| e-texts navigator |
| Wylie |
335a1 མདོར་ན་ཐུགས་ཀྱི་དམ་ཚིག་ནི། །སྲིད་གསུམ་སེམས་ཅན་ཐམས་ཅད་ཀྱི། །སེམས་རྟོག་རྣམ་པ་ཐམས་ཅད་ཀུན། །སྐྱེ་མེད་དབྱིངས་ལས་མ་གཡོས་ཀྱང་། །སོ་སོར་རྟོགས་པ་ཐུགས་ཉིད་སྣང་། །སྣང་ཉིད་དབྱིངས་ལས་མི་འདའ་བར། །
335a2 རྟོགས་པ་ཐུགས་སུ་རྒྱལ་བས་གསུངས། །དེ་ནི་རྩ་བའི་དམ་ཚིག་གི། །མདོ་ཉིད་རྒྱས་པར་བཤད་པ་ཡིན། །རྩ་བའི་དམ་ཚིག་གི་མདོ་རྒྱས་པར་བཤད་པའོ། །མི་སྤོང་དམ་ཚིག་ཅེས་བྱ་བ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལྔ་རྣམས
335a3 ནི། །རིགས་ལྔའི་སངས་རྒྱས་ངོ་བོ་སྟེ། །ཡེ་ཤེས་ལྔ་ཡི་རང་བཞིན་པས། །སྤངས་ན་རྣལ་འབྱོར་དོན་དང་འགལ། །མི་དོར་དང་དུ་བླང་བ་ནི། །དྲི་ཆེན་དྲི་ཆུ་རཀྟ་དང་། །མ~ཾ་ས་དང་ནི་ཟིལ་པ་ལྔ། །འབྲས་བུ་ལྔ་ཡིས་བསྡུས་པ་རྣམས། །རྣལ་འབྱོར་པས་ནི
335a4 རྟག་ཏུ་བཟའ། །འདི་ཡང་དམ་ཚིག་རྨད་པོ་ཆེ། །སྤྱད་པར་བྱ་བའི་དམ་ཚིག་ནི། །སྦྱོར་དང་སྒྲོལ་དང་མ་བྱིན་ལེན། །དང་ངག་རྩུབ་སྨྲ་དང་ལྔ། །དོན་དམ་སྐྱེས་བུས་སྤྱད་པར་བྱ། །ཤེས་པར་བྱ་བའི་དམ་ཚིག་ནི། །ཕུང་པོ་ལྔ་དང་འབྱུང་བ་ལྔ། །དབང་པོ
335a5 ཡུལ་ལྔ་ཁ་དོག་ལྔ། །རིགས་ལྔ་ཡེ་ཤེས་ལྔ་ཉིད་དུ། །དོན་ལྡན་སྐྱེས་བུས་ཤེས་པར་བྱ། །ལུང་དང་ལྡན་པའི་རྣལ་འབྱོར་པས། །གྲུབ་པར་བྱ་བའི་དོན་ཆེན་ཡང་། །སངས་རྒྱས་ལྔ་ལས་གཞན་མི་བསྒྲུབ། །གྲུབ་པར་བྱ་བའི་དམ་ཚིག་སྟེ། །འདི་དག་བསྲུང
335a6 བར་རབ་ཏུ་གཅེས། །དེ་ཡང་ཅི་ཕྱིར་བསྲུང་ཞེ་ན། །འདོད་ཆགས་རང་དང་སྤྱིར་སྣང་བ། །ཆགས་ཤིང་ཞེན་པ་ཐམས་ཅད་ཀུན། །པདྨ་རིགས་ཀྱི་ངོ་བོ་ཡིན། །ཞེ་སྡང་དེ་བཞིན་རྡོ་རྗེའི་རིགས། །གཏི་མུག་སངས་རྒྱས་ཡིན་པར་གསུངས། །ང་རྒྱལ་ཡིད་བཞིན
335a7 ནོར་བུ་སྟེ། །ཕྲག་དོག་ཞེས་བྱ་ལས་སུ་བཤད། །དེ་བས་སྤང་བར་བྱ་བ་མིན། །དྲི་ཆེན་སྣང་མཛད་གཙོ་བོ་ཡིན། །དྲི་ཆུ་གདོན་མི་ཟ་གྲུབ་པ། །རཀྟ་སྣང་བ་མཐའ་ཡས་སྐུ། །མ~ཾ་ས་རིན་ཆེན་འབྱུང་ལྡན་གཙོ། །བྱང་ཆུབ་སེམས་ནི་རྡོ་རྗེ་སེམས། །དེས་ན་དང་དུ
iiif viewer powered by OpenSeadragon
