| e-texts navigator |
| Wylie |
330b1 རྒྱུ་ཡང་བརྟག་པར་བྱ་བ་ནི། །མཛེས་ཤིང་བཀྲ་ཤིས་ལྡན་པ་ལ། །བོང་ཚོད་ལོ་ནི་དར་ལ་བབ། །རིགས་ལྔའི་མཚན་རྟགས་ཡོད་པ་ཤིས། །བསྒྲུབ་པའི་རྒྱུ་མཆོག་དེ་ལྟ་བུ། །དག་པ་གསུམ་གྱིས་གཞུང་བསྲངས་ནས། །བྱིན་གྱིས་བརླབ་པ་རབ་ཏུ་བྱ། །
330b2 དྷ་ཧུ་མ་འདས་དབང་པོ་བསྒྱུར། །བདུད་རྩི་ལྔ་ཡི་ཐིག་ལེ་ཡིས། །དབང་པོ་ལྔ་ལ་གདབ་པར་བྱ། །སྣང་སྲིད་གཏམ་ནི་དྲི་བའམ། །ལེགས་ཉེས་དྲི་བའི་པྲ་ཡང་དབབ། །རྣམ་ཤེས་འབྱུང་བའི་སྒོ་རྣམས་སུ། །སོ་སོའི་རིགས་ཀྱི་ཕྱག་རྒྱས་གདབ། །ཕྱག
330b3 རྒྱ་བཀོད་དེ་བསྒྲལ་བར་བྱ། །ཕུང་པོ་གཞལ་ཡས་ཁང་དུ་བྱ། །ནང་གྲོལ་ཐམས་ཅད་ལྷར་བསྒོམས་ཏེ། །བསྒྲལ་སྦྱངས་སྦྱར་བ་བྱས་ནས་ནི། །མཆོད་དང་མཉེས་དང་དམ་སྐོངས་དང་། །དངོས་གྲུབ་རྣམ་གསུམ་ཐོབ་ནས་བླང་། །ཞེས་གསུངས
330b4 སོ། །དེ་ལ་འདི་ནི་མཆོག་ཕྲན་གཙང་མ་བསྒྲུབ་པའི་ཐབས་སོ། །མཎྜལ་གྲུ་བཞི་ཚད་ལྡན་ལ། །ཟླ་གམ་སྒོ་གཅིག་རྡོ་རྗེས་བསྐོར། །མུ་ཁྱུད་སྒོ་བཞི་རབ་ཏུ་བྲི། །ཁྱུ་མཆོག་དབང་པོ་ཕྱེད་ལྡན་ལ། །ཕྱི་ནང་ཁྲུས་ཀྱང་དེ་བཞིན་བྱ། །དབུས་སུ་བཞག
330b5 སྟེ་ཤར་དུ་བསྟན། །ལྕེ་ལ་གཟུངས་ཐག་སྣ་ལྔས་གདགས། །མན་ངག་ལུང་ལྡན་ཕྱག་ཏུ་དབུལ། །ཕྱག་རྒྱ་རྫས་དང་བཅས་པར་དགྲམ། །དེ་ཡི་ཁོང་དུ་གཞལ་ཡས་སུ། །ཡེ་ཤེས་སེམས་དཔའ་ཚོན་གང་བའི། །ཐུགས་ཀར་ནོར་བུ་རིན་ཆེན
330b6 འབར། །དབུས་སུ་ཉི་མའི་གའུ་ལ། །དཔལ་བེའུ་ཡུངས་འབྲུའི་སྙིང་པོ་ལ། །ཏིལ་འབྲུ་ཙམ་གྱི་ཧཱུ~ཾ་དམར་གནས། །རྡོ་རྗེ་འཕྲོ་འདུ་རྒྱུན་མི་གཅད། །རྡོ་རྗེ་པྲ་ཡང་དབབ་པར་བྱ། །དེ་ནས་མཚན་རྟགས་བཟང་བ་དང་། །དངོས་གྲུབ་བླངས་ཏེ་བསྒྲལ
330b7 བར་བྱ། །བསྐམས་ཏེ་བདུད་རྩིའི་རྩ་བར་ཤིས། །ཞེས་གསུངས་སོ། །དེ་ལ་འདི་ནི་དྲེགས་པ་ཅན་གནོན་པ་བསྒྲུབ་པའི་ཐབས་སོ། །ཕུན་སུམ་ཚོགས་པ་བཞི་ལྡན་ནས། །ཇི་ལྟར་རིགས་པ་འདུས་པ་དང་། །མཎྜལ་གཞི་གཅིག་སྐྱོང་ནུལ་བྱ། །
iiif viewer powered by OpenSeadragon
