| e-texts navigator |
| Wylie |
348a1 སུ་གྲུབ་པ་ཞེས་སུ་བརྗོད། །ལོག་པའི་བསམ་པས་མཐོང་བརྟགས་པ། །ཀུན་དུ་བརྟགས་ཏེ་ཡོད་པ་མིན། །བདེན་གཉིས་རྒྱུ་དང་འབྲས་བུའི་ཚུལ། །འབྲེལ་བ་གཞན་དབང་ཡིན་པར་གསུངས། །བདེན་གཉིས་རྒྱུ་འབྲས་དབྱེར་མེད
348a2 པར། །ཡོངས་སུ་གྲུབ་པར་བདེར་གཤེགས་གསུང་། །ཀུན་བརྟགས་ལོག་པར་ཤེས་པ་ནི། །ཤེས་པའི་མཚན་ཉིད་ཅེས་སུ་བྱ། །གཞན་དབང་ཚུལ་དུ་གོམས་བྱ་བ། །འཇུག་པའི་མཚན་ཉིད་ཅེས་སུ་བྱ། །ཡོངས་སུ་གྲུབ་ལ་གནས་བཅས་ན། །དེ
348a3 ཉིད་འབྲས་བུའི་མཚན་ཉིད་ཡིན། །དེ་བཞིན་ཉིད་དང་ཀུན་དུ་སྣང་། །རྒྱུ་ཡི་ཏིང་འཛིན་རབ་བསྒོམས་པས། །རྫོགས་པའི་བྱང་ཆུབ་ཐོབ་པ་སྟེ། །ཡོངས་སུ་གྲུབ་པའི་བློ་གསལ་ན། །དེ་བཞིན་ཉིད་དུ་རྣམ་པར་གྲགས། །ཀུན་སྣང་སྙིང་རྗེའི་ངོ་བོ་དང་། །ཡིག
348a4 འབྲུ་ཁ་དོག་གསལ་བ་ཡི། །རྒྱུ་ཡི་ཏིང་འཛིན་གསལ་བ་ནི། །བསྐྱེད་པ་གཞན་གྱི་དབང་ཡིན་ཏེ། །དེ་ཉིད་ལོག་རྟོག་ཀུན་བརྟགས་པའོ། །དེས་ན་རྣལ་འབྱོར་སྐྱེས་བུ་ཡིས། །མཚན་མེད་ངང་ལ་གནས་བཅས་ནས། །མཚན་མའི་རྣལ་འབྱོར་བསྒོམ་པར་བྱའོ། །
348a5 མཚན་མ་མེད་དང་མཚན་མ་ཡང་། །ཐ་དད་མེད་པར་ཤེས་པར་བྱ། །དེ་ལྟར་རིག་པའི་རྣལ་འབྱོར་པ། །དེ་ཉིད་ང་ཡིན་ས་ཐོབ་ཡིན། །སངས་རྒྱས་ཞེས་ཀྱང་དེ་ལ་བྱ། །སངས་རྒྱས་རྣམས་ཀྱང་མཆོད་པ་བྱེད། །བྱང་ཆུབ་སེམས་དཔའ་སྨོས་ཅི་དགོས། །འཇིག
348a6 རྟེན་ལྷ་ཀླུ་མཐུ་ཆེན་ཡང་། །དེ་ལ་མཆོད་ཅིང་བཀུར་སྟི་བྱེད། །ཕྱི་བཞིན་འབྲེང་ཞིང་དགོས་པ་སྐོང་། །ཞེས་གསུངས་པས། འདུས་པའི་འཁོར་ཚོགས་རྣམས་ཀྱིས་རང་རང་གི་ལུས་ས་ལ་བརྡབས་ནས་ཨ་ལ་ལ་ཞེས་བྱ་བའི་སྒྲ་ཕྱུང་སྟེ་ཤིན་ཏུ་ངོ་མཚར་ཏོ། །དེ་ནས
348a7 སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཐེ་ཚོམ་ཐམས་ཅད་གཅོད་པའི་བདག་པོ་མཆོག་རྒྱུད་ཀྱི་རྒྱལ་པོ་ཆེན་པོ་འདི་ཉིད་ཡེ་ཤེས་རྔམ་པ་གློག་གི་འཁོར་ལོའི་མདོ་ཆེན་པོ་ཞེས་བྱ་བ་རྒྱུད་ཀྱི་འགྲེལ་པ། རྟགས་ཀྱི
iiif viewer powered by OpenSeadragon
