| e-texts navigator |
| Wylie |
328b1 ཐབས་སུ་འགྱུར། །ཞེས་གསུངས་སོ། །དེ་ལ་འདི་ནི་རོ་བསྲེག་པའི་བསྒྲུབ་ཐབས་སོ། །ནམ་མཁའི་དབྱིངས་ཀྱི་དབུས་སུ་ནི། །བདག་ཉིད་འཇིགས་བྱེད་སྐུར་བསྒོམས་ཏེ། །རོ་ལ་སྔགས་ཀྱིས་བཏབ་ནས་ནི། །དྲི་ཞིམ་ཆུ་ཡིས་བྱུག་པར་བྱ། །ཞུན
328b2 ཆེན་ཁུ་བར་བཙོས་པ་ཡི། །རས་ཀྱིས་ཀྱང་ནི་དཀྲི་བར་བྱ། །དབང་པོ་རྣམས་ཀྱི་གནས་དག་ཏུ། །ལྷ་ཡི་ཕྱག་རྒྱ་དགོད་པར་བྱ། །གནས་དེར་སྡོང་བུ་རེ་རེ་ལ། །ལྷ་རྣམས་སྙིང་པོ་བྲིས་པ་གདགས། །རོ་ཡི་ཕྱི་རོལ་ཤུན་པ་ལ། །འགྲོ་དྲུག་ས་བོན་བཀོད
328b3 ནས་ནི། །རིམ་གྱིས་སྦྱང་བའི་ལས་སུ་བྱ། །ཐབ་ཁུང་དཀྱིལ་གང་ཡིན་པ་ཡི། །ཕྱག་རྒྱ་གཞུང་དང་མཐུན་པར་དགོད། །དེ་སྟེངས་ཤིང་བརྩིགས་གྲུ་བཞི་ལ། །ཀ་བ་ཟུར་བཞི་སུམ་བརྩེགས་ཀྱི། །བར་ཁང་ཡང་ཐོག་བཅས་པར་བྱ། །བར་ཁང་རོ་གཞག
328b4 ཤར་དུ་བསྟན། །ཡང་སྟེངས་རས་སམ་ཤོག་ཤོག་ལ། །བྲིས་པའི་ཕྱག་རྒྱ་ཚང་བར་དགོད། །བར་ཁང་གློ་སྐར་ཕྱོགས་བཞི་ནས། །གཟུངས་ཐག་ཕྱོགས་བཞིར་བླ་མར་དབུལ། །དེ་མཐར་འཁོར་གྱི་ལྷ་རྣམས་དགོད། །དེ་ནས་རྡོ་རྗེ་རྒྱལ་པོ་ཡིས། །མེ
328b5 ཡི་འཕྲོ་འདུ་རྒྱུན་མི་གཅད། །རྡོ་རྗེ་ལས་ཀྱི་ཀར་མ་ཡིས། །ལས་ཀྱི་ཕྲེང་བ་རྫོགས་པར་རོལ། །རྡོ་རྗེ་བླ་མ་གཅིག་གིས་ནི། །རོ་ཡི་ཉེས་པ་བགྲང་ཞིང་བཤགས། །རྡོ་རྗེ་སྐབས་སྦྱོར་ཆེན་པོ་ཡི། །རྡོ་རྗེ་མཆོད་པ་སྐབས་སུ་དབུལ། །བཀྲ་ཤིས་གནས་ཀྱི
328b6 སྨོན་ལམ་ནི། །སྐབས་སམ་མཇུག་ཏུ་གདབ་པར་བྱ། །རྡོ་རྗེ་གྲངས་ཀྱི་ཏིང་འཛིན་གྱིས། །གྲངས་གཟུང་དཀར་བྱང་བླ་མ་དབུལ། །སྡིག་པའི་གནག་བྱང་གཤེགས་ཤིང་བསྲེག་།མེ་ལྷ་སྤྱན་དྲང་མཆོད་པ་བྱ། །བསྟོད་པ་དག་ཀྱང་ལེགས་པར་བྱ། །རོ་ཡི
328b7 སྒྲིབ་པ་འབྱོངས་མ་འབྱོངས། །མེ་ལ་ལྟས་སུ་བལྟ་བར་བྱ། །མཚན་མ་མི་སྡུག་བྱུང་བ་ན། །བསྲེག་སྦྱང་ཆོ་ག་རྒྱ་ཆེར་བྱ། །དེ་ནི་ཚོགས་རྣམས་རྫོགས་པར་འགྱུར། །ཞེས་གསུངས་སོ། །དེ་ལ་འདི་ནི་རྡོ་རྗེ་ཐལ་ཆེན་བསྒྲུབ་པའི་ཐབས་སོ། །དེ་ལ་ཐལ་བ་ཐམས
iiif viewer powered by OpenSeadragon
