| e-texts navigator |
| Wylie |
330a1 དགོད། །དཔལ་དང་ལྡན་པའི་གནོད་དགུ་ལ། །སྐུ་གསུང་ཐུགས་དང་ལྡན་པར་ནི། །གསོལ་བའི་འོད་དང་བཅས་པར་དགྲམ། །རྫས་ཀྱིས་མཛེས་པར་བརྒྱན་པར་བྱ། །རྨད་དུ་བྱུང་བའི་གཏོར་མ་དགྲམ། །མཆོད་པའི་དམ་རྫས་ཚང
330a2 བར་བཤམ། །དེ་ནས་རྣལ་འབྱོར་ཆེན་པོ་ཀུན། །བདག་ཉིད་ཕྱག་རྒྱར་གནས་པ་དེ། །བསྐྱེད་པ་ཏིང་འཛིན་ཚུལ་བཞིན་བསྐྱེད། །རང་བཞིན་རྫོགས་ཆེན་སྤྱན་དྲངས་མཆོད། །བསྒྲུབ་པ་ཉམས་ལེན་བཟློག་པར་བྱ། །དངོས་གྲུབ་གསོལ་དང་དབང་བསྐུར
330a3 བྱ། །དེ་ནས་གཏོར་མ་ཚོ་གསུམ་དུ། །དང་པོར་བཅད་དེ་སྦྱིན་སྲེག་བྱ། །བར་མས་མཁའ་འགྲོ་ཚིམ་པར་བྱ། །ཐ་མ་མི་ཟད་གཏེར་དུ་སྦ། །ལས་རྣམས་རྫོགས་པར་བྱས་ན་ནི། །དཔལ་ཆེན་ཉིད་ཀྱང་འགྲུབ་འགྱུར་ན། །དངོས་གྲུབ་གཞན་ལྟ་སྨོས་ཅི
330a4 དགོས། །ཞེས་གསུངས་སོ། །དེ་ལ་འདི་ནི་རྡོ་རྗེ་མཆོག་ཆེན་པོ་བསྒྲུབ་པའི་ཐབས་སོ། །དོན་དང་ལྡན་པའི་རྣལ་འབྱོར་པས། །ས་སྟེངས་ཆག་ཕྱེད་ཚད་དུ་བྱ། །སུམ་བརྩེགས་བྱས་དབུས་ཟླ་གམ་བརྒྱད། །ཕྱི་མཐའ་ཐོད་པས་བསྐོར་བ་ལ། །མེ་དཔུང་འབར
330a5 བས་བསྐོར་བའོ། །དེ་ཡི་ཕྱི་རིམ་དམར་ཆེན་རྒྱས། །དབུས་སུ་བན་དྷ་མཚན་ལྡན་ལ། །ཡབ་ཡུམ་སྙིང་པོ་བྲིས་ལ་བཞག་།ཟླ་གམ་བརྒྱད་ལ་མ་བརྒྱད་བཞག་།མཐིང་གནག་མ་ཐ་མེ་རི་འབར། །དེ་འོག་ཐོད་ཚར་གསུམ་དུ་བྱ། །སྒོ་ཁྱམས་དུར
330a6 ཁྲོད་རྫས་ཀྱིས་བརྒྱན། །སྒོ་རྩེག་སྒོ་ཁྱུད་ཐ་མ་བྲན། །གནས་མཆོག་རབ་ཏུ་དབེན་པ་ཡི། །རི་ཡི་རྩེ་འམ་ནགས་ཚལ་ལམ། །སྡེ་དཔུང་ཕྲ་མོས་མི་ཚུགས་ཤིང་། །འདུ་འཛི་འགྲོ་འོང་ཆད་པར་ཤིས། །རྣལ་འབྱོར་གདེང་དང་རབ་ལྡན་ཞིང་། །བརྗིད
330a7 ཅིང་སྲན་ཚུགས་ཁུ་འཕྲིག་ཆུང་། །བརྟུལ་ཞུགས་ཆེ་ལ་རྟོག་པ་མེད། །ལས་ཀྱི་ཕྲེང་བ་ལྷག་ཆད་མེད། །དྲི་ཞིམ་སྨན་གྱིས་ཕྱི་བཀྲུ་ཞིང་། །ཤི་ནེ་དྷེ་ཧུས་ནང་ཡང་བཀྲུ། །ཚད་མར་སྦྱར་བའི་བཀའ་དག་དང་། །ལྡན་པས་དུས་བཏབ་བཞིན་དུ་བརྩམ། །
iiif viewer powered by OpenSeadragon
