| e-texts navigator |
| Wylie |
346b1 བཤད། །མེ་ཏོག་ཞེས་བྱ་ཁྲག་ཡིན་ནོ། །བདུག་པ་ཞེས་པ་མདངས་ཀྱི་བརྡ། །མར་མེ་ཞེས་པ་ཤ་ཆེན་ལའོ། །དཔའ་བོ་ཞེས་པ་ཆང་དུ་བཤད། །སྤོས་ཞེས་ཐལ་ཆེན་དག་ལའོ། །འདོད་ཆགས་སྲ་བ་ཚྭ་ཡིན་ཏེ། །ཁུ་བ་གཡོན་ཅན་སྐྱུར་པོ་ཡིན། །བྲན་མོ
346b2 ཚོད་མའི་བརྡ་ཡིན་ནོ། །ཆུར་བ་ཞོ་ལ་ཟླ་རྒྱས་ཏེ། །སྨན་གྱི་མཆོག་ནི་ཤ་ཡི་བརྡ། །ཟན་ནི་ཚེ་ཞེས་བྱ་བའི་བརྡ། །རྨ་མི་ཞེས་བྱ་བའི་བརྡ། །རྒུན་འབྲུམ་ཞེས་པ་རྟ་ཡི་བརྡ། །གླང་པོ་པ་ན་སེ་ཞེས་བྱ། །ན་ལི་ཀི་རི་ཁྱི་ཡི་བརྡ། ། རུ་ག་ནི་བ་ལང་ངོ་། །ཏི
346b3 ཞེས་མཁའ་འགྲོའི་བརྡར་བསྟན་ཏོ། ། རལ་ཞེས་པ་མཁའ་འགྲོ་མ། །དར་དིར་སིལ་སྙན་སྒྲ་རུ་བཤད། །ཛ་ཞེས་བྱ་བ་འདྲེན་པའི་བརྡ། །ཧཱུ~ཾ་ནི་སྡུད་པའི་བརྡ་ཡིན་ནོ། །བ~ཾ་ནི་སྡོམ་པ་ཡིན་པར་བཤད། །ཧོ་ནི་ཞུགས་ནས་དབང་དུ་འགྱུར། །ེ་ཧི་ཞེས་པ་ཚུར
346b4 སྤྱོན་བརྡ། །ཡ་ཧི་ཕར་བཞུད་ཞེས་པའོ། །ཏི་སྟ་ཧ་ནི་དྲངས་ཤིག་པའོ། །ཁ་ཁ་ཁཱ་ཧི་ཟོ་ཤིག་པའོ། ། པའི་ཞེས་པ་ཡང་ནས་ཡང་། །ད་ར་ད་ར་བྱིན་ཅིག་པའོ། །རུ་ཏ་མ་ཏ་རོལ་ཞེས་པའོ། །ཧུ་ལུ་ཧུ་ལུ་ཞུགས་ཤིག་པའོ། ། ར་ར་ར་བསྐུལ་ཅིག་པའོ། །
346b5 དེ་ལ་སོགས་ཏེ་བསམ་ཡས་མཆོག་།ཞེས་གསུངས་སོ། །དེ་ནས་ཡང་སྨྲ་བའི་སེང་གེའི་བྱེད་པ་པོ་རྡོ་རྗེ་ཀུན་དུ་བཟང་པོས་གསོལ་པ། ཨེ་མའོ་གསང་ཆེན་བདེ་བ་ཆེ། །མི་འགྱུར་ནམ་མཁའ་དངོས་པོ་མེད། །ལྷུན་གྲུབ་བདེ་ཆེན་རྣམ་པར་དག་།དག་མཆོག
346b6 ལྷ་ལ་ཕྱག་འཚལ་བསྟོད། །གསང་བ་ཞེས་བགྱི་རྣམ་པ་དུ། །སྦས་པ་ཞེས་བགྱི་རྣམ་པ་དུ། །ཐིག་ལེ་ཞེས་བགྱི་ཇི་ལྟར་གནས། །མཉམ་ཉིད་ཞེས་པ་རྣམ་པ་དུ། །དག་པ་ཞེས་པ་རྣམ་པ་དུ། །རྟོགས་པ་རྣམ་པ་དུ་རུ་བཞེད། །མཚན་ཉིད་གསུམ
346b7 ཞེས་ཇི་ལྟ་བུ། །ཏིང་འཛིན་གསུམ་པོ་ཇི་ལྟར་ལགས། །བདག་ཅག་རྣམས་ལ་སྨན་སླད་དུ། །བདེ་བར་གཤེགས་པས་བཤད་དུ་གསོལ། །ཞེས་གསོལ་བ་བཏབ་པས། གསང་བ་མཆོག་གི་བདག་པོས་ཐུགས་སུ་ཆུད་དེ་བཀའ་སྩལ་པ། གསང
iiif viewer powered by OpenSeadragon
