| e-texts navigator |
| Wylie |
341b1 ཟ། །ཡང་ན་ཚ་བས་བཏབ་པར་འགྱུར། །གལ་ཏེ་གནས་ནས་སྤོ་བྱ་ན། །ཏིང་འཛིན་ལྡན་པའི་རྣལ་འབྱོར་པས། །དགུག་པ་དེ་ཉིད་སྦྱར་བྱས་ཏེ། །རྡོ་རྗེ་མིག་གིས་མཐོང་བ་དང་། །རླུང་གི་དཀྱིལ་འཁོར་སྟེང་དག་ཏུ། །རྡོ་རྗེ་རྔ་མོ་རབ་བསམས་ཏེ། །དེ་ཉིད
341b2 རྒྱབ་ཏུ་བསྐྱོན་ནས་ནི། །རྡོ་རྗེ་ཁྲོ་བོ་འབར་བ་ཡིས། །གཤིན་རྗེའི་ཕྱོགས་སུ་ཁྲིད་པ་དང་། །གཞན་གྱིས་བརྡེག་པའི་ཐབས་སུ་སྦྱར། །རལ་གྲིས་རྒྱུ་མ་གཏུབས་པ་དང་། །བྱ་རོག་འུག་པ་བྱ་རྒོད་ཀྱིས། །ཟ་ཞིང་འཐོག་པར་རྣམ་བསམས་ནས། །དེ་ཡི་མིང་ནས
341b3 བསྐུལ་བྱས་ན། །དེས་ནི་མྱུར་དུ་སྐྲོད་པར་འགྱུར། །རྡོ་རྗེ་མི་འཆི་ལས་ཀྱིས་སྦྱར། །ཡང་ན་རྐང་རྗེས་ས་དང་ནི། །ཤིང་ལོ་རླུང་གིས་གཙུབས་པ་ལ། །མཚན་མ་མིང་དུ་བཅས་པར་བྱ། །མིང་ནས་དྲག་ཏུ་བསྐུལ་བྱ་ཞིང་། །རྡོ་རྗེ་འབར་བའི་ཁྲོ་བོ་ཡིས། །གཤིན་རྗེའི
341b4 དྲུང་དུ་ཁྲིད་པ་དང་། །བགེགས་ཀྱི་དྲུང་དུ་མནན་བྱས་ན། །དེས་ཀྱང་བསྐྲད་པའི་ལས་སུ་འགྱུར། །ཡང་ན་དགྲ་ཡི་སྒོ་ག་རུ། །ཐོད་པ་མ་གས་མ་ཆག་པར། །རྡོ་རྗེ་སྔགས་ཀྱི་ཚིག་བྲིས་ཏེ། །རྡོ་རྗེ་མི་འཆི་རྣམ་པར་བསྒོམ། །དགྲ་ཡི་སྒོ་རུ་བཞག་ན་ནི། །བསྐྲད
341b5 པར་འགྱུར་བ་གདོན་མི་ཟ། །གལ་ཏེ་དབྱེ་བའི་ལས་བྱས་ན། །ཁྲོ་བོའི་སྔགས་དང་མིང་སྤེལ་ཏེ། །འུག་པའི་སྒྲོ་ལ་བྲིས་ནས་ནི། །བྲམ་ཟེའམ་དགེ་སྦྱོང་སྐྲས་དཀྲིས་ཏེ། །ལམ་གྱི་བཞི་མདོར་བརྐོས་ཏེ་གཞུག་།དེ་ལ་རྡོ་རྗེ་ཁྲོ་བོ་གཉིས། །འཐབ་ཅིང་རྩོད་པར་རྣམ་བསམས
341b6 ན། །གསད་དེ་དབྱེ་བར་གདོན་མི་ཟ། །གལ་ཏེ་མནན་པའི་ལས་བྱས་ན། །དགུག་པ་དེ་ཉིད་སྦྱར་བྱས་ཏེ། །མངོན་སུམ་ཁུགས་པར་གྱུར་པ་དང་། །དེ་སྟེང་དབང་ཆེན་རིམ་པར་བསྐྱེད། །རི་རབ་སྟེང་དུ་བསྒོམ་པ་ནི། །ལས་ཀྱི་ལྷ་སྟེ་དོན་ཡོད་གྲུབ། །རྡོ་རྗེ་རྒྱ་གྲམ
341b7 བརྗིད་ལྡན་པས། །བསྐལ་པ་ཡུན་དུ་གནོན་པར་བསམ། །གཟུགས་བརྙན་ཐོད་པ་གང་བར་གཞུག་།ལམ་གྱི་བཞི་མདོར་དེ་བཞིན་བྱ། །དེས་ནི་རབ་ཏུ་མནན་པར་འགྱུར། །གལ་ཏེ་བཅིང་བར་འདོད་པ་ན། །དགུག་པ་དེ་ཉིད་སྦྱར་བྱས་ཏེ། །མཚན་མ་མིང་དུ་བཅས་པ
iiif viewer powered by OpenSeadragon
