| e-texts navigator |
| Wylie |
349a1 རྫོགས་པའི་སངས་རྒྱས་ཉིད་དུ་བལྟ་བར་བྱའོ། །དེ་ནི་དེ་བཞིན་གཤེགས་པ་སྐྱེས་བུ་འདུལ་བ། ཁ་ལོ་སྒྱུར་བ། འཇིག་རྟེན་དང་འཇིག་རྟེན་ལས་འདས་པའི་སྟོན་པ་ཆེན་པོ་ཡིན་པར་བལྟའོ། །སེམས་ཅན་ཐམས་ཅད་ཀྱི
349a2 མགོན་དང་སྐྱབས་དང་། རྟེན་དང་། གླིང་དང་། དེད་དཔོན་དང་། འདྲེན་པ་དང་། སྒྲོལ་བའི་གྲུ་ལྟ་བུ་ཡིན་པར་ཤེས་པར་བྱའོ། །དེ་ནི་ཡེ་ཤེས་ཀྱི་སྒྲོན་མ་ཆེན་པོ་འཛིན་པ་སྟེ་དེ་བས་ན་སངས་རྒྱས་ཉིད་དུ་བལྟའོ། །དེ་བས་ན་བླ་མ་དེ་དང
349a3 ཕྲད་པའི་གང་ཟག་རྣལ་འབྱོར་པ་དེས་ཀྱང་ཡང་དག་པར་རྫོགས་པའི་སངས་རྒྱས་ཉིད་དང་ཕྲད་པར་རིག་པར་བྱའོ། །སྨྲ་བའི་སེང་གེས་གསོལ་པ། བཅོམ་ལྡན་འདས་བླ་མ་རྡོ་རྗེ་སློབ་དཔོན་དེའི་རྗེས་སུ་འབྲང་ཞིང་གསང་བ་འདི་ལྟ་བུ་ལ་མོས་ཤིང་འཛིན་པ
349a4 དང་། རྣ་བའི་དབང་པོས་ཉན་ཅིང་གཞུང་བཞིན་དུ་སྒྲུབ་པའི་གང་ཟག་རྣལ་འབྱོར་པ་དེའི་རྣམ་པར་སྨིན་པ་ནི་ཇི་ལྟ་བུ་ཞིག་བདག་ཅག་རྣམས་ཀྱིས་ཇི་ལྟར་འཚལ་བར་བགྱི། གསང་བ་མཆོག་གི་བདག་པོས་བཀའ་སྩལ་པ། བླ་མ་དེའི་རྗེས
349a5 སུ་འབྲེང་ཞིང་གསང་བ་འདི་ལ་མོས་ཤིང་འཛིན་པ་དང་། རྣ་བའི་དབང་པོས་ཉན་ཅིང་གཞུང་བཞིན་དུ་སྒྲུབ་པའི་གང་ཟག་རྣལ་འབྱོར་པ་དེ་ནི་གང་ཟག་འབའ་ཞིག་མ་ལགས་ཏེ། ས་ལ་བསྙེན་པ་དང་། ས་ཐོབ་པའི་རྣལ་འབྱོར་པ་སྟེ། རིགས་ཀྱི་བུ་ཁྱེད
349a6 རྣམས་ཀྱིས་ཀྱང་སྤུན་དང་གྲོགས་པོ་ལྟ་བུར་ཤེས་པར་བྱའོ། །གང་ཕྱོགས་བཅུ་དུས་བཞིའི་སངས་རྒྱས་ཇི་སྙེད་པ་རྣམས་ཀྱང་རྣལ་འབྱོར་པ་དེ་ལ་ཉེ་བའི་སྲས་དམ་པར་དགོངས་ཤིང་བྱིན་གྱིས་རློབ་པར་འགྱུར་རོ། །དེ་ཅིའི་ཕྱིར་ཞེ་ན། གང་ཟག་གསང་བ་འདི
349a7 ནི་ཐོས་ཤིང་མོས་པའི་སྐལ་བ་དང་ལྡན་པ་ཡང་བསྐལ་པ་གྲངས་མེད་པའི་ཕ་མཐའ་ནས་ཚོགས་བསགས་ཤིང་སྦྱངས་པའི་མཐུས་དེས་ལྟར་འགྱུར་བར་རིག་པར་བྱའོ། །དེ་བས་ན་སྨྲ་བའི་སེང་གེ་ཁྱོད་ཉིད་ལ་སོགས་པའི་རྡོ་རྗེ་འཛིན་པ་རྣམས་དང་ཐ་མི་དད
iiif viewer powered by OpenSeadragon
