| e-texts navigator |
| Wylie |
328a1 ཏེ། །མིག་ལ་བསྐུས་ན་ཅི་ཡང་མཐོང་། །མི་སྣང་བ་དང་རྐང་མགྱོགས་དང་། །དེ་ལ་སོགས་པའི་དངོས་གྲུབ་རྣམས། །ཐོབ་པར་འགྱུར་ཏེ་གདོན་མི་ཟ། །ཞེས་གསུངས་སོ། །དེ་ལ་འདི་ནི་རྡོ་རྗེ་རོ་ལངས་བསྒྲུབ་པའི་ཐབས་སོ། །ནམ་མཁའི
328a2 དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །བདུད་རྩི་འཁྱིལ་པ་རྣམ་པར་བསྒོམ། །དུར་ཁྲོད་རི་བྲག་གཉན་པའི་སར། །རོ་ཡི་རྫས་བཙལ་དེ་ནས་ཀྱང་། །རོ་ཡི་གཉེན་པོར་བདག་བསམས་ཏེ། །དེ་ཡི་སྟེང་དུ་བདག་གནས་ལ། །
328a3 དེ་ལ་དཀྱིལ་འཁོར་ཚང་བར་བསྒོམ། །དེ་སྔགས་རྒྱུན་དུ་བཟླས་བྱ་ཞིང་། །དགུག་པའི་ཕོ་ཉ་དྲག་ཏུ་བསྐུལ། །མདོག་མདངས་བཀྲག་སྣུམ་བྱུང་བ་དང་། །བདུད་རྩི་ཡིས་ནི་བསྐུ་བར་བྱ། །དེ་ནས་འགུལ་བར་གྱུར་པ་དང་། །ཕྱག་རྒྱ་བཞི་ཡིས་གཞུམ་པར
328a4 བྱ། །སྔགས་ཀྱི་འཕྲོ་འདུ་རྒྱུན་མི་གཅད། །དེ་ནས་རབ་ཏུ་འཕར་བ་དང་། །འགྲོ་བ་རིས་དྲུག་གང་ཡིན་པ། །རྡོ་རྗེ་དྲག་ཏུ་གདབ་པར་བྱ། །རྡོ་རྗེ་སོ་ཡིས་གཅད་བྱ་ཞིང་། །སྔགས་ཟློས་ཁོང་དུ་བསྟིམ་པར་བྱ། །དེ་ནས་ལངས་པར་གྱུར་པ་དང་། །རྡོ་རྗེ་བྱིན
328a5 ནས་དབང་ཡང་བསྐུར། །བདུད་རྩིའི་ཆུ་ཡང་བླུད་པར་བྱ། །ལས་རྣམས་གང་འདོད་བྱེད་དུ་གཞུག་།ཡང་ན་གསེར་རམ་གོས་མཚོན་ནམ། །རྐང་མགྱོགས་ལ་སོགས་དངོས་གྲུབ་རྣམས། །ཇི་ལྟར་འདོད་པ་རྐྱེན་གྱིས་བསྒྱུར། །གང་འདོད་པ་དེ
328a6 གདོན་མི་ཟ། །ཞེས་གསུངས་སོ། །དེ་ལ་འདི་ནི་རྡོ་རྗེ་སྒྱུ་མ་བསྒྲུབ་པའི་ཐབས་སོ། །བདག་ཉིད་ལྷ་ཡི་རྣལ་འབྱོར་གྱིས། །རྡེའུ་ཤིང་བུ་ཡི་རྒྱུ་དག་ལས། །ཇི་ལྟར་འདོད་པའི་གཟུགས་བྱས་ཏེ། །ཤེའུ་རེ་སྨན་གྱིས་བྱུགས་ནས་ནི། །རྡོ་རྗེ་སྔགས
328a7 ཀྱིས་ཚིག་འདི་བཟླས། །ཤེའུ་རེའུ་ཨི་ན་ཡ། ། མོ་ཀ་ཨ་གྷུས་ས་གྷུས། །ཤིང་བུ་དག་གིས་གདབ་བྱ་ཞིང་། །ཇི་ལྟར་འདོད་པའི་གཟུགས་སུ་འགྱུར། །དེས་ནི་སྣ་ཚོགས་གཟུགས་སུ་འགྱུར། །བསྡུ་བར་འདོད་ན་སླར་ལ་བཟློག་།དེ་ཡང་བཀྲི་དྲང
iiif viewer powered by OpenSeadragon
