| e-texts navigator |
| Wylie |
336b1 པའི་དམ་ཚིག་ཉམས་གྱུར་ན། །འདུ་ཤེས་མེད་པའི་ཁྲོས་པས་ལྟུང་། །གྲུབ་པའི་དམ་ཚིག་ཉམས་གྱུར་ན། །བདུད་ཀྱི་ཁམས་སུ་ལྟུང་བར་འགྱུར། །རྟོགས་པའི་དམ་ཚིག་ཉམས་གྱུར་ན། །རུ་ཏྲ་ཆེན་པོའི་གནས་སུ་ལྟུང་། །དེ་ལ་སོགས་ཏེ་བསམ་མི
336b2 ཁྱབ། །ཅེས་གསུངས་སོ། །དེ་ལ་འདི་ནི་ཉམས་པ་བསྐང་བའི་ཚད་དོ། །དམ་ཚིག་ཉམས་པར་གྱུར་པ་ན། །མགོན་བཙུན་མཉམ་པའི་དོན་རྟོགས་ན། །དེ་ཉིད་སྐོངས་པའི་གནས་སུ་འགྱུར། །བླ་མ་སྤུན་ལ་སྨད་གྱུར་ན། །ཚེ་འདི་ཉིད་ལ་མཉེས་བྱས་ཏེ། །མཐོལ
336b3 བཤགས་དྲག་པོས་འགྱོད་བྱས་ན། །དེ་ནི་སྐོངས་པའི་ལས་སུ་འགྱུར། །གལ་ཏེ་བདག་གམ་བླ་མ་སྤུན། །མ་བསྐངས་བར་དུ་ཚེ་འཕོས་ན། །དེ་ནི་བསྐང་བའི་ཚད་ལས་འདས། །གསུང་གི་ཐ་ཚིག་རལ་གྱུར་ན། །རྡོ་རྗེ་ཆོས་སུ་བདག་བསྒོམས་ལ། །ཐ་ཚིག
336b4 གང་བརླག་འབུམ་འབུམ་གདོན། །ཐུགས་ཀྱི་ཐ་ཚིག་རལ་གྱུར་ན། །རྡོ་རྗེ་སེམས་དཔར་བསྒོམས་པ་ལ། །ལོ་གསུམ་བར་དུ་མི་སྨྲ་བར། །བསམ་གཏན་སྦྱོར་བར་རབ་ཏུ་བྱ། །ཡན་ལག་དམ་ཚིག་ཉམས་གྱུར་ན། །སོ་སོའི་རིགས་ཀྱིས་དེ་བཞིན་བསྐོང་། །
336b5 ཞེས་གསུངས་སོ། །དེ་སྐད་ཅེས་གསུངས་པས་འདུས་པའི་འཁོར་ཚོགས་རྣམས་ཀྱིས་གསང་སྔགས་ཀྱི་དམ་ཚིག་ནི། རང་རང་གི་སྙིང་ལ་གནས་པར་མཐོང་ནས། ཨ་ལ་ལ་ཞེས་པའི་སྒྲ་ཕྱུང་ནས་རང་རང་གི་དམ་ཚིག་ལ་དམིགས་སོ། །འཕགས་པ་རྒྱུད་ཀྱི
336b6 རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་དམ་ཚིག་རྣམ་པར་བཀོད་པའི་ལེའུ་སྟེ་བཅུ་གསུམ་པའོ། ། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོས་བརྟུལ་ཞུགས་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ
336b7 སྙོམས་པར་ཞུགས་སོ། །ཞུགས་ནས་ཀྱང་གསང་སྔགས་ཐམས་ཅད་ཀྱི་བརྟུལ་ཞུགས་རྣམ་པར་རོལ་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །གསང་སྔགས་རྒྱ་མཚོ་ཆེན་པོ་ཡི། །བརྟུལ་ཞུགས་ངོ་མཚར་རྨད་བྱུང་བ། །ཆོས་ཀུན་རོལ་པར
iiif viewer powered by OpenSeadragon
