའི་གནས་རིམ་པ་གསུམ་ན་གསང་བ་སྤྱོད་པ་ལས་དགེ་བའི་རྒྱལ་པོ
352a2 བ་ཀོད་པ་ཞེས་བྱ་བའི་ལྷའི་བུ་ཞིག་ཚོམ་བུ་འབུམ་དང་བཅས་ནས་གསང་བ་རྒྱ་ཆེར་སྤྱོད་པ་ལས་རིན་ཆེན་འོད་ལྡན་ཞེས་བྱ་བའི་ལྷའི་བུ་ཞིག་གསང་སྔགས་རྒྱ་ཆེར་སྤྱོད་པ་དེ་ཉིད་ལ་ཤིན་ཏུ་དད་པ་སྐྱེས་པ་ལས་ཡོ་བྱད་ཕུན་སུམ་ཚོགས་པ་དང་བཅས་པ་གསང་བའི
352a3 གནས་དེར་ཕྱིན་ཏེ་གསང་བའི་སྒོར་ཞུགས་ནས་ཚོགས་ཀྱི་དཀྱིལ་འཁོར་ཆེན་པོ་ཡང་མཐོང་བར་བྱས་ཏེ་དེ་ཉིད་ཀྱི་དུས་ཀྱི་ཚེ་དག་ཏུ་དངོས་གྲུབ་ཏུ་གྱུར་ཏོ་འཚལ་བ་ཐམས་ཅད་ཇི་ལྟར་བསམས་པ་བཞིན་དུ་ཐོབ་པར་གྱུར་པ། དེ་བཞིན་དུ་ཤེས་པར་བྱའོ། །དེ
352a4 ནས་སྨྲ་བའི་སེང་གེས་གསོལ་པ། གསང་བའི་ཐེག་པ་འདི་མངོན་དུ་སྤྱོད་པའི་རྣལ་འབྱོར་པ་གང་ཞིག་ལ་དགའ་བའི་ཡིད་ཀྱིས་མངོན་དུ་ཕྱོགས་པ་དེའི་འབྲས་བུ་ཇི་ལྟ་བུར་འགྱུར་བ་ལུང་བསྟན་དུ་གསོལ། གསང་བ་མཆོག་གི་བདག་པོས་བཀའ་སྩལ་པ།
352a5 སྨྲ་བའི་སེང་གེ་གཞན་ཡང་གསང་བའི་ཐེག་པ་སྤྱོད་པ་ལ་མངོན་དུ་ཕྱོགས་པའི་གང་ཟག་དེའི་རྣམ་པར་སྨིན་པ་ནི་གསང་བ་དངོས་སུ་སྤྱོད་པའི་རྣལ་འབྱོར་པ་དེ་དང་འདྲ་བར་ཐོབ་པར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི
352a6 དུས་ང་དྲན་པ་ཐོག་མའི་ཚེ་རྒྱལ་པོ་དབང་ཕྱུག་འོད་ལྡན་ཞེས་བྱ་བའི་རྣལ་འབྱོར་པ་ཞིག་ཚོམ་བུ་འབུམ་དང་བཅས་ནས་སྔགས་ཀྱི་སྤྱོད་པ་ལ་རྒྱ་ཆེར་ཞུགས་ཏེ་འབྲས་བུ་ངོ་མཚར་རྨད་དུ་བྱུང་བ་ཐོབ་པར་ཀུན་དུ་གྲགས་པ་ལས། གཞན་གྱི་སྡེ་པ་བྲམ་ཟེ་དགེ
352a7 སློང་བྱ་བ་ཞིག་ཤིན་ཏུ་དགའ་བའི་སེམས་སྐྱེས་ནས་འབྱོར་པའི་ཡོ་བྱད་མང་པོ་དང་བཅས་ནས་ཚོགས་ཀྱི་དཀྱིལ་འཁོར་དེ་ཉིད་དུ་འཇུག་པར་གསོལ་བ་བཏབ་པ་ལས་རྒྱལ་པོས་མ་གནང་སྟེ་གསང་སྒོ་བསྡམས་སོ། །བྲམ་ཟེ་དེ་དད་པ་མ་ལོག་པར་འབྱོར
iiif viewer powered by OpenSeadragon
