| e-texts navigator |
| Wylie |
346a1 གཉིས་མྱུག་པའི་བརྡ་དག་ཀྱང་། །གཡས་པ་ཆོས་ལ་སྦྱོར་བའི་བརྡ། །གཡོན་པ་འདོད་ཆགས་རྩོམ་པའི་བརྡ། །པུས་མོའི་ལྷ་ངའི་བརྡ་དག་ཀྱང་། །གཡོན་པ་རབ་ཏུ་འདུད་པ་ཡིན། །ཡང་ན་བཅིང་བ་ཡིན་པར་བཤད། །གཡས་པས་རབ
346a2 ཏུ་དགྲོལ་བ་ཡིན། །རྐང་པས་གནོན་པའི་བརྡ་དག་ཀྱང་། །གཡོན་པས་ཐམས་ཅད་གནོན་པར་བྱེད། །གཡས་པས་འཇོམས་པར་བྱེད་པ་ཡིན། །མཛུབ་མོ་བསྒྲེང་བའི་བརྡ་ཚུལ་གྱིས། །ཁྲོ་བོའི་བརྡ་རུ་བཤད་པ་ཡིན། །དབང་པོ་གྱེན་དུ་བསྒྲེང་བ་ནི། །དེ་ཚེ
346a3 མཛའ་བར་འདོད་པའི་བརྡ། །ཆུང་ངུའི་རྩེ་མོ་བསྒྲེང་བ་ནི། །དེ་ཚེ་སྦྱོར་བར་འདོད་པའི་བརྡ། །སྦོན་པོ་མངོན་པར་སྟོན་པ་ན། །བཀྲེས་ཞེས་བྱ་བའི་བརྡ་ཡིན་ནོ། །གང་ཚེ་ཤིན་ཏུ་མཐོར་སྟོན་ན། །མངོན་པའི་ང་རྒྱལ་བསྐྱེད་པའི་བརྡ། །ཁྲོ་མོ་ལྕགས་ཀྱུར་དྲངས
346a4 བྱས་ན། །དེ་ཚེ་ཚུར་ཤོག་བརྡ་ཡིན་ནོ། །དེ་ཉིད་ཟློག་པ་ཁྱེད་ཅིག་པའོ། །ལག་གཉིས་གར་ཐབས་བསྐོར་ནས་ཀྱང་། །སེ་གོལ་དྲག་རྡོབས་འདྲེན་པའི་བརྡ། །བསྐོར་ནས་སྦྱར་བ་ཕྱག་རྒྱའི་བརྡ། །བསྐོར་ནས་ཐལ་མོ་སྤྱི་བོར་གཞག་།འདི་ནི་མཆོད
346a5 པའི་བརྡ་ཡིན་ནོ། །བསྐོར་ནས་སྙིང་གར་གཞག་པ་ནི། །བསམ་གཏན་རྩེ་གཅིག་བརྡ་ཡིན་ནོ། །བསྐོར་ནས་གཉིས་ཀྱིས་སྟོན་པ་ནི། །མཆོད་པ་སྟོབས་པའི་བརྡ་ཡིན་ནོ། །དབང་མོ་ལྕེ་ལ་རེག་པ་ནི། །ཚོགས་མཆོད་དུས་ལ་བབ་པའི་བརྡའོ། །གར
346a6 ཐབས་བསྐོར་ནས་དབང་མོར་འཐོར། །དེ་ནས་ལྕེ་ལ་རེག་པ་ནི། །འཛའ་གད་བྲིམ་པའི་བརྡ་ཡིན་ནོ། །དེ་ལ་སོགས་ཏེ་བསམ་མི་ཁྱབ། །ངག་བརྡ་དམ་ཚིག་ཕྱག་རྒྱ་ཡང་། ། ཏི་བུ་ཞེས་བྱ་བ་ནི། །ཕྱག་འཚལ་ཞེས་པའི་བརྡ་ཡིན་ནོ། །པྲ་ཏི་པུ་ཞེས་བྱ
346a7 བ་ནི། །ཕྱག་ལན་འཚལ་བའི་བརྡ་ཡིན་ནོ། །རི་མོ་ཞེས་བྱ་གཟུགས་ཀྱི་བརྡ། །གླུ་ནི་སྒྲ་ཡི་བརྡ་རུ་བཤད། །ཚིམ་བྱེད་དྲི་ཡི་བརྡ་ཡིན་ནོ། །ར་ས་ཨ་ན་རོ་ཡི་བརྡ། །བདེ་བ་ཞེས་བྱ་རེག་པ་ཡིན། །དགའ་བ་ཞེས་པ་རབ་ཏུ་རིག་།སྦྱོར་བ་ཞེས་པ་ཆོས་སུ
iiif viewer powered by OpenSeadragon
