| e-texts navigator |
| Wylie |
345b1 ཕྱག་རྒྱ་ནི། །ལག་པ་གཡས་པས་བྱ་བ་ཀུན། །རྣལ་འབྱོར་པ་ཡིས་བྱ་བའི་བརྡ། །གཡོན་པས་བྱ་བ་མ་ཡིས་བརྡ། །སྤྱི་བོར་ཉུག་པའི་ལག་བརྡ་ནི། །ཕྱག་འཚལ་བ་ཡི་བརྡ་ཡི་རྒྱ། །དཔྲལ་བར་རེག་པ་ཕྱག་ལན་ཡིན། །ལག་པ་གཡས་པ་བརྐྱང་བྱས
345b2 ཏེ། །མགོ་བོ་བཏུད་པར་བྱས་པ་ནི། །ཁམས་བདེ་འམ་ཞེས་འདྲི་བའི་བརྡ། །ལག་པ་གཡོན་པ་བརྐྱང་ནས་ནི། །གཡོན་དུ་འདུད་པ་བདེ་བའི་ལན། །མིག་གཉིས་དག་ལ་རེག་པ་ན། །གཟུགས་མཛེས་སྟོན་ཅིག་ཅེས་པའི་བརྡ། །གཡས་པ་སྐྱེས
345b3 པ་མཛེས་པ་ཡིན། །གཡོན་པ་བུད་མེད་བཟང་མོར་བཤད། །རྣ་བ་དག་ལ་རེག་པའི་བརྡ། །གཡོན་པ་ལེགས་པའི་གླུ་སྙན་བརྡ། །གཡས་པ་ཚིག་སྙན་སྨྲ་བའི་བརྡ། །སྣ་ཕུག་གཉིས་ལ་རེག་པ་ནི། །གཡས་པ་བདུག་པ་འདོད་པ་སྟེ། །གཡོན་པ
345b4 དྲི་དག་སློང་བའི་བརྡ། །ལྕེས་ནི་ལྡག་པར་བྱེད་པའི་བརྡ། །གཡས་སུ་ལྡག་པ་ཤ་འདོད་པའོ། །གཡོན་དུ་ཆང་འདོད་བརྡ་རུ་བཤད། །མཆེ་བས་མ་མཆུ་མནན་པ་ནི། །གཡོན་པ་བུད་མེད་རེག་བྱ་འདོད། །གཡས་པ་སྐྱེས་པ་དེ་བཞིན་ནོ། །ལྐོག་མར་རེག
345b5 པ་གསང་བ་ཡི། །ཐེག་མཆོག་གསང་བ་སྨྲ་བའི་བརྡ། །སྐེ་ལ་རེག་པར་བྱེད་པ་ནི། །བདག་ཉིད་དབྱངས་སྙན་ལེན་པའི་བརྡ། །སྙིང་གའི་དཀྱིལ་དུ་རེག་པ་ནི། །དོན་རྟོགས་པ་ཡི་བརྡ་རུ་བཤད། །རིག་ནས་ཕྱིར་ལ་འགྱེད་པ་ནི། །སྤྱོས་པའི་བརྡ་རུ་ཤེས་པར་བྱ། །
345b6 སླར་ཡང་སྙིང་གར་གཏུགས་པ་ནི། །སླར་ཡང་བསྡུ་བའི་བརྡ་ཡིན་ནོ། །ལྟེ་བའི་དཀྱིལ་དུ་རེག་པ་ནི། །དབུ་མའི་ནན་ཏན་སྤྱོད་པ་ཡིན། །དབང་པོ་རབ་ཏུ་གསལ་བྱས་ན། །ཏིང་འཛིན་སྒྲིམ་ཞེས་བྱ་བ་ཡིན། །ཕྲག་པ་གཉིས་ནི་སྟོན་པའི་བརྡ། །གཡས་པ་འགུགས
345b7 པའི་བརྡ་ཡིན་ནོ། །གཡོན་པ་སླར་གཏོད་པ་ཡི་བརྡ། །དཔུང་པ་གཉིས་ལ་ཉུག་པའི་བརྡ། །གཡས་པ་དྲེགས་པ་འདུལ་བའི་བརྡ། །གཡོན་པ་ལོངས་སྤྱོད་གྲུབ་པའི་བརྡ། །ཁུ་ཚུར་གཡས་བཅངས་དབང་དུ་སྡུད། །གཡོན་པ་བཅངས་ན་ཐོང་ཤིག་པའོ། །བརླ
iiif viewer powered by OpenSeadragon
