| e-texts navigator |
| Wylie |
340b1 ཅད་ཞི་བར་འགྱུར་བ་དང་། །ཡིད་བཞིན་ནམ་མཁའ་འགེངས་པ་དང་། །དགུག་ཅིང་ཕྱི་བཞིན་འབྲེང་བ་དང་། །མྱོས་ནས་གས་ཏེ་འཚིག་པ་ནི། །ལས་བཞིའི་འབྲས་བུར་རྒྱལ་བས་གསུངས། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར
340b2 ལོའི་མདོ་ཞེས་བྱ་བ་ལས་ལས་ཀྱི་རིམ་པར་ཕྱེ་བའི་ལེའུ་སྟེ་ལྔ་པའོ། ། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་སྐྱེ་འགྲོ་ཐམས་ཅད་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞུགས་ནས་ཀྱང་བརྣག
340b3 པའི་ནན་ཏུར་འདི་དག་གསུངས་སོ། །རྡོ་རྗེ་སློབ་དཔོན་སྨོད་པ་དང་། །སངས་རྒྱས་བསྟན་པ་འཇིག་པ་དང་། །ལུ་གུ་རྒྱུད་ལས་འགལ་བྱེད་དང་། །རྡོ་རྗེ་སྤུན་ལ་འཁུ་བྱེད་པ། །རྣལ་འབྱོར་སྤྱི་ཡི་དགྲར་གྱུར་དང་། །སྐྱེ་བོ་ཡོངས་ལ་གནོད་པ་དང་། །མ་ཆགས
340b4 པ་ཡི་སེམས་ཅན་ལ། །བརྣག་པའི་ནན་ཏུར་བྱ་བར་གསུངས། །དགུག་དང་གསད་དང་བསྐམ་པ་དང་། །དབྱེ་དང་བསྐྲད་དང་མནན་པ་དང་། །བཅིང་བའི་ལས་དང་བདུན་དག་གིས། །གྲུབ་པར་འགྱུར་ཞེས་རབ་ཏུ་གསུངས། །དགུག་པའི་ལས་དག་བྱ་བ་ཡང་། །
340b5 བདག་ཉིད་རྣལ་འབྱོར་ལྡན་བྱས་ཏེ། །རྐང་རྗེས་ཉིད་ཀྱིས་བླངས་ལ། །མི་རུས་བསྲེགས་པའི་ཐལ་བ་དང་། །དུར་ཁྲོད་རོ་ཡི་རས་དག་དང་། །རྒྱ་མཚོར་འབབ་པའི་ཆུ་བོ་ཡི། །འགྲམ་ཉིད་ནས་ནི་བླངས་པའི་ས། །རླུང་གིས་ཁྱེར་བའི་ཤིང་ལོ་དང་། །གྲོག་མཁར
340b6 ས་རྣམས་བཏགས་ནས་སུ། །ལུང་བོང་གཅིན་གྱིས་སྤྲུ་བར་བྱ། །དེ་ནས་ཡན་ལག་ཚང་བ་ཡི། །གཟུགས་ལ་སྙིང་གར་གྲོ་ག་འམ། །ཤིང་ཤུན་ལེགས་པར་གླན་ནས་ནི། །ར་ཁྱི་ཁྲག་གིས་མིང་བྲིས་ཏེ། །ཧཱུ~ཾ་དང་ཕཊ་ཀྱི་བར་དུ་གཞུག་།དྲག་པོའི་དཀྱིལ
340b7 འཁོར་གྲུ་གསུམ་དུ། །མགོ་ནི་ལྷོ་ནུབ་མཚམས་སུ་བསྟན། །གང་ན་གནས་པ་དེ་ཉིད་ནས། །དེ་ཡི་རྣམ་པར་ཤེས་པ་ནི། །ཐོགས་མེད་རླུང་དང་འདྲ་བ་སྟེ། །ལྕགས་ཀྱུ་ཡིས་ནི་སྙིང་དྲངས་ཏེ། །ཡ~ཾ་ལས་རླུང་གིས་བཏེག་ནས་ནི། །བདག་གི་དྲུང་དུ་ཕྱིན་པ་དང་། །
iiif viewer powered by OpenSeadragon
