| e-texts navigator |
| Wylie |
347a1 བ་ཞེས་པ་རྣམ་པ་བཞི། །རང་བཞིན་དོན་གྱི་གསང་བ་དང་། །གབ་པ་སྦས་པའི་གསང་བ་དང་། །བསྟན་མེད་རྫས་ཀྱི་གསང་བ་དང་། །སྣོད་མེད་བཀའ་ཡི་གསང་བ་དང་། །ཆོས་ཉིད་རང་བཞིན་གསང་བ་དང་། །ཐུགས་ཀྱི
347a2 ཀློང་ནས་བསྐུངས་པ་དང་། །དམན་ལ་མི་བསྟན་རྫས་རྣམས་དང་། །གསང་སྔགས་ཐེག་ཆེན་ཟབ་མོའི་དོན། །རབ་ཏུ་ཤེས་པ་དཀའ་བའི་ཕྱིར། །བསྟན་པར་ཡང་ནི་མི་བྱ་བས། །གསང་བ་ཞེས་སུ་རྒྱལ་བས་གསུངས། །དེ་ཉིད་སྦས་པས་སྦས
347a3 པའི་དོན། །སྦས་པ་རྣམ་པ་གསུམ་ཡིན་ཏེ། །ཕྱི་ཡི་སྦས་པ་གསང་བ་དང་། །དེ་བཞིན་ནང་གི་སྦས་པ་དང་། །གཉིས་ཀར་མ་ངེས་སྦས་པ་སྟེ། །རྨད་འབྱུང་སྔགས་ཀྱི་སྤྱོད་པ་སྟེ། །ཕྱི་རོལ་སྡེ་པས་མཐོང་ཐོས་ན། །དེ་ལ་བཟོད་པ་ཐོབ
347a4 མིན་པས། །དེ་ནི་སྦས་པ་ཕྱི་ཞེས་བྱ། །ལྷུན་གྲུབ་བདེ་ཆེན་ཟབ་མོ་དེ། །མིང་གི་རྣལ་འབྱོར་ཕལ་དག་གིས། །རྟོགས་ཤིང་ཁོང་དུ་ཆུད་པར་དཀའ། །དེ་ནི་ནང་གི་སྦས་པ་ཡིན། །ཕྱི་ནང་གཉིས་སུ་ཐ་དད་མིན། །བདེན་པ་གཉིས་སུ་དབྱེར
347a5 མེད་པ། །རྒྱལ་བ་སངས་རྒྱས་སྤྱོད་ཡུལ་དེ། །མ་ངེས་སྦས་པར་རྒྱལ་བས་གསུངས། །སྦས་པའི་དོན་རྣམས་གསལ་འབྱིན་པ། །བླ་མ་རྡོ་རྗེའི་ཐུགས་ལ་གནས། །དེས་ན་སྦས་ཞེས་ངེས་པར་གསུངས། །ཐབས་དང་ཤེས་རབ་ཞེས་བྱ
347a6 བ། །གཉིས་སུ་མེད་པའི་བྱང་ཆུབ་སེམས། །དེ་ཉིད་ཐིག་ལེ་རྣམ་གསུམ་སྟེ། །ཐབས་མཆོག་ཡབ་ཀྱི་མཁའ་ཉིད་དང་། །ཤེས་རབ་ཡུམ་གྱི་ཀློང་ཉིད་དང་། །གཉིས་མེད་བདེ་ཆེན་ངང་ཉིད་དུ། །ཆོས་ཀུན་འདུས་ཤིང་གཅིག་པ་དང་། །
347a7 སྤྲོས་མེད་ཐིག་ལེར་གནས་པའི་ཕྱིར། །ཐིག་ལེ་ཞེས་སུ་རྒྱལ་བས་གསུངས། །མཉམ་པ་ཉིད་ཀྱང་རྣམ་གསུམ་སྟེ། །དོན་དམ་དབྱིངས་སུ་མཉམ་པ་དང་། །ཀུན་རྫོབ་སྒྱུ་མར་མཉམ་པ་དང་། །དབྱེར་མེད་གཅིག་པར་མཉམ་པ་སྟེ། །མ་སྐྱེས
iiif viewer powered by OpenSeadragon
