| e-texts navigator |
| Wylie |
344b1 རྒྱའི་དབང་། །གཉིས་པ་རྟགས་ཀྱི་མཚན་མའི་དབང་། །གསུམ་པ་ཤེས་རབ་གཟུགས་ཀྱིས་ཏེ། །བཞི་པ་བཀྲ་ཤིས་བུམ་པའི་དབང་། །ལྔ་པ་བཀྲ་ཤིས་རྫས་ཀྱི་དབང་། །དྲུག་པ་རིན་ཆེན་སྣ་བདུན་དབང་། །བདུན་པ་གདན་མཆོག་དམ་པའི
344b2 དབང་། །བརྒྱད་པ་མཛེས་པ་རྒྱན་གྱི་དབང་། །དགུ་པ་གསང་བ་མིང་གི་དབང་། །བཅུ་པ་རྒྱལ་རྟགས་འཁོར་ལོ་སྟེ། །ཕྱི་དབང་བཅུ་པོ་རྫོགས་པ་དང་། །རྡོ་རྗེ་ནང་དུ་གཞུག་པར་བྱ། །དང་པོ་གསང་བ་ཉན་ཅིང་སློབ་པའི་དབང་། །གཉིས་པ་གླེགས
344b3 བམ་ཟབ་མོ་གཏད་པར་བྱ། །གསུམ་པ་རྣམ་བཞི་ལས་ཀྱི་རྫས་ཀྱང་སྦྱིན། །བཞི་པ་རྒྱལ་ཚབ་དམ་པའི་མཛོད་གསུམ་སྦྱིན། །ལྔ་པ་སློབ་དཔོན་བཞི་ཡི་ཐེག་ཆེན་རྟགས། །དྲུག་པ་ཉི་ཟླ་པདྨ་སེམས་ཅན་གདན། །བདུན་པ་རྒྱལ་པོ་གསང་བའི་རིན་ཆེན
344b4 བདུན། །བརྒྱད་པ་གཟུགས་བརྙན་སྤྱི་བོར་གཞག་།དགུ་པ་སྐུ་གསུམ་ཡེ་ཤེས་སྦྱིན། །བཅུ་པ་བཀྲ་ཤིས་དམ་རྫས་དབང་། །དེ་ནས་ལག་ཏུ་རྡོ་རྗེ་སྦྱིན། །བཅུ་དང་གཅིག་གིས་ནང་བཅུག་ནས། །སྒྲུབ་པའི་དབང་མཆོག་སྦྱིན་པར་བྱ། །དང་པོར་སེམས
344b5 ཀྱི་གཏན་ཚིགས་སྦྱིན། །གཉིས་པ་སྙིང་རྗེའི་དབང་བསྐུར་སྦྱིན། །གསུམ་པ་ཡི་གེ་འཁོར་ལོ་སྦྱིན། །བཞི་པ་ཐོང་གཤོལ་འབར་བ་སྦྱིན། །བྷན་དྷ་གང་བ་སྦྱིན་དང་ལྔ། །དྲུག་པ་མཚོན་ཆ་སྣ་ཚོགས་ཏེ། །བདུན་པ་སྐྱོན་མེད་པདྨ་སྦྱིན། །བརྒྱད་པ
344b6 སྟི་རའི་དབྱུག་པ་སྦྱིན། །དགུ་པ་སྦྲུལ་ནག་ཆུན་པོ་སྦྱིན། །བཅུ་པ་དྲི་མེད་ལྷ་མོ་སྦྱིན། །གཅིག་པ་འདོད་པའི་ལོངས་སྤྱོད་ཀུན། །གཉིས་པ་སྒྲུབ་རྫས་རབ་ཏུ་སྦྱིན། །གསུམ་པ་རྡོ་རྗེ་གསང་མི་སྦྱིན། །བཅུ་དང་གསུམ་པ་རྫོགས་པ་དང་། །གསང་བ་དམ་པ་སྦྱིན
344b7 པ་ཡང་། །དཀར་དམར་འདྲེས་པའི་བྱང་ཆུབ་སེམས། །བུ་མཆོག་དེ་ཡི་ལྕེ་ལ་གཞག་།སྙིང་པོ་དོན་དམ་བྱང་ཆུབ་སེམས། །དེ་ཡི་བློ་ལ་གཞག་པར་བྱ། །དབང་མཆོག་ཐོབ་པའི་ལྟས་རྣམས་ཀྱང་། །བློ་རྩལ་ཆེ་བའི་བདག་ཉིད་དང་། །སྣང་བ་ལུས་ཀྱི
iiif viewer powered by OpenSeadragon
