| e-texts navigator |
| Wylie |
338a1 དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ཆན་པོས་ཕྲིན་ལས་རྒྱ་མཚོ་ལྷུན་གྱིས་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་ནས་ཡང་འདུས་པའི་འཁོར་རྣམས་ལ་འདི་སྐད་ཅེས་གསུངས་སོ། །འདུས
338a2 པའི་འཁོར་རྣམས་ཉོན་ཅིག་། བཙལ་མེད་ལྷུན་གྲུབ་དཀྱིལ་འཁོར་ལས། །ཕྲིན་ལས་རྒྱ་མཚོ་བསམ་ཡས་ཀྱང་། །རྣལ་འབྱོར་དགོས་པའི་དབང་དག་ཏུ། །ལས་བཞི་དག་ཏུ་རྒྱལ་བས་གསུངས། །དང་པོས་ཞི་བའི་ལྷ་ཡིན་ཏེ། །གཉིས་པ་རྒྱས་པ་ཞེས
338a3 སུ་བྱ། །གསུམ་པ་དབང་དུ་སྡུད་པའི་ལས། །བཞི་པ་དྲག་པོའི་ལས་སུ་གསུངས། །དེ་དག་ལྷ་ཡི་དཀྱིལ་འཁོར་དང་། །གནས་དང་དུས་དང་རྫས་རྣམས་དང་། །དབྱིབས་དང་ཁ་དོག་མཎྜལ་དང་། །ཡུལ་དང་ཏིང་ངེ་འཛིན་དག་དང་། །ཕྱོགས་དང་སྟན་དང
338a4 འདུག་སྟངས་དང་། །ཐོ་བ་ཕུར་པ་གཏོར་མ་དང་། །བཟླས་བརྗོད་ཧོམ་དང་བསྐུལ་ཚིག་དང་། །འཁོར་ལོ་མེ་ལྷའི་མཚན་ཉིད་དང་། །ཡུལ་དང་གྲུབ་པའི་འབྲས་བུ་སྟེ། །བཅུ་གཉིས་དང་ནི་གཉིས་དག་གིས། །བྱ་བ་ཐམས་ཅད་རྫོགས་པར་གསུངས། །ཡ
338a5 ནི་ཞི་བའི་མཚན་ཉིད་དེ། །མ་ཞེས་བྱ་བ་རྒྱས་པ་ཡིན། །དབང་དུ་སྡུད་པ་བ~ཾ་དུ་བཤད། །ེ་ཉིད་དྲག་པོའི་མཚན་ཉིད་དོ། །ལྷ་ཡི་རྣལ་འབྱོར་རིམ་པ་ཡང་། །རྡོ་རྗེ་སེམས་དཔའ་ཞི་དྲག་བྱ། །རྣམ་སྣང་མཛད་དང་རིན་ཆེན་འཛིན། །རྒྱས་པའི་ལས་ནི
338a6 བྱེད་པར་འགྱུར། །སྣང་བ་མཐའ་ཡས་རྒྱས་པ་དང་། །དབང་གི་ལས་ནི་བྱེད་པར་འགྱུར། །གདོན་མི་ཟ་བས་ལས་ཀུན་བྱེད། །ཡང་ན་དྲག་པོ་ཉིད་ལའོ། །ཀུན་དུ་བཟང་པོས་ཅི་ཡང་བྱེད། །སྤྱན་ནི་ཞི་བའི་མཆོག་ཡིན་ཏེ། །བསྲུང་བ་མཱ་མ་ཀཱི་ཡིས་བྱེད། །གོས
338a7 དཀར་ཅན་གྱིས་དབང་དུ་བྱེད། །སྒྲོལ་མ་ལས་རྣམས་ཀུན་ལ་སྦྱར། །ས་ཡི་སྙིང་པོས་རྒྱས་པར་བྱེད། །ནམ་མཁའི་སྙིང་པོས་འཕེལ་བར་བྱེད། །ལག་ན་རྡོ་རྗེས་དྲག་པོ་བྱེད། །སྤྱན་རས་གཟིགས་ཀྱིས་སྙིང་བརྩེ་བར། །ཡིད་ཀྱིས་ཡིད་དུ་འོང་བར་བྱེད། །
iiif viewer powered by OpenSeadragon
