| e-texts navigator |
| Wylie |
332b1 ཏིང་འཛིན་མི་གཡེང་འབྱོངས་པ་དང་། །དངོས་གྲུབ་བླང་བ་ལ་སོགས་བྱ། །དེ་ནས་རིལ་བུ་འམ་འདེ་གུ་འམ། །སྐྱོ་མ་ལ་སོགས་ཅི་རིགས་པར། །རྣལ་འབྱོར་མཆོག་གིས་སྤྱད་པར་བྱ། །ཞེས་གསུངས་སོ། །དེ་ལ་འདི་ནི་སྟན་བསྒྲུབ་པའི་ཐབས་སོ། །གང
332b2 ཡང་རུང་བའི་སེམས་ཅན་དེ། །ལས་བབ་པ་ཡི་རྣལ་འབྱོར་པས། །རཾ་ཡཾ་ཁཾ་གིས་སྲེག་སྦྱང་བྱ། །རྒྱུད་དྲུག་ས་བོན་འབྲུ་ལྔས་སྦྱང་། །རོལ་པའི་ཚུལ་གྱིས་བསྒྲལ་བྱ་ཞིང་། །རྣམ་ཤེས་སྦྱོར་བའི་ལྷུམས་སུ་འཕང་། །བྱང་ཆུབ་སེམས་ཀྱི་འཕྲོ་འདུ་ཡིས། །སྐུ
332b3 བསྐྱེད་ཡེ་ཤེས་སྐུར་སྤྲོས་ཏེ། །རྫོགས་སངས་རྒྱས་ལ་སོམ་ཉི་མེད། །ཅེས་གསུངས་སོ། །དེ་ལ་འདི་ནི་ག་ཎ་བསྒྲུབ་པའི་ཐབས་སོ། །མཚན་དང་ལྡན་པའི་གཟུངས་མ་ལ། །བསྙེན་སྒྲུབ་ལུང་བཞིན་སྦྱོར་བར་བྱ། །དཀར་དམར་འདྲེས་པའི་བྱང་ཆུབ་སེམས། །
332b4 རྡོ་རྗེ་ལྕེ་ཡིས་བླང་བར་བྱ། །སངས་རྒྱས་རྣམས་ལ་མཆོད་པར་བྱ། །འགྲོ་དྲུག་སྒྲིབ་པ་སྦྱོང་བར་བྱེད། །ཅེས་གསུངས་སོ། །དེ་ལ་འདི་ནི་སྤྱིར་བསྒྲུབ་པའི་ཐབས་སོ། །ཡི་དམ་བཅས་པ་བཏང་ན་ཡང་། །བདག་ལུས་ཕྱལ་བར་མི་གཏང་ཞིང་། །དེ་ཉིད་དྲན
332b5 པ་ཆེན་པོར་བྱ། །འཕགས་པ་མཆོད་པར་བརྩོན་པ་དང་། །རང་གི་ལྟ་བ་གསལ་བ་དང་། །གསང་སྔགས་སྡོམ་ལ་གནས་པ་དང་། །གསང་སྔགས་ཕྱག་རྒྱ་མ་ཉམས་དང་། །ཡོ་བྱད་ཚོགས་ན་ངེས་པར་འགྲུབ། །མི་ལྡན་དོན་རྣམས་བརླག་པར་འགྱུར། །
332b6 ཞེས་གསུངས་སོ། དེ་ལ་འདི་ནི་མི་འགྲུབ་པའི་ཆད་པའོ། །བསྙེན་བསྒྲུབ་རིམ་པར་མ་རྫོགས་པར། །དངོས་ལ་ཞེན་ཅིང་སྒྲུབ་བྱེད་པ། །རང་རྒྱུད་སྲེག་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་བསྒྲུབས་ནས་མ་གྲུབ་པའི་ཆད་པའོ། །བཀའ
332b7 བཞིན་སྒྲུབ་པའི་རྣལ་འབྱོར་པས། །དུས་བཞིན་གྲུབ་པར་མ་གྱུར་ན། །རྡོ་རྗེ་སེམས་དཔའ་ལ་སོགས་པའི། །ཡེ་ཤེས་ལས་གྲུབ་ལྷ་རྣམས་ཀྱང་། །ཚལ་པར་འགས་པ་གདོན་མི་ཟ། །ཞེས་གསུངས་སོ། །དངོས་གྲུབ་གཞན་དག་དེ་དག་ཏུ། །མི་ཟད
iiif viewer powered by OpenSeadragon
