| e-texts navigator |
| Wylie |
342a1 དེ། །ཚོན་སྐུད་སྣ་ལྔས་མགོ་ལུས་དཀྲི། །རྡོ་རྗེ་སྒྲོག་གིས་བཅིངས་བསམས་ནས། །ཐོད་པ་མ་ཉམས་ནང་དུ་གཞུག་།ལམ་གྱི་བཞི་མདོའམ་དུར་ཁྲོད་དུ། །སྦས་ན་ངེས་པར་བཅིངས་པར་འགྱུར། །གཞན་ཡང་གསད་པའི་བརྟུལ་ཞུགས་ནི། །
342a2 ཁྲག་དང་དྲི་ཆུ་བཤང་གཅི་ཡིས། །གཤེར་བར་བྱས་བའི་གོས་གྱོན་ཏེ། །ཁྲོ་བོའི་རྒྱལ་པོར་སྦྱར་བྱས་ནས། །རྐང་པས་གཟུགས་བརྙན་མནན་ནས་ནི། །ཁྲོས་པས་གསང་སྔགས་བརྒྱ་རྩ་བརྒྱད། །རྫོགས་པར་བཟླས་ན་ངེས་པར་འཆི། །ཐལ་བའི་སྐྱོ་མ་སྤངས
342a3 པའམ། །སྐྲ་བཤིག་གཅེར་བུར་ཕུད་པའང་རུང་། །དེ་ལྟ་བུ་ཡི་སྦྱོར་བ་ཡིས། །སངས་རྒྱས་དག་ཀྱང་འཆི་འགྱུར་ན། །ཁམས་གསུམ་སྐྱེ་བོ་སྨོས་ཅི་དགོས། །ཞེས་གསུངས་པས་འདུས་པའི་འཁོར་ཚོགས་ཐམས་ཅད་འཇིགས་སྐྲག་སྟེ། རང་རང་གི་སྟན་ལས
342a4 ལངས་ནས་ལུས་ས་ལ་བརྡབས་པའི་ཕྱག་རྣལ་འབྱོར་གྱི་ལུགས་སུ་བྱས་ཏེ། ཆོ་འཕྲུལ་རྣམ་པ་དུ་མ་བསྟན་ནས་ངོ་མཚར་རྨད་དུ་བྱུང་བའི་རྡོ་རྗེའི་ཚིག་གིས་བསྟོད་པ། ཨེ་མའོ་ངོ་མཚར་ཡ་མཚན་གྱི། །ཆོ་འཕྲུལ་ཀུན་གྱི་འབྱུང་གནས་གཙོ། །ངོ་མཚར་ཀུན་གྱི
342a5 བདག་པོ་མཆོག་། རྡོ་རྗེ་རྒྱལ་ལ་ཕྱག་འཚལ་འདུད། །བྱང་ཆུབ་སེམས་དཔའ་དཀྱིལ་འཁོར་དང་། །ཕྱག་རྒྱ་བསྙེན་སྒྲུབ་བསྒྲུབ་པ་དང་། །སྡོམ་དང་གསལ་ཞུགས་ལས་རྣམས་དང་། །ནན་ཏུར་བདག་པོ་ཁྱོད་ལ་འདུད། །ཁྱོད་ནི་སངས་རྒྱས་ཀུན་གྱི་ཡབ། །དེ་བཞིན
342a6 རྒྱལ་སྲས་སྙིང་པོར་འགྱུར། །བདག་ཅག་རྣམས་ཀྱིས་རྟེན་པའི་གནས། །མ་རུངས་འདུལ་གཙོ་ཁྱོད་ལ་འདུད། །ེ་མའོ་སྣང་དང་མི་སྣང་བརྟན་གཡོ་ལ་སོགས་ཆོས་ཀུན་ཉིད་ཀྱི་སྒྱུ་འཕྲུལ་དྲ་བ་འཁྲུལ་ལ་སྣང་། །བསམ་ཡས་བསམ་དཔག་ལས་འདས་ཆོས
342a7 ཀུན་ངོ་མཚར་རྨད་བྱུང་ཆོ་འཕྲུལ་སྣ་ཚོགས་ཀུན་དུ་སྣང་། །རྟོག་མེད་མཉམ་ཉིད་དབྱིངས་ལས་ཇི་སྲིད་འཕྲུལ་ཀྱང་དབྱིངས་ལས་གཡོས་པ་རྡུལ་གྱི་ཆ་ཙམ་མེད། །དོན་དམ་བདེན་པའི་ཆོ་འཕྲུལ་ཀུན་རྫོབ་གསང་སྔགས་ཆེ་བའི་ཁྱད་པར་རྨད་འབྱུང་ཨེ་མའོ་ངོ
iiif viewer powered by OpenSeadragon
