e-texts navigator
Collection
Volume
Page
Wylie

337b1 ཀྱིས། །མི་འབྱེད་རྨོངས་ཚུལ་བསྟན་པར་བྱ། །སྟག་མཆོག་རྔམ་པའི་བརྟུལ་ཞུགས་ཀྱིས། །དཔའ་བརྟུལ་གཏུམ་པའི་ལས་ཆེན་བྱ། །ཁྱུང་ཆེན་མཁའ་ལྡིང་བརྟུལ་ཞུགས་ཀྱིས། །ལྟ་བ་སྤྱི་རྒྱ་རླབས་ཀྱིས་གཅད། །གཏུམ་ཐུང་དོམ་གྱི་བརྟུལ་ཞུགས་ཀྱིས། །
337b2 རེ་བ་མེད་པའི་ལས་ཆེན་བྱ། །རྒྱ་མཚོ་གཏེར་གྱི་བརྟུལ་ཞུགས་ཀྱིས། །ཡིད་ཐུབ་མི་ལྡོག་བརྟན་པར་བྱ། །ལྐུགས་པ་ལུག་གི་བརྟུལ་ཞུགས་ཀྱིས། །གཏི་མུག་བཞིན་དུ་ཤེས་རབ་ལྡན། །རི་བོ་ལྟ་བུའི་བརྟུལ་ཞུགས་ཀྱིས། །མི་འགྱུར་རབ་ཏུ་བརྟན་པར
337b3 བྱ། །ནམ་མཁའ་ལྟ་བུའི་བརྟུལ་ཞུགས་ཀྱིས། །ཡངས་དོག་ཀུན་དང་བྲལ་བར་བྱ། །གནམ་ལྕགས་ལྟ་བུའི་བརྟུལ་ཞུགས་ཀྱིས། །དྲག་ཤུལ་ལས་ལ་སྦྱར་བར་བྱ། །ལག་ན་རྡོ་རྗེའི་བརྟུལ་ཞུགས་ཀྱིས། །མཐུ་སྟོབས་དག་ལ་སྤྱད་པར་བྱ། །ཁ་དོག
337b4 བརྟུལ་ཞུགས་ཆེན་པོ་ཡིས། །ཟོན་བག་ཁུ་འཕྲིག་སྤྱད་པར་བྱ། །གླང་ཆེན་ཆུར་འཇུག་བརྟུལ་ཞུགས་ཀྱིས། །ངེས་པའི་ང་རྒྱལ་སྤྱད་པར་བྱ། །སེང་གེའི་བརྟུལ་ཞུགས་ཀྱིས། །གྲོགས་ངན་ལ་སོགས་སྤང་བར་བྱ། །རེག་འཇམ་བྱ་ཡི་བརྟུལ
337b5 ཞུགས་ཀྱིས། །འགྲོགས་ན་བདེ་ཞིང་ཆགས་པར་བྱ། །སྒྱུ་མ་རྒྱ་ཡི་བརྟུལ་ཞུགས་ཀྱིས། །ཐབས་ལ་མཁས་པའི་ལས་ཆེན་བྱ། །ཅེ་སྤྱང་ཁྲ་ཡི་བརྟུལ་ཞུགས་ཀྱིས། །གཙང་སྨེ་མེད་པར་སྤྱད་པ་དང་། །ཐོགས་མེད་གསོད་ལ་བརྩོན་པར་བྱ། །ང་རྒྱལ
337b6 སྟག་མཆོག་བརྟུལ་ཞུགས་ཀྱིས། །ཆེ་བའི་ང་རྒྱལ་བསྐྱེད་པར་བྱ། །མཁའ་ལྡིང་ལྟ་བུའི་བརྟུལ་ཞུགས་ཀྱིས། །ཀུན་དུ་མཛེས་པའི་སྤྱོད་པ་སྤྱད། །རྒྱལ་པོ་འཁོར་སྐྱོང་བརྟུལ་ཞུགས་ཀྱིས། །ས་ཐུབ་འཁོར་དང་ལྡན་པར་བྱ། །བཅུ་གཉིས་དང་ནི་གསུམ་དག
337b7 གི། །བརྟུལ་ཞུགས་བློ་དང་ལྡན་པར་བྱ། །དེ་ལ་སོགས་ཏེ་བསམ་མི་ཁྱབ། །ཅེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་རྣལ་འབྱོར་གྱི་རིག་པའི་བརྟུལ་ཞུགས་ཀྱི་ལེའུ་སྟེ་བཅུ་བཞི་པའོ།། །།




iiif viewer powered by OpenSeadragon

337a - 338a

Texts on this page

D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo