| e-texts navigator |
| Wylie |
327a1 གདོན་མི་ཟ། །ཞེས་གསུངས་སོ། །དེ་ལ་འདི་ནི་དུག་དབྱུང་བའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །ཟླ་བའི་དཀྱིལ་འཁོར་དབུས་གནས་པར། །སྤྱན་རས་གཟིགས་ནི་བསྒོམ་པར་བྱ། །ཁ་དོག་དཀར་པོ་ཧྲི་སྤྲོས་ཏེ། །དུག་ཅན
327a2 ཁོང་དུ་ཞུགས་པ་ཡིས། །དུག་རྣམས་ཧྲི་ལ་འདུས་ནས་ནི། །ཧཱུ~ཾ་གིས་ཁོང་ནས་ཕྱིར་ཕྱུང་དང་། །ཕཊ་ཀྱིས་བར་སྣང་ཁམས་སུ་གཏོར། །ཡང་ན་གཞན་གྱི་ཁོང་དུ་སྤོ། །དེས་ནི་དེ་མ་ཐག་ཏུ་ཡང་། །དུག་རྣམས་དབྱུང་བར་གདོན་མི་ཟ། །ཞེས་གསུངས་སོ། །དེ
327a3 ལ་འདི་ནི་དུག་སྤོ་བའི་ཐབས་སོ། །དུག་ཅན་སྙིང་གར་ཨོ~ཾ་དཀར་ལས། །འོད་ཟེར་དཀར་པོས་དུག་བསྡུས་པས། །ོ~ཾ་ཉིད་ནག་པོར་སྣང་བྱུང་ནས། །གཞན་གྱི་ལྕེ་འམ་མཚན་མ་འམ། །ཁོང་དུ་ཞུགས་པར་རབ་བསྒོམས་ན། །འཕོ་བ་རྟག་ཏུ་གདོན་མི་ཟ། །
327a4 ཞེས་གསུངས་སོ། །དེ་ལ་འདི་ནི་ཉེ་བའི་དུག་གསོ་བའི་ཐབས་སོ། །མཛེ་འབྲས་ཤུ་བ་ཕོལ་མིག་དང་། །འབྲུམ་བུ་ལ་སོགས་ནད་རྣམས་ཀུན། ། དཀར་དག་གི་འཕྲོ་འདུ་ཡིས། །གོང་མ་བཞིན་དུ་དབྱུང་བར་བྱ། །སྤོ་བ་ཡང་ནི་དེ་བཞིན་ནོ། །དེ་ནི་ཁམས་ལས
327a5 གྱུར་པ་ཡི། །ནད་རྣམས་ཐམས་ཅད་ངེས་པར་སེལ། །ཞེས་གསུངས་སོ། །དེ་ལ་འདི་ནི་བཀྲེས་སྐོམ་ཞི་བ་སྒྲུབ་པའི་ཐབས་སོ། །བཀྲེས་སྐོམ་ཅན་གྱི་ཉོན་མོངས་པའམ། །ཡང་ན་བསྒྲུབ་པའམ་གང་ཡང་རུང་། །སྦྱོར་བ་འདི་ནི་བརྩམ་པར་བྱ། །རྣམ་པར་སྣང
327a6 མཛད་གཟུགས་ཆེན་པོ། །ནམ་མཁའི་དབུས་སུ་བསྒོམ་པར་བྱ། །བ་ནི་ཁ་ཡི་ནང་དུ་བསྒོམ། །ོ~ཾ་ནི་ལྕེ་ལ་རྣམ་བསམས་ཏེ། །ཡིད་བཞིན་བདུད་རྩི་ལྟ་བུ་ཡི། །བཟའ་བའི་གནས་སུ་དེ་ཉིད་བསམ། །དེས་ནི་བཀྲེས་སྐོམ་སྡུག་བསྔལ་སེལ། །ཞེས་གསུངས
327a7 སོ། །དེ་ལ་འདི་ནི་རྣམ་པར་དག་པ་བསྒྲུབ་པའི་ཐབས་སོ། །ོ~ཾ་ནི་མིག་ལ་རབ་བསམས་ཏེ། །ཡུལ་ཀུན་རྣམ་སྣང་མཛད་དུ་བསྒོམ། །དེ་ལྟར་རྟག་ཏུ་གོམས་པ་དང་། །ཆོས་ཀུན་སྐུ་གསུང་རྡོ་རྗེ་མཐོང་། །དེ་ཉིད་རྣམ་དག་སྤྱན་དུ་གྲགས། །ཞེས་གསུངས་སོ། །
iiif viewer powered by OpenSeadragon
