| e-texts navigator |
| Wylie |
329b1 ཐིག་བཞི་ལེའུ་ཚེ་དགུ། །དེའི་མཐའ་འཁོར་ལོ་རྩིབས་བརྒྱད་བྱ། །སྒོ་བཞི་སྒོ་ཁྱུད་བཅས་པར་བྲི། །མཐའ་ཟད་བསྐལ་པའི་མེ་རི་འབར། །དབུས་སུ་ཟླ་གམ་ཁ་སྤྲོད་བྲི། །ཕྱོགས་མཚམས་བརྒྱད་དུ་ཁ~ཾ་བརྒྱད་བྲི། །འཁོར་ལོའི་བར་ཁྱམས་མུ་ཁྱུད
329b2 ལ། །ནང་དུ་བལྟས་པའི་ཁ~ཾ་བརྒྱད་གསལ། །རྩིབས་ལ་ནང་དུ་ལྟ་བ་བརྒྱད། །མུ་ཁྱུད་བརྒྱད་ལ་ཕྱིར་བལྟས་བརྒྱད། །གྲུ་ཆད་བཞི་ལ་ནང་བལྟས་བཞི། །སྒོ་བཞིར་ཕྱིར་བལྟ་བྲི་བར་བྱ། །ཕྱི་རོལ་བར་ཁྱམས་དེ་དག་ལ། །ཕྱི་ལྟ་ཉི་ཤུ་རྩ་བརྒྱད
329b3 བྲི། །བསྐལ་པའི་མེ་རི་ཕྱི་ཁྱམས་ལ། །ཕྱིར་ལྟ་བཅུ་ནི་བྲི་བར་བྱ། །དེ་ལ་ཕྱག་རྒྱ་རིམ་པར་དགོད། །རོ་ཡི་ཚོལ་སྟངས་རྣམ་བཞི་ཡིས། །དུར་ཁྲོད་རྫས་མཆོག་མ་ཉམས་བཅོལ། །ཡེ་ཤེས་སྤྱན་གྱིས་ལྟ་བ་དང་། །རྡོ་རྗེ་འགྲོས་ཀྱིས་བཙལ་བ་དང་། །
329b4 ཕྱག་རྒྱའི་ཚོགས་ཀྱིས་རོལ་པ་དང་། །མ་མོའི་ཚོགས་ཀྱིས་འཇོ་ཚུལ་དང་། །བཙལ་ནས་མཎྜལ་སྒོ་བཞི་ནས། །བྲོ་ཆེན་བཞི་ཡིས་སྦྱང་བར་བྱ། །ཤར་དུ་དུག་གསུམ་འཇོམས་པའི་བྲོ། །ལྷོ་རུ་ཁྲག་འཐུང་རོལ་པའི་བྲོ། །ནུབ་ཏུ་རྟ་མཆོག་ཞལ་གྱི
329b5 བྲོ། །བྱང་དུ་གདུལ་སྦྱོང་དྲག་པོའི་བྲོས། །སྦྱང་བར་བྱ་བ་རབ་ཏུ་གཅེས། །དེ་ནས་དབུས་སུ་གཞག་བྱ་སྟེ། །མགོ་བོ་ཤར་དུ་བསྟན་པ་དེའི། །ཕུང་པོ་བྲུ~ཾ་ལས་གཞལ་མེད་ཁང་། །དེ་རུ་ཕྱག་རྒྱའི་ཚོགས་མཆོག་བསྒོམ། །སོ་སོའི་རྫས་ཀྱི་གནས
329b6 རྣམས་ལ། །རིགས་ཀྱི་ལྷ་རྣམས་རིམ་པར་དགོད། །བསྙེན་པས་ཕྱིན་ཕེབས་རྟགས་བྱུང་ནས། །བམ་དེ་བྱང་ཤར་མཚམས་སུ་བསྒྲལ། །རྡོ་རྗེ་ཐིག་གིས་བཏབ་ནས་ཀྱང་། །རྫས་རྣམས་སོ་སོའི་སྐོས་སུ་གདབ། །དེས་མཚོན་རྣམ་ལྔས་བཀྲོ་བར་བྱ། །
329b7 འཁོར་ལོའི་སྤྱི་བོ་ཉིད་ནས་བཀྲོ། །རྡོ་རྗེས་སྙིང་གའི་ཕྱོགས་ནས་བཀྲོ། །རིན་ཆེན་ཟུར་བརྒྱད་ལྟེ་བ་ནས། །པདྨས་ཁ་ཡི་ཕྱོགས་ནས་སོ། །རལ་གྲིས་ཡན་ལག་རྣམས་ནས་བཀྲོ། །དེ་ནས་ཕྱག་རྒྱའི་གནས་རྣམས་སུ། །རྫས་རྣམས་བཞིན་དུ
iiif viewer powered by OpenSeadragon
