| e-texts navigator |
| Wylie |
335b1 བླང་བར་གསུངས། །སེམས་ཅན་ཐམས་ཅད་གསད་བྱ་བ། །རྡོ་རྗེ་སེམས་དཔའི་དམ་ཚིག་ཡིན། །བུད་མེད་རྣམས་ལ་ཆགས་བྱ་བ། །སྣང་བ་མཐའ་ཡས་དམ་ཚིག་སྟེ། །གཞན་གྱི་ནོར་འཕྲོག་རྣམ་སྣང་གིས། །རིན་ཆེན་འབྱུང་བའི་ཕྲ་མ། །
335b2 ངག་རྩུབ་གདོན་མི་ཟ་འགྲུབ་པའི། །དམ་ཚིག་ཡིན་པར་རྒྱལ་བས་གསུངས། །དེ་བས་སྤྱད་པར་བྱ་བའོ། །གཟུགས་སུ་སྣང་བ་རྣམ་སྣང་མཛད། །ཚོར་བ་རིན་ཆེན་འབྱུང་ལྡན་གཙོ། །འདུ་ཤེས་སྣང་བ་མཐའ་ཡས་ཏེ། །འདུ་བྱེད་གདོན་མི་ཟ་གྲུབ
335b3 པ། །རྣམ་ཤེས་རྡོ་རྗེ་སེམས་དཔའོ། །ས་ནི་རྡོ་རྗེ་ཞེས་སུ་བཤད། །རིན་ཆེན་ཆུ་སྟེ་པདྨ་མེ། །ཐོགས་མེད་རླུང་གི་རང་བཞིན་ཏེ། །ནམ་མཁའི་ཁམས་ནི་རྣམ་སྣང་མཛད། །མིག་གི་དབང་པོ་རྣམ་སྣང་མཛད། །རྣ་བ་རིན་ཆེན་འབྱུང་བའི་ཚུལ། །སྣང
335b4 བ་མཐའ་ཡས་སྣ་ཞེས་གྲགས། །ལྕེ་ནི་གདོན་མི་ཟ་གྲུབ་པ། །ལུས་ནི་མི་བསྐྱོད་པ་རུ་བཤད། །གཟུགས་ནི་རྣམ་པར་སྣང་མཛད་ཚུལ། །སྒྲ་ནི་རིན་ཆེན་འབྱུང་བ་སྟེ། །དྲི་ནི་སྣང་བ་མཐའ་ཡས་སོ། །རོ་ནི་དོན་ཡོད་གྲུབ་པ་ཡིན། །རེག་རྣམས་མི
335b5 བསྐྱོད་པ་རུ་བཤད། །དེ་བཞིན་དཀར་པོ་རྡོ་རྗེའི་རིགས། །སེར་པོ་བདེར་གཤེགས་རིགས་སུ་བཤད། །མཐིང་ག་རིན་ཆེན་དམར་པོ་ཆོས། །ལྗང་གུ་ལས་ཀྱི་རིགས་སུ་བཤད། །དེ་ཕྱིར་ཤེས་པར་བྱ་བ་ཡི། །དམ་ཚིག་ཡིན་པར་དཔའ་བོས
335b6 གསུངས། །བསྒྲུབ་པར་བྱ་བའི་འབྲས་བུ་ཡང་། །རིགས་ལྔ་ཉིད་དུ་གྲུབ་པས་ན། །དེ་གྲུབ་པ་ཡི་དམ་ཚིག་ཡིན། །དམ་ཚིག་འདི་ནི་རྨད་པོ་ཆེ། །ཡན་ལག་དམ་ཚིག་འདའ་བའོ། །ཞེས་གསུངས་སོ། །ཡན་ལག་གི་དམ་ཚིག་མདོ་རྒྱས་པའོ། །དེ
335b7 ལ་འདི་ནི་དབྱེ་བའོ། །རྩ་བ་ཡན་ལག་དམ་ཚིག་རྣམས། །བསྲུང་བ་རྟོག་པ་གཉིས་སུ་དབྱེ། །དེ་དག་དངོས་སུ་བསྲུང་བས་ན། །མི་འདའ་བསྲུང་བའི་སྡོམ་བཅས་ཡིན། །རྣམ་པར་དག་པའི་ངང་ཉིད་དུ། །དེ་དག་རྟོགས་པས་ཁྱད་པར་དུ། །རྟོགས་པའི
iiif viewer powered by OpenSeadragon
