| e-texts navigator |
| Wylie |
349b1 པར་རིག་པར་བྱའོ། །དེ་དག་གི་དངོས་གྲུབ་ཀྱང་ཚེ་འདི་ཉིད་ལ་འགྲུབ་ཅིང་གཞན་འཇིག་རྟེན་གྱི་མཐུ་ཆེན་རྣམས་ཀྱང་བཀའ་ཉན་ཅིང་ལས་བྱེད་པར་འགྱུར་རོ། །ཡང་སྨྲ་བའི་སེང་གེས་གསོལ་པ། བཅོམ་ལྡན་འདས་བླ་མ་རྡོ་རྗེ་སློབ་དཔོན་ཆེན་པོ་རྣལ
349b2 འབྱོར་གྱི་འཁོར་དང་བཅས་པ་རྣམས་གསང་བའི་ཐེག་པ་འདི་ཉིད་ལ་མོས་ཤིང་དད་པའི་སེམས་ཀྱིས་གཡོ་སྒྱུ་དང་། གསོག་འཇོག་སྤངས་པའི་ཕྱི་རབས་ཀྱི་དད་པ་ཅན་གྱི་སྐྱེ་བོ་དེའི་རྣམ་པར་སྨིན་པ་ཅིར་འགྱུར། བདག་ཅག་ལ་སོགས་པ་རྣམས་ཀྱིས་ཇི
349b3 ལྟར་བལྟ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དད་པ་ཅན་གྱི་སྐྱེ་བོ་བླ་མ་འཁོར་དང་བཅས་པ་གསང་བའི་ཐེག་པ་འདི་ཉིད་ལ་མོས་ཤིང་དད་པ་དང་རྣ་བའི་དབང་པོས་ཉན་ཅིང་གཡོ་སྒྱུ་དང་གསོག་འཇོག་སྤངས་པ་དེའི་རྣམ
349b4 པར་སྨིན་པའི་ལེགས་པའི་ཡོན་ཏན་ཡང་བརྗོད་ཅིང་ཚད་གཟུང་བར་རབ་ཏུ་དཀའོ། །ལ་ལ་དག་གིས་སོ་སོ་སྐྱེ་བོ་སངས་རྒྱས་ཀྱི་ཞིང་ཡོངས་སུ་གང་བ་ལ་སྦྱིན་པ་བྱིན་པའམ། སྲོག་བཏོན་པའམ་དགེ་བ་བཅུ་དང་། ཚད་མེད་པ་བཞི་དང་། བསྡུ་བའི
349b5 དངོས་པོ་བཞིས་རྒྱུའི་ཐེག་པའི་སྒོ་ནས་འགྲོ་བའི་དོན་བྱས་པ་བས་ནི་བླ་མ་འཁོར་དང་བཅས་པ་དང་གསང་བའི་ཐེག་པ་འདིའི་སྒོ་ནས་སྐད་ཅིག་ཙམ་འགྲོ་བ་གཅིག་གི་དོན་བྱས་པའི་བསོད་ནམས་ཀྱི་དགེ་བའི་རྩ་བ་འབུམ་གྱི་ཆ་ཡང་མི་ཕོད་དོ། །རིགས་ཀྱི་བུ་ལ་ལ
349b6 དག་གིས་སངས་རྒྱས་ཀྱི་ཞིང་ཡོངས་སུ་གང་བའི་ཉན་ཐོས་སམ། རང་སངས་རྒྱས་སམ། བྱང་ཆུབ་སེམས་དཔའི་ཐེག་པ་དེ་སྙེད་ལ་རིམ་གྲོ་བཀུར་སྟི་ཚུལ་བཞིན་དུ་བསྐལ་པ་གྲངས་མེད་པའི་ཡུན་དུ་བྱས་པའི་བསོད་ནམས་ཀྱིས་ནི་གསང་བའི་ཐེག་པ
349b7 འདི་ལ་གནས་པའི་གང་ཟག་རྣལ་འབྱོར་པ་གཅིག་ལ་ཐ་ན་དྲོ་གཅིག་གམ། སྐད་ཅིག་ཡུད་ཙམ་དུ་བཀུར་སྟི་ཚུལ་བཞིན་དུ་བྱས་པའི་བསོད་ནམས་ཀྱི་འབུམ་གྱི་ཆར་ཡང་མི་ཕོད་དོ། །དེ་ཅིའི་ཕྱིར་ཞེ་ན། དེ་ནི་གསང་བའི་ཐེག་པ་འདི་ཉིད
iiif viewer powered by OpenSeadragon
