| e-texts navigator |
| Wylie |
345a1 སྔ་ལྟས་དང་། །ངོ་མཚར་ཆེ་བའི་རྫས་རྙེད་དང་། །མཚན་མ་པྲ་ཡི་རྨི་ལྟས་འབྱུང་། །བློ་རྩལ་ཆེ་བའི་ཁྱད་པར་དུ། །ཡང་དག་བདེན་པའི་དོན་རྣམས་ལ། །མི་སྐྲག་དགའ་མགུ་སྐྱེ་བར་འགྱུར། །འཁོར་བའི་ཆོས་ལ་སྐྱོ་སེམས་འབྱུང་། །
345a2 རྣམ་གྲངས་ཆོས་ལ་དད་མི་འགྱུར། །ཇི་ལྟར་སྣང་བའི་མཚན་མ་ཀུན། །སྒྱུ་མ་བཞིན་དུ་ཤེས་པར་འགྱུར། །འཇིག་རྟེན་པ་ཡི་མཐུ་ཆེན་ལ། །འཇིགས་ཤིང་ཉམ་ང་མེད་པར་འགྱུར། །དེ་ལ་སོགས་ཏེ་མཐའ་ཡས་མཆོག་།སྣང་བ་ལུས་ཀྱི་སྔ་ལྟས་ཀྱང་། །
345a3 ལུས་ཀྱིས་བཟོད་པ་ཐོབ་པ་དང་། །འདུ་བའི་ནད་དང་བྲལ་བ་དང་། །ཁམ་ཀྱི་ཟས་དང་བྲལ་བ་དང་། །དབང་པོའི་གཟི་མདངས་གསལ་བ་དང་། །བར་སྣང་དག་ལ་ལྡིང་བ་དང་། །ཤིང་བལ་ལྟ་བུར་ཡང་བ་དང་། །ཆུ་ལ་མི་འབྱིང་མེས་མི་འཚིག་།རླུང་གིས
345a4 ཁྱེར་བར་ནུས་མི་འགྱུར། །དེ་ལ་སོགས་ཏེ་མཐའ་ཡས་མཆོག་།ངག་གིས་ཇི་སྙེད་བརྗོད་པ་བཞིན། །འགྱུར་བ་ཡིན་པར་ཤེས་པར་བྱ། །རྫས་ཀྱི་དམ་པ་ཡོན་ཏན་ལྡན། །རྙེད་ཅིང་ཐོབ་པ་དག་ཏུ་འགྱུར། །ཉམས་དང་རྨི་ལམ་དག་ཏུ་ཡང་། །དབང
345a5 མཆོག་ཇི་ལྟར་བསྐུར་བ་བཞིན། །དེ་དག་ནུས་པའི་རྣམ་པ་འབྱུང་། །དེ་དག་དབང་བསྐུར་ཐོབ་པའི་རྟགས། །ཞེས་གསུངས་སོ། །དེ་ནས་ཡང་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་འདི་སྐད་ཅེས་གསོལ་བ་བཏབ་བོ། །ཡེ་ཤེས་རྣལ་འབྱོར
345a6 ཅན་རྣམས་ཀྱིས། །གསང་བ་སྦས་པའི་ཐབས་ཚུལ་དུ། །སྦས་པས་གྲུབ་པའང་མྱུར་བ་དང་། །གསང་བའི་དམ་ལ་གནས་བྱ་དང་། །བརྡ་ལ་དགའ་བའི་མི་རྣམས་ཀུན། །ཉེ་ཞིང་གདུང་བར་བྱ་བའི་ཕྱིར། །ལུས་དང་ངག་གི་བརྡ་རྣམས་ཀུན། །གསང་བའི
345a7 བདག་པོས་བཤད་དུ་གསོལ། །ཞེས་གསོལ་བ་བཏབ་པ་དང་། གསང་བའི་བདག་པོས་བཀའ་སྩལ་པ། །གསང་བ་སྦས་པའི་ཐབས་ཚུལ་དུ། །བརྡ་ཡི་དམ་ཚིག་བཤད་པར་བྱ། །འདུས་པའི་འཁོར་རྣམས་ལེགས་པར་ཉོན། །ལུས་བརྡ་དམ་ཚིག
iiif viewer powered by OpenSeadragon
